Page Text
________________
४१४
जीवाजीवाभिगमे
८०१. एवं चत्तारिवि दारा भाणियव्वा'।
८०२. धायइसंडस्स णं भंते ! दीवस्स दारस्स य दारस्स य एस णं केवइयं अबाहाए अंतरे पण्णत्ते ? गोयमा ! दस जोयणसयसहस्साइं सत्तावीसं च जोयणसहस्साई सत्तपणतीसे जोयणसए तिणि य कोसे दारस्स य दारस्स य अबाहाए अंतरे पण्णत्ते ॥
८०३. धायइसंडस्स णं भंते ! दीवस्स पदेसा कालोयं समुदं पुट्टा ? हंता पुट्ठा ॥
८०४. ते णं भंते ! किं धायइसंडे दीवे ? कालोए समुद्दे ? गोयमा ! ते धायइसंडे, नो खलु ते कालोए समुद्दे ॥
८०५. एवं कालोयस्सवि॥
८०६. धायइसंडे दीवे जीवा उद्दाइत्ता-उद्दाइत्ता कालोए समुद्दे पच्चायंति ? गोयमा ! अत्थेगतिया पच्चायंति, अत्थेगतिया नो पच्चायति ॥
८०७. एवं कालोएवि अत्थेगतिया पच्चायति अत्थेगतिया णो पच्चायति ॥
८०८. से केणठेणं भंते ! एवं वुच्चति-धायइसंडे दीवे ? धायइसंडे दीवे ? गोयमा ! धायइसंडे णं दीवे तत्थ-तत्थ देसे तहि-तहिं पएसे बहवे धायइरुक्खा 'धायइवणा धायइसंडा" णिच्चं कुसुमिया जाव' वडेंसगधरा' । धायइ-महाधायइरुक्खेसु यत्थ सुदंसणपियदसणा दुवे देवा महिड्ढिया जाव' पलिओवमद्वितीया परिवसंति। से एएणठेणं गोयमा ! एवं वुच्चति--धायइसंडे दीवे । अदुत्तरं च णं गोयमा ! जाव' णिच्चे।
८०६. धायइसंडे णं भंते ! दीवे कति चंदा पभासिसु वा पभासेंति वा पभासिस्संति वा ? कति सूरिया तविसु वा तवंति वा तविस्संति वा ? कइ महग्गहा चारं चरिंसु वा चरंति वा चरिस्संति वा ? कइ णक्खत्ता जोगं जोइंसु वा जोयंति वा जोइस्संति वा ? कइ तारागणकोडाकोडीओ सोभिंसु वा सोभंति वा सोभिस्संति वा ? गोयमा ! बारस चंदा पभासिस वा पभासति वा पभासिस्संति वा एवं
चउवीसं ससिरविणो, णक्खत्तसता य तिण्णि छत्तीसा । एगं च गहसहस्सं, छप्पन्नं धायईसंडे ॥१॥ 'अद्वैव सयसहस्सा, तिण्णि सहस्साइं सत्त य सयाई" ।
धायइसंडे दीवे, तारागणकोडकोडीण" ॥२॥ सोभिंसु वा सोभंति वा सोभिस्संति वा ॥ १. जी० ३।२६२-५६६ ।
८. मलयगिरिवृत्तौ एते गाथे किञ्चित् पाठभेदेन २. जी० ३१५७३, ५७४ ।
उद्धते स्त:३. धातइसंडा धातइवणा (ता); बहवो धातकी- बारस चंदा सूरा नक्खत्तसया य तिन्नि छत्तीसा ।
वनषण्डा बहूनि धातकीवनानि (म) । जम्बू- एगं च गहसहस्सं छप्पन्नं धायईसंडे ॥१॥ द्वीपप्रकरणे (३७०२) वनानन्तरं षण्डस्य अद्वैव सयसहस्सा तिन्नि सहस्सा य सत्त य सया उ। प्रतिपादनमस्ति ।
धायइसंडे दीवे तारागणकोडिकोडीओ ॥२॥ ४. जी० ३।२७४।
६. अट्ठ सतसहस्सा तिणि य सहस्सा सत्त य सया ५. उवसोभेमाणा २ चिट्ठति (क, ख, ग, ट,त्रि)। (ता)। ६. जी० ३।३५० ।
१०. कोडिकोडीणं (क, ग); कोडाकोडीणं (ट)। ७. जी०३।३४८ ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |