Page Text
________________
तच्चा चउम्विहपडिवत्ती
४१३
धायइसंडदीवाधिगारो ७६६. लवणसमुदं धायइसंडे णामं दीवे वट्टे वलयागारसंठाणसंठिते सव्वतो समंता संपरिक्खित्ताणं' चिट्ठति ॥
७६७. धायइसंडे णं भंते ! दीवे किं समचकावालसंठिते ? विसमचक्कवालसंठिते ? गोयमा ! समचक्कवालसंठिते, नो विसमचक्कवालसंठिते ।।
७६८. धायइसंडे णं भंते! दीवे केवइयं चक्कवालविक्खंभेणं ? केवइयं परिक्खेवेणं पण्णत्ते ? गोयमा ! चत्तारि जोयणसतसहस्साई चक्कवाला विक्खंभेण, इगयालीसं जोयणसतसहस्साइं दसजोयणसहस्साई' णव य एगठे जोयणसते किंचि विसेसूणे परिक्खेवेणं पण्णत्ते । से णं एगाए पउमवरवेदियाए एगेणं वगसंडेणं सब्बतो समंता संपरिक्खित्ते, दोण्हवि वण्णओ॥
७६६. धायइसंडस्स णं भंते ! दीवस्स कति दारा पण्णत्ता ? गोयमा ! चत्तारि दारा पण्णत्ता, तं जहा-विजए वेजयंते जयंते अपराजिए ।।
८००. कहि णं भते ! धायइसंडस्स दीवस्स विजए णामं दारे पण्णत्ते ? गोयमा ! धायइसंडदीवपुरथिमपेरंते कालोयसमुहपुरथिमदरस' पच्चत्थिमेणं सीयाए महाणदीए उप्पि, एत्थ णं धायइसंडदीवस्स विजए णामं दारे पण्णत्ते । तं चेव पमाणं, रायहाणीओ अण्णं मि धायइसंडे दीवे। सा वत्तव्वया भाणियव्वा ।।
गए।
१. संपरिखिवित्ताणं (ट, ता)। २. एयालीसं (क, ख, ट); एगयालीसं (ग);
इंतालीसं (ता)। ३. दस य सहस्साई (ता, मवृ)। ४. अतोने क, ख, ग, ट, त्रि' आदशेष 'दीवसमिया परिक्खेवेणं' इति पाठोपि विद्यते । वत्ती नैष व्याख्यातोस्ति । ताडपत्रीयादर्शपि नास्ति । असौ स्वतः प्राप्तार्थो विद्यते। जी०
२६३-२६७ । ५. कालोयणसमुद्द (क, ख, ट, ता)। ६. अतः परं ताडपत्रीयादशैं भिन्नः पाठोस्ति'जंबुद्दीवविजयसरिसे णवरं रायहाणी तिरियमसं अण्णम्मि धात इसंडे दीवे', अतश्च ८०७ सूत्रपर्यन्त पाठः त्रुटितोस्ति । मलयगिरिवृत्ती किञ्चित् पाठभेदेन सह चत्त्वार्यपि सूत्राणि पूर्णरूपेण व्याख्यातानि सन्ति- तच्च जम्बूद्वीपविजयद्वारवदविशेषेण वेदितव्यं, नवरमत्र राजधानी अन्यस्मिन् धातकीषण्डे द्वीपे वक्तव्या । 'कहि णं भंते !' इत्यादि प्रश्नसूत्रं सुगम,
भगवानाह-गौतम ! धातकीषण्डद्वीपदक्षिणपर्यन्ते कालोदसमुद्रदक्षिणार्द्धस्योत्तरतोऽत्र धातकीषण्डस्य द्वीपस्य--वैजयन्तं नाम द्वारं प्रज्ञप्तं, तदपि जम्बूद्वीपवैजयन्तद्वारवदविशेषण वक्तव्यं, नवरमत्रापि राजधानी अन्यस्मिन् धातकीषण्डद्वीपे ।। 'कहि णं भंते !' इत्यादि प्रश्नसूत्रं गतार्थं, भगवानाह.. गौतम ! धातकीषण्डद्वीपपश्चिमपर्यन्ते कालोदसमुद्रपश्चिमाद्धंस्य पूर्वत: शीतोदाया महानद्या उपर्यत्र धातकीषण्डस्स दीपस्य जयन्तं नाम द्वारं प्रज्ञप्तं, तदपि जम्बूद्वीपजयन्तद्वारवद्वक्तव्यं, नवरं राजधानी अन्यस्मिन् धातकीपण्डे द्वीपे ॥ 'कहि णं भंते !' इत्यादि, प्रश्नसूत्रं सुगम भगवानाहगौतम ! धातकीपण्डद्वीपोत्तरार्द्ध पर्यन्ते कालोदसमुद्रोत्तरार्द्धस्य [मुद्रितवृत्तौ-- 'दक्षिणार्द्धस्य' इतिमुद्रितमस्ति दक्षिणतोऽत्र धातकीपण्डस्य द्वीपस्यापराजित नाम द्वारं प्रज्ञप्तं, तदपि जम्बूद्वीपगतापराजितद्वारवद्वक्तव्यं, नवरं राजधानी अन्यस्मिन् धातकीषण्डे द्वीपे ।।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |