Page Text
________________
३६८
जीवाजीवाभिगमे
जरसंठाणसंठिया खुड्डापायाला' पण्णत्ता। ते णं खुड्डापाताला एगमेगं जोयणसहस्सं उव्वेहेणं, मूले एगमेगं जोयणसतं विक्खंभेणं, मज्झे एगपदेसियाए सेढीए एगमेगं जोयणसहरसं विक्खंभेणं, उप्पि मुहमूले एगमेगं जोयणसतं विक्खंभेणं ।।
७२७. तेसि णं खुड्डापायालाणं कुड्डा सव्वत्थ समा दसजोयणवाहल्ला' सव्ववइरामया अच्छा जाव पडिरूवा । तत्थ णं बहवे जीवा पोग्गला य' •अवक्कमति विउक्कमति चयंति उववज्जति । सासया णं ते कुड्डा दव्वट्ठयाए, वण्णपज्जवेहिं गंधपज्जवेहिं रसपज्जवेहि फासपज्जवेहि असासया, पत्तेयं-पत्तेयं अद्धपलिओवम द्वितीयाहिं देवताहिं परिग्गहिया ।।
७२८. तेसि णं खुड्डापातालाणं 'पत्तेयं-पत्तेयं” तओ तिभागा पण्णत्ता, तं जहा-- हेढिल्ले तिभागे मज्झिल्ले तिभागे उवरिल्ले तिभागे। ते णं तिभागा तिण्णि तेत्तीसे जोयणसते-जोयणसते जोयणतिभागं च बाहल्लेणं पण्णत्ता। तत्थ णं जेसे हेदिल्ले तिभागे, एत्थ णं वाउकाए संचिट्ठति, मज्झिल्ले तिभागे वाउआए आउयाए य संचिट्ठति, उवरिल्ले आउकाए संचिट्ठति । एवामेव सपुव्वावरेणं लवणसमुद्दे सत्त पायालसहस्सा अट्ठ य चुलसीता पातालसता भवंतीति मक्खाया।
७२६. तेसि णं 'खड्डापातालाणं महापातालाण य" हेट्टिममज्झिमिल्लेसु तिभागेसु वहवे ओराला वाया संसेयंति संमुच्छंति ‘एयंति वेयंति' चलंति 'घटुंति खुब्भंति फंदति उदीरेंति' तं तं भावं परिणमंति । जया णं तेसिं खुड्डापातालाणं महापातालाण य हेट्ठिल्लमज्झिल्लेसु तिभागेसु वहवे ओराला वाया जाव तं तं भावं परिणमंति, तया णं से उदए उण्णामिज्जई। जया णं तेसिं खुड्डापायालाणं महापायालाण य हेदिल्लमज्झिल्लेसु तिभागेसु नो बहवे ओराला जाव तं तं भावं न परिणमंति, तया णं से उदए नो उण्णामिज्जइ। अंतरावि य णं ते वाया उदीरेंति, अंतरावि य णं से उदगे उण्णामिज्जइ। अंतरावि य णं ते वाया नो उदीरेंति, अंतरावि य णं से उदगे णो उण्णामिज्जइ। एवं खलु गोयमा ! लवणे समुद्दे चाउद्दसट्टमुद्दिठ्ठपुण्णमासिणीसु अइरेग-अइरेगं वड्ढति वा हायति वा ॥ __ ७३०. लवणे णं भंते ! समुद्दे तीसाए मुहुत्ताणं कतिखुत्तो अतिरेगं-अतिरेगं वड्ढति वा हायति वा ? गोयमा ! लवणे णं समुद्दे तीसाए मुहुत्ताणं दुक्खुत्तो अतिरेगं-अतिरेगं वडढति वा हायति वा ॥
७३१. से केणठेणं भंते ! एवं वुच्चइ-लवणे णं समुद्दे तीसाए मुहत्ताणं दुक्खत्तो अइरेग-अइरेगं वड्ढइ वा हायइ वा ? गोयमा ! उद्धमंतेसु पायालेसु वड्ढइ आपूरतेसु पायालेसु हायइ । से तेणठेणं गोयमा ! एवं वुच्चइ-लवणे णं समुद्दे तीसाए मुहुत्ताणं दुक्खुत्तो अइरेग-अइरेगं वड्ढइ वा हायइ वा ।। १. पायालकलसा (क, ख, ग, त्रि, मवृ)। ट, त्रि)। २. दसजोयणाई बाहल्लेण पण्णत्ता (क, ख, ग, ट, ६. कालिका (ता)।
त्रि); दश दश योजनानि बाहल्यतः (मव)। ७. ४ (म)। ३. सं० पा०-पोग्गला य जाव असासयावि। ८. कंपति खुब्भंति घटॅति फंदति (क, ख, ग, ट, ४. ४ (क, ख, ग, ट, त्रि)।
त्रि)। ५. महापातालाणं खुड्डुगपातालाण य (क, ख, ग, ६. उण्णाहिज्जति (क, ख, ग, ता) सर्वत्र ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |