Page Text
________________
तच्चा चउव्विहपडिवत्ती
पलिओवमाइं ठिती पण्णत्ता, मज्झिमियाए परिसाए बारस सागरोवमाइं छच्च पलिओवमाइं ठिती पण्णत्ता, बाहिरियाए परिसाए बारस सागरोवमाइं पंच पलिओवमाइं ठिती पण्णत्ता॥
१०५१. महासुक्कस्सवि जाव तओ परिसाओ जाव अभितरियाए एगं देवसहस्सं, मज्झिमियाए दो देवसाहस्सीओ पण्णत्ताओ, वाहिरियाए चत्तारि देवसाहस्सीओ। अभितरियाए परिसाए अद्धसोलस सागरोवमाइं पंच पलिओवमाइं, मज्झिमियाए अद्धसोलस सागरोवमाइं चत्तारि पलिओवमाइं, बाहिरियाए अद्धसोलस सागरोवमाइं तिण्णि पलिओवमाइं । अट्ठो सो चेव ॥
१०५२. सहस्सारे पुच्छा जाव अभितरियाए परिसाए पंच देवसया, मज्झिमियाए परिसाए एगा देवसाहस्सी, बाहिरियाए दो देवसाहस्सीओ पण्णत्ताओ। ठिती-अभितरियाए अट्ठारस सागरोवमाइं सत्त पलिओवमाइं ठिती पण्णत्ता, एवं मज्झिमियाए अद्धट्ठारस छप्पलिओवमाइं बाहिरियाए अद्धट्ठारस सागरोवमाइं पंच पलिओवमाइं। अट्ठो सो चेव ॥
१०५३. आणयपाणयस्सवि पुच्छा जाव तओ परिसाओ, णवरि-अभितरियाए अड्ढाइज्जा देवसया, मज्झिमियाए पंच देवसया, बाहिरियाए एगा देवसाहस्सी। ठितीअभितरियाए एगूणवीसं सागरोवमाइं पंच य पलिओवमाइं, एवं मज्झिमियाए एगोणवीसं सागरोवमाइं चत्तारि य पलिओवमाइं, बाहिरियाए परिसाए एगूणवीसं सागरोवमाइं तिण्णि य पलिओवमाइं ठिती। अट्ठो सो चेव ।।
१०५४. कहिं णं भंते ! आरणअच्चुयाणं देवाणं तहेव अच्चुए सपरिवारे जाव विहरति ।
१०५५. अच्चुयस्स णं देविंदस्स तओ परिसाओ पण्णत्ताओ। अभितरपरिसाए देवाणं पणवीसं सयं, मज्झिमपरिसाए अड्ढाइज्जा सया, वाहिरपरिसाए पंचसया, अभितरियाए एक्कवीसं सागरोवमाइं सत्त य पलिओवमाइं, मज्झिमियाए एक्कवीसं सागरोवमाइं छप्पलिओवमाइं, वाहिरपरिसाए एकवीसं सागरोवमाइं पंच य पलिओवमाइं ठिती पण्णत्ता ॥
१०५६. कहि णं भंते ! हेद्विमगेवेज्जगाणं देवाणं विमाणा पण्णत्ता ? कहि णं भंते ! हेट्टिमगेवेज्जगा देवा परिवसंति ? जहेव' ठाणपए तहेव । एवं मज्झिमगेवेज्जा उवरिमगेवेज्जगा अणुत्तरा य जाव' अहमिदा नाम ते देवा पण्णत्ता समणाउसो !॥
वेमाणियउद्देसओ बीओ १०५७. सोहम्मीसाणेसु कप्पेसु विमाणपुढवी किंपइट्ठिया पण्णत्ता ? गोयमा ! घणोदहिपइट्ठिया पण्णत्ता ॥
१०५८. सणंकुमार-माहिदेसु कप्पेसु विमाणपुढवी किंपइट्ठिया पण्णत्ता ? गोयमा ! घणवायपइट्ठिया पण्णत्ता ।
१. पण्ण० २०६०।
२. पण्ण०२।६१-६३ ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |