Page Text
________________
४६२
जीवाजीवाभिगमे
१०४४. ईसाणस्स णं भंते ! देविंदस्स देवरणो कति परिसाओ पण्णत्ताओ? गोयमा ! तओ परिसाओ पण्णत्ताओ, तं जहा-समिता चंडा जाता, तहेव सव्व, णवरअभितरियाए परिसाए दस देवसाहस्सीओ पण्णत्ताओ, मज्झिमियाए परिसाए वारस देवसाहस्सीओ, बाहिरियाए चोद्दस देवसाहस्सीओ। देवीणं पुच्छा । अभितरियाए णव देवीसता पण्णत्ता, मज्झिमियाए परिसाए अट्ठ देवीसता पण्णत्ता, वाहिरियाए परिसाए सत्त देविसता पण्णत्ता, देवाणं ठिती पुच्छा। अभितरियाए परिसाए देवाणं सत्त पलिओवमाई ठिती पण्णत्ता, मज्झिमियाए छ पलिओवमाइं, वाहिरियाए पंच पलिओवमाइं ठिती पण्णत्ता। देवीणं पुच्छा। अभितरियाए पंच' पलिओवमाइं, मज्झिमियाए परिसाए चत्तारि पलिओवमाइं ठिती पण्णत्ता, बाहिरियाए परिसाए तिणि पलिओवमाइं ठिती पण्णत्ता । अट्ठो तहेव भाणियव्वो॥
१०४५. सणंकुमाराणं पुच्छा। तहेव' ठाणपदगमेणं जाव
१०४६. सणंकुमारस्स तओ परिसाओ समिताई तहेव, णवरि-अभितरियाए परिसाए अट्ठ देवसाहस्सीओ पण्णत्ताओ, मज्झिमियाए परिसाए दस देवसाहस्सीओ पण्णत्ताओ, बाहिरियाए परिसाए वारस देवसाहस्सीओ पण्णत्ताओ। अभितरियाए परिसाए देवाण ठिती-अद्धपंचमाईसागरोवमाइ पच पलिओवमाई ठिती पण्णता, मज्झिमियाए
पंचमाई सागरोवमाई चत्तारि पलिओवमाई ठिती पण्णत्ता, बाहिरियाए परिसाए अद्धपंचमाई सागरोवमाइं तिण्णि पलिओवमाइं ठिती पण्णत्ता । अट्ठो सो चेव ॥
१०४७. एवं माहिंदस्सवि तहेव' तओ परिसाओ, णवरि-अभितरियाए परिसाए छद्देवसाहस्सीओ पण्णत्ताओ, मज्झिमियाए परिसाए अट्ठ देवसाहस्सीओ पण्णत्ताओ, वाहिरियाए दस देवसाहस्सीओ पण्णत्ताओ। ठिती देवाणं-अभितरियाए परिसाए अद्धपंचमाइं सागरोवमाई सत्त य पलिओवमाइं ठिती पण्णत्ता, मज्झिमियाए परिसाए अद्धपंचमाइं सावरोवमाइं छच्च पलिओवमाई, बाहिरियाए परिसाए अद्धपंचमाइं सागरोवमाइं पंच य पलिओवमाई ठिती पण्णत्ता॥
१०४८. तहेव सव्वेसि इंदाण ठाणपयगमेणं विमाणा णेतव्वा । ततो पच्छा परिसाओ पत्तेयं-पत्तेयं वुच्चति
१०४६. बंभस्सवि तओ परिसाओ पण्णत्ताओ-अभितरियाए चत्तारि देवसाहस्सीओ, मज्झिमियाए छ देवसाहस्सीओ, वाहिरियाए अट्ट देवसाहस्सीओ। देवाणं ठितीअभितरियाए परिसाए अद्धणवमाइं सागरोवमाइं पंच य पलिओवमाइं मज्झिमियाए परिसाए अद्धनवमाइं सागरोवमाइं चत्तारि य पलिओवमाइं, बाहिरियाए अद्धनवमाई सागरोवमाइं तिण्णि य पलिओवमाइं । अट्ठो सो चेव ।।
१०५०. लंतगस्सवि जाव तओ परिसाओ जाव अभितरियाए परिसाए दो देवसाहस्सीओ, मज्झिमियाए चत्तारि देवसाहस्सीओ पण्णत्ताओ, बाहिरियाए छद्देवसाहस्सीओ पण्णत्ताओ। ठिती भाणियव्वा-अभितरियाए परिसाए बारस सागरोवमाइं सत्त १. साइरेगाई पंच (त्रि)।
३. पण्ण० २१५३ । २. पण्ण० २।५२।
४. पण्ण० २।५४-५६ ।
www.jainelibrary.org
For Private & Personal Use Only
Jain Education International
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |