Page Text
________________
तच्चा चउव्विहपडिवत्ती
४५५
दाढाणं तवणिज्जखुराणं--त्रि) तवणिज्जजीहाणं तवणिज्जतालुयाण तवणिज्जजोत्तगसुजोतिताणं कामगमाणं पीतिगमाणं मणोगमाणं मणोरमाणं मणोहराणं अमीयगतीणं अमियबलवीरियपूरिसकारपरक्कमाणं महता अप्फोडियसीहनाइयबोलकलयलरवेणं (गंभीरगुलगुलाइयरवेणं-ख; यहेसियकिलकिलाइयरवेणं---त्रि) महरेण मणहरेण य पूरेंता अंबरं दिसाओ य सोभयंता चत्तारि देवसाहस्सीओ सीहरूवधारीणं देवाणं पुरच्छिमिल्ल बाहं परिवहति ।
चंदविमाणस्स णं दक्खिणेणं सेयाणं सुभगाणं सुप्पभाणं संखतलविमलनिम्मलदधिघणगोखीरफेणरययणियरप्पभासाणं वइरामयकुंभजुयलसुट्टितपीवरवरवइरसोंडवियदित्तसुरत्तपउमप्पकासाणं अब्भुण्णयमुहाणं (गुणाणं-त्रि) तवणिज्जविसालचंचलचलंतचवलकण्णविमलुज्जलाणं मधुवण्ण भिसंतणिद्धपिंगलपत्तलतिवण्णमणिरयणलोयणाणं अब्भग्गतमउलमल्लियाणं धवलसरिससंठितणिवणदढमसिण [कसिण --जं०७।१७७] फालियामयसुजायदंतमुसलोवसोभिताणं कंचणकोसीपविट्ठदंतग्गविमलमणिरयणरुइरपेरंतचित्तरूवगविरायिताणं तवणिज्जविसालतिलगपमुहपरिमंडिताणं णाणामणिरयणगुलियगेवेज्जबद्धगलयवरभुसणाणं वेरुलियविचित्तदंडणिम्मलवइरामयतिवखलअंकुसकुंभजुयलंत रोडियाणं तवणिज्जसुबद्धकच्छदप्पियबलुद्धराणं जंबूणयविमलघणमंडल व इरामयलालाल लियतालणाणामणि रयणघंटपासगरयतामयरज्जूबद्धलंबितघंटाजुयलमहुरस रमणहराणं अल्लीणपमाणजुत्तवट्टियसुजातलक्खणपसत्थरमणिज्जवालगत्तपरिछणाणं ओयवियपडिपुण्णकुम्मचलणलहुविक्कमाणं अंकामयणवखाणं तवणिज्जतालुयाण तवणिज्जजीहाणं तवणिज्जजोत्तगसुजोतियाणं कामकमाणं पीतिकमाणं मणोगमाणं मणोरमाणं मणोहराणं अमियगतीणं अमियबलवीरियपुरिसकारपरवकमाण महया गंभीर गुलगुलाइयरवेणं महरेण मणहरेणं पूरेता अंबरं दिसाओ य सोभयंता चत्तारि देवसाहस्सीओ गयरूवधारीणं देवाण दक्खिणिल्लं बाहं परिवहति । __चंदविमाणस्स णं पच्चत्थिमेणं सेताणं सुभगाणं सुप्पभाणं चंकमियललियपुलितचलचवलककुदसालीणं सण्णयपासाणं संगयपासाणं सुजायपासाणं मियमाइतपीणरइतपासाणं झसविहगसुजातकुच्छीण पसत्यणिद्धमधुगुलितभिसंतपिंगलक्खाणं विसालपीवरोरुपडिपुण्णविपुलखंधाण वट्टपडिपुण्णविपुलकवोलकलिताणं ईसिं आणय (आयय--त्रि) वसणोवढाणं घणणिचितसुबद्धलक्खणण्णतचंकमितललितपुलियचक्कवालचवलगवितगतीणं पीवरोरुवट्टिय (वट्टियपीवर--- क,ख,ट; पीवरवट्टिय-ग) सुसंठितकडीणं ओलंबपलंबलक्खणपसत्थरमणिज्जवालगंडाण समखु रवालधाणाणं समलिहिततिवखग्ग (तिक्खग्गगुप्प.-ट) सिंगाणं तणुसुहमसुजातणिद्धलोमच्छविधराणं उवचितमंसलविसालपडिपण्णखंधपमुहपुंडराणं वेरुलियभिसंत कडक्खसुणिरिक्खणाणं जुत्तप्पमाणप्पधाणलक्खणपसत्थरमणिज्जगग्गरगलसोभिताणं घग्घरगसुबद्धकण्ठपरिमंडियाणं नाणामणिकणगरयणघण्टवेयच्छगसुकयरतियमालियाणं वरघंटागलगलियसोभंतसस्सिरीयाणं पउमुप्पलसगलसुरभिमालाविभूसिताणं वइरखुराणं विविधखुराणं फालियामयदंताणं तवणिज्जजीहाण तवणिज्जतालुयाणं तणिज्जजोत्तगसुजोत्तियाणं कामकमाणं पीतिकमाणं मणोगमाणं मणोरमाणं मणोहराणं अमितगतीणं अमियबलवीरियपुरिसयारपरक्कमाणं महया गंभीरगज्जियरवेणं मधुरेणं मणहरेण य पूरता अंबरं दिसाओ य सोभयंता चत्तारि देवसाहस्सीओ वसभरूवधारीणं देवाणं पच्चस्थिमिल्लं बाहं परिवहति । चंदविमाणस्स णं उत्तरेणं सेयाणं सुभगाणं सुप्पभाणं जच्चाणंत रमल्लिहायणाणं हरिमेलामउलमल्लियच्छाणं धणिचितसुबद्धलक्खणण्णताचंकमियललियपुलियचलचवलचंचलगतीणं लंघणवग्गणधावण
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |