Page Text
________________
तच्चा चउव्विहपडिवत्ती
७३२. लवणसिहा णं भंते ! केवतियं चक्कवाल विक्खंभेणं' केवतियं अइरेगं-अइरेगं वड्ढति वा हायति वा ? गोयमा ! लवणसिहा' णं 'सव्वत्थ समा" दस जोयणसहस्साई चक्क वाल विक्खंभेणं, देसूणं अद्धजोयणं अतिरेगं-अति रेगं वड्ढति वा हायति वा ॥
७३३. लवणस्स णं भंते ! समुद्दस्स 'कति णागसाहस्सोओ " अब्भितरियं वेलं धरंति' ? कति नागसाहसीओ वाहिरियं वेलं धरंति ? कति नागसाहस्सीओ अग्गोदयं धरंति ? गोयमा ! लवणसमुद्दस्स बायालीसं नागसाहम्सीओ अभितरियं वेलं धरति, बावतर साहसीओ बाहिरियं वेलं धरंति, सट्ठि नागसाहस्सीओ अग्गोदयं धरंति । एवमेव ' सपुव्वावरेणं एगा' णागसतसाहस्सी चोवतरि च नागसहस्सा भवतीति मक्खाया ॥
७३४. कति णं भंते ! वेलंधरणागरायाणो" पण्णत्ता ? गोयमा ! चत्तारि वेलंधरणागरायाणो पण्णत्ता, तं जहा - गोथूभे" सिवए संखे मणोसिलए" ।।
७३५. एतेसि णं भंते ! चउन्हं वेलंधरणागरायाणं कति आवासपव्वता पण्णत्ता ? गोयमा ! चत्तारि आवासपव्वता पण्णत्ता, तं जहा - गोथूभे दओभासे " संखे दगसीमे ॥
७३६. कहि णं भंते ! गोथूभस्स वेलंधरणागरायस्स" गोथूभे णामं आवासपव्वते पण्णत्ते ? गोयमा ! जंबुद्दीवे दीवे मंदरस्स पव्वयस्स पुरत्थिमेणं लवणसमुद्दं बायालीसं जोयणसहस्सा ओगाहित्ता एत्थ णं गोथूभस्स वेलंधरणागरायस्स" गोथूभे णामं आवासपव्वते पण्णत्ते । सत्तर एक्कवीसाइं जोयणसताइं उड्ढं उच्चत्तेणं, चत्तारि ती से जोयणसते कोसं च उब्वेधेणं, मूले दसबावीसे जोयणसते आयाम - विक्खंभेणं", मज्झे सत्त तेवी से जोयणसते आयाम-विवखंभेणं उवरि चत्तारि चउवीसे जोयणसए आयाम - विक्खंभेणं, मूले तिण्णि जोयणसहस्साइं दोणि य बत्तीसुत्तरे" जोयणसए किंचिविसेसूणे परिक्खेवेणं, मज्झे दो
सहस्सा दोणिय छलसीते" जोयणसते किचिविसेसाहिए परिक्खेवेणं, उवरि एवं जोयणसहस्सं तिण्णि य ईयाले जोयणसते किचिविसेसूणे परिक्खेवेणं, मूले वित्थिपणे मज्झे संखित्ते उप्पि तणुए गोपुच्छसंठाण संठिए सव्वकणगा मए अच्छे जाव पडिरूवे । से णं गाए पउमवरवेइयाए एगेण य वणसंडेणं सव्वतो समंता संपरिक्खित्ते, दोपहवि वण्णओ" ||
७३७. गोथूभस्स” णं आवासपव्वतस्स उवर बहुसमरमणिज्जे भूमिभागे पण्णत्ते
१. विक्खंभेणं (ता) सर्वत्र ।
२. लवणसिहाए (क, ग ) ।
३. x (क, ख, ग, ट, त्रि) ।
४. केवतिया नागसहस्सा (ता) सर्वत्र ।
५. धरेंति (ता) सर्वत्र ।
६. बादलीसं (ता)
७. एवामेव (ता) ।
८. लवणसमुद्दे एगा (ता) ।
६. बावरि (क, ख, ग, ट) अशुद्धमस्ति ।
१०. वेलंधरा णागराया (क, ख, ग, ट, त्रि); वेणंधर° (ता) ।
Jain Education International
११. गोथुब्भे (ता) |
१२. मणोसिलाए ( ठाणं ४ | ३३० ) ।
१३. उदयभासे (क, ख, ट ) ; दगभासे (ग, त्रि) ।
१४. भुर्यादिस्स भुयगरण्णो ( ता ) सर्वत्र ।
१५. भुर्यादिस्स भुयगरण्णो (ता, मवृ) । १६. विक्खंभे (ता, मवृ ) |
१७. बत्ती (ता) ।
३६६
१८. चुलसीते ( ट ) ।
१९. जी० ३।२६३-२६७ ।
२०. अस्य सूत्रस्य स्थाने 'ता' प्रतो भिन्नपाठो लभ्यते - भूमिभागो ससद्दो जावासयंति ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |