Page Text
________________
तच्चा चउन्विहपडिवत्ती
४११
७६०. लवणस्स णं भंते ! समुदस्स केमहालए गोतित्थे पण्णत्ते ? गोयमा ! लवणस्स णं समुदस्स उभओपासिं पंचाणउति जोयणसहस्साइं गोतित्थे पण्णत्ते ॥
७६१. लवणस्स णं भंते ! समुदस्स केमहालए गोतित्थविरहिते खेत्ते पण्णत्ते ? गोयमा ! लवणस्स णं समुदस्स दस जोयणसहस्साई गोतित्थविरहिते खेत्ते पण्णत्ते ।।
७६२. लवणस्स णं भंते ! समुदस्स केमहालए उदगमाले पण्णत्ते ? गोयमा ! दस जोयणसहस्साई उदगमाले पण्णत्ते॥
७९३. लवणे णं भंते ! समद्दे सिंठिए पण्णत्ते ? गोयमा ! गोतित्थसंठिते नावासंठिते' सिप्पिसंपुडसंठिते अस्सखंधसंठिते' वल भिसंठिते वट्टे वलयागारसंठिते पण्णत्ते॥
७६४. लवणे णं भंते ! समुद्दे केवतियं चक्कवालविक्खंभेणं ? केवतियं परिक्खेवेणं ? केवतियं उव्वेहेणं ? केवतियं उस्सेहेणं ? केवतियं सव्वग्गेणं पण्णत्ते ? गोयमा ! लवणे णं समुद्दे दो जोयणसयसहस्साई चक्कवालविक्खंभेणं, पण्णरस जोयणसतसहस्साइं एकासीति च सहस्साइं सतं च एगुणयालं' किंचिविसेसूणं परिक्खेवेणं, एग जोयणसहस्सं उव्वेधेणं, सोलस जोयणसहस्साई उस्सेहेणं, सत्तरस जोयणसहस्साइं सव्वग्गेणं पण्णत्ते ।
७६५. जइ णं भंते ! लवणसमुद्दे दो जोयणसतसहस्साई चक्कवालविक्खंभेणं, पण्णरस जोयणसतसहस्साई एकासीतिं च सहस्साइं सतं च एगुणयालं किंचिविसेसूणं परिक्खेवेणं, एग जोयणसहस्सं उव्वेहेणं, सोलस जोयणसहस्साइं उस्सेधेणं, सत्तरस जोयणसहस्साइं सव्वग्गेणं पण्णत्ते, कम्हा णं भंते ! लवणसमुद्दे जंबुद्दीवं दीवं नो ओवीलेति ? नो उप्पीलेति ? नो चेव णं एक्कोदगं करेति ? गोयमा ! जंबुद्दीवे णं दीवे भरहेरवएसु वासेसु अरहंता चक्कवट्टी बलदेवा वासुदेवा चारणा विज्जाधरा समणा समणीओ सावया सावियाओ मणया पगतिभद्दया पगतिविणीया पगतिउवसंता पगति-पयणुकोहमाणमायालोभा मिउमद्दवसंपन्ना अल्लीणा भद्दगा विणीता, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति । चुल्लहिमवंत-सिहरिसु वासहरपव्वतेसु देवा महिड्ढिया जाव पलिओवमद्वितीया परिवसंति, तेसि णं पणिहाए लवणसमुद्दे जंबुद्दीवं दीवं नो ओवीलेति, नो उप्पीलेति, नो चेव णं एगोदगं करेति ।
१. णावासंठाणसंठिए (ग, त्रि)। २. आसखंध ° (क,ख, ग, ट, त्रि)। ३. इऊयालं (क); ऊयालं (ख, ता); इगुयालं
(ग)। ४. जम्हा (ता)। ५. x (ता, मव)। ६.४ (म)। ७. अतोने क, ख, ग, ट, त्रि' आदर्शेषु भिन्ना
वाचना विद्यते । तस्यां गङ्गासिन्ध्वादि नदीनां द्रहाणां मन्दरपर्वतस्य च यथास्थानं पाठभेदा विद्यन्ते । ते च यथास्थानं दर्शयिष्यामः । अत्र यथा-गंगासिंधुरत्तारत्तवईसु सलिलासु देवया महिड्ढीयाओ जाव पलिओवमट्रितीओ परिवसंति, तासि णं लवणसमुद्दे जाव नो चेव णं
एगोदगं करेति । ८. जी० ३।३४२ ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |