Page Text
________________
४५६
जीवाजीवाभिगमे
सहस्सा परिवहंति, तं जहा-पुरथिमेणं दाहिणणं पच्चत्थिमेणं उत्तरेणं । पुरथिमेणं सीहरूवधारीणं देवाणं चत्तारि देवसहस्सा परिवहंति, दाहिणेणं' गयरूवधारीणं देवाणं चत्तारि देवसहस्सा परिवहंति, पच्चत्थिमेणं वसभरूवधारीणं देवाणं चत्तारि देवसहस्सा परिवहंति, उत्तरेणं आसरूवधारीणं देवाणं चत्तारि देवसहस्सा परिवहति ॥
१०१६. सूरस्सवि' एमेव ॥
१०१७. गहविमाणे णं भंते ! कति देवसहस्सा परिवहंति ? गोयमा ! अट्ठ देवसहस्सा, रूवा चंदे तधेव, णवरं-दो दो ॥
१०१८. णक्खत्तविमाणं णं चत्तारि सहस्सा, दिसाए एक्केक्काए सहस्सा ॥
१०१६. ताराविमाणं णं दो सहस्सा पुरथिमेणं पंच सया, दिसाए-दिसाए पंच-पंच सता ॥
१०२०. एतेसि णं भंते ! चंदिमसूरियगहगणणक्खत्ततारारूवाणं कयरे कयरेहितो धारणतिवइजइणसिविखतगईणं सण्णतपासाणं संगतपासाणं सुजायपासाणं मितमायितपीणरइयपासाणं झसविहगसुजातकुच्छीणं पीणपीवरवट्टितसुसंठित कडीणं ओलंबपलबलक्खणपसत्थरमणिज्जवालगंडाणं तणसहमसूजायणिद्धलोमच्छविधराणं मिउविसयपसत्थसूहमलक्खणविकिणकेसरवालिधराणं (पालि धराणं-क, ख, ट; बालधराणं-त्रि) ललियसविलासगतिलाडवर भूसणाणं मुहमंडगोचलचम रथासगपरिमंडियकडीणं तवणिज्जखुराणं तवणिज्जजीहाणं तवणिज्जतालुयाणं तवणिज्जजोत्तगसुजोतियाणं कामगमाणं पीतिगमाणं मणोगमाणं मणोरमाणं मणोहराणं अमितगतीणं अमियबलवीरियपुरिसयारपरक्कमाणं महया हयहेसियकिलकिलाइयरवेणं महरेणं मणहरेण य पूरेता अंबरं दिसाओ य सोभयंता चत्तारि देवसाहस्सीओ यरूवधारीणं देवाणं उत्तरिल्लं बाहं परिवहति । मलयगिरिणा अस्य पाठस्य सूचना कृतास्ति तथा अस्यावलोकनाय जम्बूद्वीपप्रज्ञप्तिटीकाया नामोल्लेखः कृतः--क्वचित्सिहादीनां वर्णनं दृश्यते तद्बहुष पुस्तकेषु न दृष्टमित्युपेक्षितं, अवश्यं चेत्तद्वयाख्यानेन प्रयोजनं तर्हि जम्बुद्वीपप्रज्ञप्तिटीका परिभावनीया, तत्र सविस्तरं तद्वयाख्यानस्य कृतत्वात् । किन्तु आदर्शषु उपलब्धः पाठः जम्बूद्वीपप्रज्ञप्तिपाठात् बहुषु स्थानेषु भिन्नोस्ति,
उपलब्धा जम्बूद्वीपप्रज्ञप्तिटीकापि आचार्यमलयगिरे रुत्तरकालीनास्ति, तेनैव भेदोसौ दश्यते । १. दाधिणेणं (ता)। २. देवसधस्सा (ता)। ३. १०१६-१०१६ सूत्राणां स्थाने 'क, ख, ग, ट, त्रि' आदर्शषु भिन्न: पठोस्ति--एवं सूरविमाणस्सवि पूच्छा, गोयमा ! सोलस देवसाहस्सीओ परिवहंति पुव्वकमेणं । एवं गहविमाणस्सवि पुच्छा, गोयमा ! अट्र देवसाहस्सीओ परिवहंति, तं जहा-सीहरूवधारीणं दो देवाणं साहस्सीओ पुरत्थिमिल्लं बाहं परिवहंति, गयरूवधारीणं दो देवाणं साहस्सीओ दक्खिणिल्लं, दो देवाणं साहस्सीओ उसभरूवधारीणं पच्चत्थिमं, दो देवसाहस्सीओ तुरगरूवधारीणं उत्तरिल्लं बाहं परिवहति । एवं णक्खत्तविमाणस्सवि पुच्छा, गोयमा ! चत्तारि देवसाहस्सीओ परिवहंति, तं जहा-सीहरूवधारीणं देवाणं एग्गा देवसाहस्सी पुरथिमिल्लं बाहं, एव चउद्दिसिपि । एवं तारगाणवि, णवरि दो देवसाहस्सीओ परिवहंति, तं जहा सीहरूवधारीणं देवाण पंचदेवसता पुरथिमिल्लं बाहं परिवहंति एवं चउद्दिसिपि ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |