Page Text
________________
तच्चा चउन्विहपडिवत्ती
२६५
अस्थि णं भंते ! एगरुयदीवे हिरण्णेति वा सुवण्णेति वा कंसेति वा दूसेति वा मणीति वा मुत्तिएति वा विपुलधणकणगरतणमणिमोत्तियसंखसिलप्पवालसंतसारसावएज्जे वा? हंता अत्थि । णो चेव णं तेसिं मणुयाणं तिब्वे ममत्तिभावे समुप्पज्जति । अत्थि णं भंते ! एगोरुयदीवे रायाति वा जुवरायाति वा ईसरेति वा तलवरेइ वा मांडबिएति वा कोडबिएति वा इन्भेति वा सेट्ठीति वा सेणावतीति वा सत्थवाहेति वा? णो तिणठे समटठे। ववगयइडिढसक्कारा णं ते मणुयगणा पण्णत्ता समणाउसो ! अत्थि णं भंते ! एगूरुयदीवे २ दासाइ वा पेसाइ वा सिस्साइ वा भयगाइ वा भाइल्लगाइ वा कम्मगराइ वा भोगपुरिसाइ वा ? नो इणठे समठे । ववगयआभिओगिया णं ते मणुयगणा पण्णत्ता समणाउसो ! अत्थि णं भंते ! एगोरुयदीवे दीवे माताति वा पियाति वा भायाति वा भइणीति वा भज्जाति वा पत्ताति वा धयाइ वा सूण्हाति वा ? हंता अस्थि । नो चेव णं तेसि णं मणयाणं तिव्वे पेज्जबंधणे समुप्पज्जति, पयणपेज्जबंधणा णं ते मणुयगणा पण्णत्ता समणाउसो ! अस्थि णं भंते । एगोरुयदीवे अरीति वा वेरियाति वा घायगाति वा वहगाति वा पडिणीइ वा पच्चमित्ताति बा ? णो इणढे समठे । ववयगयवेराणुबंधा णं ते मणुयगणा पण्णत्ता समणाउसो ! अत्थि णं भंते । एगोरुयदीवे मित्ताति वा वतंसाति वा घडिताति वा सहीति वा सुहियाति वा महाभागाति वा संगतियाति वा? नो तिणठे समझें। ववगतपेम्मा ते मण्यगणा पण्णत्ता समणउसो ! अत्थि णं भंते एगोरुयदीवे आवाहाति वा विवाहाति वा जन्नाति वा सद्धाति वा थालियाकाति वा चोलोवणतणाति वा सीमंतोवणतणाइ वा पितिपिंडनिवेयणाइ वा? णो इणठू सम। ववगयआवाहविवाहजन्नसद्धथालिपागचोलोवणतणसीमंतोवणतणपितिपिंडनिवेदणा णं ते मणुयगणा पण्णत्ता समणाउसो। अत्थि णं भंते ! एगोरुयदीवे २ इंदमहाइ वा रुद्दमहाइ वा खंदमहाइ वा सिवमहाइ वा वेसमणमहाइ वा मुगुंदमहाइ वा नागमहाइ वा जक्खमहाइ वा भूतमहाइ वा कूवमहाइ वा तलागणदिमहाइ वा दहमहाइ वा पव्वयमहाइ वा चेइयमहाइ वा रुक्खंसियणमहाइ वा थूभमहाइ वा ? णो इणठे समझें । ववगयमहामहिमा णं ते मणयगणा पण्णत्ता समणाउसो! अत्थि णं भंते एगोरुयदीवे दीवे नडपिच्छाइ वा णट्टपेच्छाइ वा मल्लपेच्छाइ वा मुट्ठियपेच्छाइ वा विडंबगपेच्छाइ वा कहगपेच्छाइ वा पवगपेच्छाइ वा अक्खाइगपेच्छाइ वा लासगपच्छाइ वा लंखपे० मंखपे० तूणइल्लपे० तुंववीणपेच्छाइ वा मागहपेच्छाइ वा कावपे० जल्लपि० कहयापेच्छाइ वा ? णो इणठे समलै । ववगयकोउहल्ला णं ते मणुयगणा पण्णत्ता समणाउसो! अत्थि णं भंते ! एगुरुयदीवे सगडाइ वा रहाइ वा जाणाइ वा जुग्गाइ वा गिल्लीइ वा पिल्लीइ वा थिल्लीइ वा पवहणाइ वा सीयाइवा संदमाणियाइ वा ? णो तिणठे समठे । पादचारविहारिणो णं ते मणुयगणा पण्णत्ता समणाउसो ! अत्थि णं भंते ! एगुरुयदीवे आसाइ वा हत्थीइ वा उट्टाइ वा गोणाइ वा महिसाइ वा खराइ वा अवीइ वा एलगाइ वा ? हंता अस्थि । नो चेव णं तेसि मणुयाणं परिभोगत्ताए हव्वमागच्छति । अस्थि णं भंते ! एगुरुयदीवे गोवीइ वा महिसीइ वा उट्टीइ वा अयाइ वा एलगाइ वा? हंता
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |