Page Text
________________
जीवाजीवाभिगमे भियजले ? गोयमा ! लवणे णं समुद्दे ऊसितोदगे, नो पत्थडोदगे; खुभियजले, नो अक्खुभियजले ॥
७८४. जहा णं भंते ! लवणे समुद्दे ऊसितोदगे, नो पत्थडोदगे; खुभियजले, नो अक्खुभियजले तहा णं बाहिरगा समुद्दा किं ऊसितोदगा ? पत्थडोदगा? खभियजला ? अक्खुभियजला ? गोयमा ! बाहिरगा समुद्दा नो ऊसितोदगा, पत्थडोदगा; नो खुभियजला अक्खुभियजला; पुण्णा पुण्णप्पमाणा 'वोलट्टमाणा वोसट्टमाणा" समभरघडत्ताए चिठ्ठति ॥
७८५. अत्थि णं भंते ! लवणसमुद्दे बहवे ओराला बलाहका संसेयंति ? संमच्छंति ? वासं वासंति ? हंता अस्थि ।।
७८६. जहा णं भंते ! लवणसमुद्दे बहवे ओराला बलाहका संसेयंति, संमुच्छंति, वासं वासंति, तहा णं बाहिरएसुवि समुद्देसु बहवे ओराला बलाहका संसेयंति ? संमुच्छंति ? वासं वासंति ? णो तिणठे समठे॥
७८७. से केणठेणं भंते ! एवं वुच्चति-बाहिरगा णं समुद्दा पुण्णा पुण्णप्पमाणा बोलट्टमाणा वोसट्टमाणा समभरघडत्ताए चिट्ठति ? गोयमा ! बाहिरएसु णं समुद्देसू बहवे उदगजोणिया जीवा पोग्गला य उदगत्ताए वक्कमंति विउक्कमति चयंति उववज्जति', से तेणठेणं गोयमा ! एवं वुच्चति-बाहिरगा णं समुद्दा पुण्णा पुण्णप्पमाणा जाव समभरघडत्ताए चिट्ठति ।।
७८८. लवणे णं भंते ! समुद्दे केवतियं उव्वेह-परिवुड्ढीए' पण्णत्ते ? गोयमा ! लवणस्स णं समद्दस्स उभओ पासिं पंचाणउति-पदेसे गंता पदेसं उव्वेह-परिवड्ढीए पण्णत्ते, पंचाणउति -बालग्गाइं गंता वालग्गं उव्वेह-परिवुड्ढीए पण्णत्ते, पंचाणउति-लिक्खाओ गंता लिक्खं उव्वेह-परिवुड्ढीए पण्णत्ते, 'जूया-जव'"-जवमझे अंगुल-विहत्थि-रयणी-कुच्छी-धणगाउय-जोयण-जोयणसत-जोयणसहस्साइं गंता जोयणसहस्सं उव्वेह-परिवुड्ढीए पण्णत्ते ॥
७८६. लवणे णं भंते ! समुद्दे केवतियं उस्सेह-परिवुड्ढीए पण्णत्ते ? गोयमा ! लवणस्स णं समुदस्स उभओपासिं पंचाणउति-पदेसे गंता सोलसपएसे उस्सेह-परिवुड्ढीए पण्णत्ते । ‘पंचाणउति-वालग्गाई गंता सोलस-वालग्गाइं उस्सेह-परिवुड्ढीए पण्णत्ते । एवं जाव पंचाणउति-जोयणसहस्साई गंता सोलस-जोयणसहस्साइं उस्सेध-परिवुड्ढीए पण्णत्ते॥
१. वोसट्टमाणा वोलट्टामाणा (ता, मवृ); भगवत्यां
(१।३१३, ३।१४८, ६।१५६) 'वोलट्टमाण वोसट्टमाण' अयमेव पदक्रमो दश्यते । २. केणं खाइयणं अट्ठे णं (ता)। ३. उवचयंति (ग, त्रि); उपचीयन्ते-उपचय-
मायान्ति (म) । द्रष्टव्यं जी० ३७२४
सूत्रस्य पादटिप्पणम् । ४. उवेध (ता) सर्वत्र ।
५. परिवड्ढीए (क, ख, ग, ता, त्रि)। ६. पासं (ता)। ७. पंचाणउति २ (ग, ट, ता, त्रि)। ८. जवाओ (क, ग, त्रि); जाआ (ता); x
(मवृ)। ६. पीतत्थी (ख, ता)। १०. लवणस्स णं समुदस्स एएणेव कमेणं (क, ख,
ग, ट, त्रि)।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |