Page Text
________________
४१२
जीवाजीवाभिगमे
'हेमवत-हेरण्णवतेसु" वासेसु मणुया पगतिभद्दगा जाव विणीता, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति'। सद्दावति-वियडावतिसु वट्टवेयड्ढपव्वतेसु देवा महिड्ढिया जाव पलिओवमद्वितीया परिवसंति, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। महाहिमवंत-रुप्पिसु वासहरपव्वतेसु देवा महिड्ढिया जाव पलिओवमद्वितीया परिवसंति, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति । हरिवास-रम्मयवासेसु मणया पगतिभद्दगा जाब विणीता, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। गंधावति-मालवंतपरियाएसु वट्टवेयड्ढपव्वतेसु देवा महिड्ढीया जाव पलिओवमद्वितीया परिवसंति, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो
चेव णं एगोदगं करेति। णिसढ-नीलवंतेसु वासघरपव्वतेसु देवा महिड्ढीया जाव पलिओवमद्वितीया परिवसंति, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति। पुव्व विदेहावरविदेहेसु वासेसु अरहंता चक्कवट्टी बलदेवा वासुदेवा चारणा विज्जाहरा समणा समणीओ सावया सावियाओ मणुया पगतिभद्दगा जाव विणीता, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति । देवकुरु-उत्तरकुरुसु मणुया पगतिभद्दगा जाव विणीता, तेसि णं पणिहाए लवणसमुद्दे जंत्रुदीवं दीवं नो ओवोलेति, नो उप्पीलेति, नो चेव णं एगोदगं करेति । जंबूए य सुदंसणाए अणाढिए णामं देवे जंबुद्दीवाहिवती महिड्ढीए जाव पलिओवमद्वितीए परिवसति, तस्स पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एकोदगं करेति। अदुत्तरं च णं गोयमा ! लोगट्टिती लोगाणुभावे जणं लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णमेगोदगं करेति ॥ १. हेमवएरण्णवएसु (क, ख, ट); हेमवतेरण्ण- महिड्ढीयाओ तासि पणिहाए।
वतेसु (ग. त्रि); हेमवतएरण (ता)। ४. अतोने क, ख, ग, ट, त्रि' आदर्शेषु एवं पाठ२. अतोग्रे 'क, ख, ग, ट, त्रि' आदर्शेषु एवं पाठ- भेदोस्ति-सीयासीओदगासु सलिलासु देवता
भेदोस्ति-रोहियारोहितंससुवण्णकूलरुप्पकूला- महिड्ढीया। सु सलिलासु देवयाओ महिड्ढीयाओ तासि ५. अतोग्रे 'क, ख, ग, ट, त्रि' आदर्शेषु एवं पाठपणिहाए।
भेदोस्ति--मंदरे पन्वते देवता महिडढीया । ३. अतोने क, ख, ग, ट, त्रि' आदर्शषु एवं पाठ- ६. तृतीयप्रतिपत्तावेष मन्दरोद्वेशकः समाप्तः
भेदोस्ति-सव्वाओ दहदेवयाओ भाणियव्वा (मवृ)। पउमद्दतिगिच्छिकेसरिदहावसाणेसु देवा
For Private & Personal Use Only
Jain Education International
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |