Page Text
________________
जीवाजीवाभिगमे
१०५. बंभलोए णं भंते! कप्पे विमाणपुढवी' णं पुच्छा । घणवायपइट्ठिया
पण्णत्ता ॥
૪૬૪
१०६०. लंतए' तदुभयपट्टिया पण्णत्ता ॥
१०६१. महासुक्क सहस्सा रेसुवि तदुभयपइट्टिया ॥
१०६२. आणय जाव अच्चुएसु णं भंते! कप्पेसु पुच्छा । ओवासंत रपइट्ठिया
पण्णत्ता ॥
ओवा संतरपट्टिया
१०६३. गेवेज्जविमाणपुढवीणं भंते! पुच्छा । गोयमा !
पण्णत्ता ॥
१०६४. अणुत्तरोववाइयपुच्छा । ओवासंतरपइट्टिया पण्णत्ता ॥ १०६५. सोहम्मीसाणकप्पेसु विमाणपुढवी केवइयं बाहल्लेणं पण्णत्ता ? गोयमा ! सत्तावीस जोयणसयाई वाहल्लेणं पण्णत्ता ॥
१०६६. एवं पुच्छा - सणकुमार - माहिदेसु छव्वीसं जोयणसयाई । बंभ-लंत सु पंचवीसं। महासुक्क सहस्सारेसु चउवीसं । आणय- पाणयारणाच्चुएसु तेवीसं सयाई । वेज्ज विमाणढवी बावीसं । अणुत्तरविमाणपुढवी एक्कवीसं जोयणसयाई बाहुल्लेणं ॥
१०६७. सोहम्मीसाणेसु णं भंते! कप्पेसु विमाणा केवइयं उड्ढं उच्चत्तेणं ? गोयमा ! पंचजोयणसयाई उड्ढं उच्चत्तेणं ॥
१०६८. सणकुमार-माहिंदेसु छ जोयणसयाई । बंभ - लंत सु सत्त । महासुक्क - सहस्सारेसु अट्ठ । आणय- पाणयारणाच्चुएसु नव ॥
१०६९. गेवेज्जविमाणाणं भंते ! केवइयं उड्ढं उच्चत्तेणं ? गोयमा ! दस जोयणसयाई ॥
१०७०. अणुत्तरविमाणाणं एक्कारस जोयणसयाई उड्ढं उच्चत्तेणं ॥
१०७१. सोहम्मीसाणेणं भंते ! कप्पेसु विमाणा किंसंठिया पण्णत्ता ? गोयमा ! दुविहा पण्णत्ता, तं जहा - आवलियापविट्ठा य आवलियावाहिरा य । तत्थ णं जेते आवलियाविट्ठा ते तिविहा पण्णत्ता, तं जहा - वट्टा तंसा चउरंसा । तत्थ णं जेते आवलियाबाहिरा ते णं णाणासंठाणसंठिया पण्णत्ता । एवं जाव गेवेज्जविमाणा ||
१०७२. अणुत्तरविमाणा दुविहा पण्णत्ता, तं जहा - वट्टे य तंसा य ।।
१०७३. सोहम्मीसाणेसु णं भंते ! कप्पेसु विमाणा केवतियं आयाम - विक्खंभेणं ! केवतियं परिक्खेवेणं पण्णत्ता ? गोयमा ! दुविहा पण्णत्ता, तं जहा - संखेज्ज वित्थडा य असंखेज्जवित्थडा य । ‘तत्थ णं जेते संखेज्ज वित्थडा ते णं संखेज्जाई जोयणसहस्साई आयाम - विक्खभेणं, संखेज्जाई जोयणसहस्साइं परिक्खेवेणं । तत्थ णं जेते असंखेज्जवित्थडा ते णं असंखेज्जाइं जोयणसहस्साइं आयाम - विक्खंभेणं, असंखेज्जाई जोयणसहस्साइं परिक्खे - वेणं । एवं जाव गेवेज्जविमाणा ॥
९. पुढवी (ग, ट, ता, त्रि) ।
२. लंत णं भंते गो (क, ख, ग, ट, त्रि) ।
Jain Education International
३. जोयणाई (ar) |
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |