Page Text
________________
तच्चा चउन्विहपडिवत्ती
३२१
अभिरुवाओ पडिरूवाओ 'तेयसा अतीव - अतीव उवसोभेमाणीओ - उवसोभेमाणीओ चिट्ठति ॥
३०४. विजयस्स णं दारस्स उभओ पासिं दुहतो णिसीहियाए दो-दो जालकडगा पण्णत्ता । ते णं जालकडगा सव्वरयणामया अच्छा जाव पडिरूवा ॥
३०५. विजयस्स णं दारस्स उभओ पासिं दुहओ णिसीधियाए दो-दो घंटाओ' पण्णत्ताओ। तासि णं घंटाणं अयमेयारूवे वण्णावासे पण्णत्ते, तं जहा-जंबूणयामईओ घंटाओ वइरामईओ लालाओ णाणामणिमया घंटापासा तवणिज्जमईओ संकलाओ रययामईओ रज्जओ। ताओ णं घंटाओ ओहस्सराओ मेहस्सराओ हंसस्सराओ कोंचस्सराओ 'सीहस्सराओ दुंदुहिस्सराओ णंदिस्सराओ णंदिघोसाओ" मंजुस्सराओ मंजुघोसाओ सुस्सराओ सुस्सरघोसाओ ओरालेणं मणुण्णणं मणहरेणं कण्णमणनिव्वुइकरेण सद्देण ते पदेसे सव्वतो समंता आपूरेमाणीओ-आपूरेमाणीओ सिरीए अतीव-अतीव उवसोभेमाणीओ - उवसोभेमाणीओ चिट्ठति ॥
३०६. विजयस्स णं दारस्स उभओ पासिं दुहओ णिसीधियाए दो-दो वणमालाओ' पण्णत्ताओ। ताओ णं वणमालाओ णाणादुम-लय-किसलय-पल्लवसमाउलाओ छप्पयपरिभुज्जमाण-सोभंतसस्सिरीयाओ 'पासाईयाओ दरिसणिज्जाओ अभिरूवाओ पडिरूवाओ" ||
३०७. विजयस्स णं दारस्स उभओ पासि दुहओ णिसीहियाए दो-दो पगंठगा' पण्णत्ता। ते णं पगंठगा चत्तारि जोयणाई आयाम-विक्खंभेणं, दो जोयणाइं बाहल्लेणं, सव्ववइरामया" अच्छा जाव पडिरूवा। तेसि णं पगंठगाणं 'उरि पत्तेयं-पत्तेयं पासायवडेंसगा पण्णत्ता । ते णं पासायवडेंसगा चत्तारि जोयणाई उड्ढं उच्चत्तेणं, दो जोयणाई आयामविक्खंभेणं, अब्भुग्गयमूसित-पहसिताविव विविहमणिरयणभत्तिचित्ता वाउद्धयविजयवेजयंती
१. (ता, मवृ); प्रस्तुतसूत्रस्य वृत्तौ 'पासाईयाओ ७. वणमालापरिवाडीओ (क, ख, ग, ट, त्रि,
इत्यादि विशेषणचतुष्टयं प्राग्वत्' इत्येव लभ्यते । जम्बूद्वीपप्रज्ञप्तिवृत्तावपि (पत्र ५२) ८. छप्पयपरिभुज्जमाणकमल (क, ख, ग, ट, त्रि); 'प्रासादीया इत्यादिपदचतुष्टयं प्राग्वत् । राय- 'कमल' इति पदं वृत्तौ नास्ति व्याख्यातम् । पसेणइय सूत्रस्य वृत्तौ (पृ० १६६) 'अभिरू- रायपसेणइय (१३६) सूत्रपि नैतत्पदं वाओ चिट्ठति इति प्राग्वत्' ।।
लभ्यते। २. घंटापरिवाडीओ (क, ख, ग, ट, त्रि, राय० ६. पासाइयाओ ४ ते पदेसे ओराले जाव गंधेणं सू० १३५)
आपूरेमाणीओ २ जाव चिट्ठति (क, ख, ग, ३. जंबूणतामईओ (क, ख, ग, ता); जंबूणद- ट, त्रि); णिच्चं कुसुमिआओ जाव वडेंसगमईओ (त्रि)।
धरीओ सव्वरयणामईओ अच्छाओ जाव पडि४. घंटापासगा (क, ख, ग, ट, त्रि)।
रूवाओ (ता)। ५. णंदिस्सराओ णंदिघोसाओ सीहस्सराओ सीह- १०. पाठा (ता) सर्वत्र । घोसाओ (क, ख, ग, ट, त्रि)।
११. सव्वरयणामया (ता)। ६. सुस्सरणिग्घोसाओ (क, ख, ग, ट, ता, त्रि)।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |