Page Text
________________
जीवाजीवाभिगमे
दाहिणीमा - अणुप्पदा हिणीकरेमाणे पुरत्थिमिल्लेणं दारेणं अणुपविसति, अणुपविसित्ता जेणेव सीहासणे तेणेव उवागच्छति, उवागच्छित्ता सीहासणवरगते पुरत्थाभिमु सणसणे ||
३५२
४५३. तए णं तस्स विजयस्स देवस्स आभिओगिया देवा पोत्थयरयणं उवणेंति ॥
४५४. तए णं से विज देवे पोत्थयरयणं गेहति, गेण्हित्ता पोत्थयरयणं मुयति, मुत्ता पोत्यरयणं विहाडेति, विहाडेत्ता पोत्थयरयणं वाएति, वात्ता धम्मियं ववसायं 'ववसइ, ववसइत्ता" पोत्थयरयणं पडिणिक्खिवेइ, पडिणिक्खिवेत्ता सीहासणाओ अब्भुट्ठेति, अब्भुट्ठेत्ता ववसायसभाओ पुरत्थिमिल्लेणं दारेणं पडिणिक्खमइ, पडिणिक्खमित्ता जेणेव
दारिणी तेणेव उवागच्छति, उवागच्छित्ता णंद पुक्खरिणि अणुप्पयाहिणीक रेमाणेअप्पयाहिणीक रेमाणे पुरत्थिमिल्लेणं तोरणेणं अणुपविसति, अणुपविसित्ता पुरथिमिल्लेणं तिसोपाणपडिरूवएणं पच्चोरुहति, पच्चोरुहित्ता हत्थं पादं पक्खालेति, पक्खालेत्ता एगं महं सेतं रययामयं विमलसलिलपुण्णं मत्तगयमहामुहाकितिसमाणं भिगारं गिण्हति, गिव्हित्ता जाई तत्थ उप्पलाई पउमाई जाव' सहस्सपत्ताइं ताइं गिण्हति गिण्हित्ता गंदातो पुक्खरिणीतो पच्चत्तरेइ, पच्चुत्तरेत्ता जेणेव सिद्धायतणे तेणेव पहारेत्थ गमणाए ।
४५५. तए णं तस्स विजयस्स देवस्स चत्तारि सामाणियसाहस्सीओ जाव' अण्णे बहवे वाणमंतरा देवा य देवीओ य अप्पेगइया उप्पलहत्थगया जाव सहस्सपत्तहत्थगया विजयं देवं पिट्टतो-पितो अणुगच्छति ॥
४५६. तए णं तस्स विजयस्स देवस्स बहवे आभिओगिया देवा देवीओ य वंदणकलसहत्थगता जाव धूवकडुच्छुयहत्थगता विजयं देवं पिट्ठतो-पिट्ठतो अणुगच्छति ॥
४५७. तए णं से विजए देवे चह सामाणियसाहस्सीहि जाव अण्णेहि य बहूहि वाणमंतहिं देवेहिय देवीहि यसद्धि संपरिवडे सव्विड्ढीए सव्वजुतीए जाव णिग्घोसणाइयवेणं जेणेव सिद्धायतणे तेणेव उवागच्छति, उवागच्छित्ता सिद्धायतणं अणुप्पयाहिणीकरेमाणे - अणुप्पयाहिणी करेमाणे पुरत्थिमिल्लेणं दारेणं अणुपविसति, अणुपविसित्ता 'आलोए जिrefsमाणं पणामं करेति, करेत्ता जेणेव मणिपेढिया जेणेव देवच्छंदए जेणेव जिणपडिमाओ तेणेव उवागच्छइ, उवागच्छित्ता लोमहत्थगं परामुसति, परामुसित्ता जिणपडिमाओ पमज्जति, पमज्जित्ता दिव्वाए दगधाराए व्हावेत्ता सरसेणं गोसीसचंदणेणं गाताई अणुलिप, अणुलिपित्ता जिणपडिमाणं अहयाई देवदूसजुयलाई" णियंसेइ, पियसेत्ता अग्गेहि वरेहि 'गंधेहि मल्लेहि य" अच्चेति, अच्चेत्ता पुप्फारुहणं मल्लारुहणं
१. पहिति परिहित्ता ( क, ख, ग, ट, त्रि) । २. जी० ३।२८६ ।
३. जी० ३।४४६ ।
४. जेणेव देवच्छंदए तेणेव उवागच्छति २ ता आलोए जिणपरिमाणं पणामं करेति २ ता लोमहत्थगं गेहति २ त्ता जिणपडिमाओ लोमहत्थ एणं पमज्जति २ त्ता सुरभिणा गंधोदएणं
Jain Education International
1
व्हाणेति २त्ता दिव्वाए सुरभिगंधकासाइए गाताई लूहेति २ ता सरसेणं गोसीसचंदणेणं गाताई अणुलिपति २ ता जिणपडिमाणं अहयाई सेताई दिव्वाई देवसजुयलाई (क, ख, ग, ट त्रि ) ।
५. पुप्फेहि गंधेहि मल्लेहि चुण्ेहि (ता) ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |