Page Text
________________
२६६
जीवाजीवाभिगमे
अत्थि । नो चेव णं तेसि मणयाणं परिभोगत्ताए हन्वामागच्छंति । अस्थि णं भंते एगुरुयदीवे दीवे सीहाइ वा वग्याइ वा दीवियाइ वा अच्छाइ वा परस्सराइ वा सियालाइ वा विडालाइ वा सुणगाइ वा कोलसुणगाइ वा कोकंतियाइ वा ससगाइ वा चित्तलाइ वा चिल्ललगाइ वा ? हंता अस्थि । नो चेव णं ते अण्णमण्णस्स तेसि वा मणुयाणं किंचि आवाहं वा पवाहं वा उप्पायति छविच्छेयं वा करेंति ! पगइभद्दगा ण ते सावयगणा पण्णत्ता समणाउसो ! अत्थि णं भंते ! एगोरुयदीवे दीवे सालीइ वा वीहीइ वा गोहुमाइ वा उक्खूइ वा जवाइ वा तिलाइ वा? हंता अत्थि । नो चेव णं तेसिं मणयाणं परिभोगत्ताए हव्वमागच्छति । अत्थि णं भंते एगोरुयदीवे दीवे गत्ताइ वा दरीइ वा पाइ वा घंसीइ वा भिगूइ वा उवाएइ वा विसमेइ वा विजलेइ वा धूलीइ वा रेणूइ वा पंकेइ वा चलणीइ वा ? णो इणठे समठे। एगूरुयदीवे णं दीवे बहुसमरमणिज्जे भूमिभागे पण्णत्ते समणाउसो ! अत्थि णं भंते ! एगूरुयदीवे दीवे खाणूइ वा कंटएइ वा हीरएइ वा सक्कराइ वा तणपत्तकयवराइ वा असुई वा पूईआति वा दुब्भिगंधाइ वा अचोक्खाइ रा ? णो इणठे समठे । ववगयखाणुकंटकहीरसक्क रतणकयवरअसुइपूइयदुब्भिगंधमचोक्खवज्जिए णं एगोरूयदीवे पण्णत्ते समणाउसो ! अत्थि णं भंते ! एगुरुयदीवे दीवे दंसाइ वा मसगाइ वा पिसुगाइ वा जूवाइ वा लिक्खाइ वा ढिकुणाइ वा ? णो तिणठे समलै । ववगयदंसमसगपिसुतजूतलिक्खढिंकुणपरिवज्जिए णं एगुरुयदीवे पण्णत्ते समणाउसो ! अत्थि णं भंते ! एगुरुयदीवे अहीइ वा अयगराइ वा महोरगाइ वा ? हंता अस्थि । नो चेव णं ते अन्नमन्नस्स तेसि वा मणयाणं किंचि आवाहं वा पवाहं वा छविच्छेयं वा पकरेंति । पगइभगा णं ते वालगणा पण्णत्ता समणाउसो ! अस्थि णं भंते ! एगुरुयदीवे गहदंडाइ वा गहमुसलाइ वा गहगज्जियाइ वा गहजुद्धाइ वा गहसंघाडगाइ वा गहअवसव्वाइ वा अब्भाइ वा अब्भरुक्खाइ वा संझाइ वा गंधव्वनगराइ वा गज्जियाइ वा विज्जुयाइ वा उक्कापायाइ वा दिसादाहाइ वा निग्घाताइ वा पंसुविट्ठीति वा जूवागाइ वा जक्खालित्ताइ वा धमियाइ वा महियाइ वा रउग्घायाइ वा चंदोवरागाइ वा सूरोवरागाइ वा चंदपरिवेसाइ वा सूरपरिवेसाइ वा पडिचंदाइ वा पडिसूराइ वा इंदधणूइ वा उदगमच्छाइ वा अमोहाइ वा कविहसियाइ वा पाईणवायाइ वा पहीणवायाइ वा जाव सुद्धवायाइ वा गामदाहाइ वा नगरदाहाइ वा जाव सण्णिवेसदाहाइ वा पाणक्खयजणक्खयकुलक्खयधणक्खयवसणभूतमणारियाइ वा? णो इणछे समठे। अस्थि णं भंते ! एगुरुयदीवे दीवे डिबाइ वा डमराइ वा कलहाइ वा बोलाइ वा खाराइ वा वेराइ वा विरुद्ध रज्जाइ वा ? णो इणठे समठे। ववगयडिंबडमरकलहबोलखारवेरविरुद्धरज्जविवज्जिया णं ते मणुयगणा पण्णत्ता समणाउसो ! अस्थि णं भंते ! एगुरुयदीवे दीवे महाजुद्धाइ वा महासंगामाइ वा महासत्थपडणाइ वा महापुरिसपहाणाइ वा महारुधिरपडणाइ वा नागवाणाइ वा खेणवाणाइ वा तामसवाणाइ वा दुब्भूइयाइ वा कूलरोगाइ वा गाम रोगाइ वा णगररोगाइ वा मंडल रोगाइ वा सीसवेयणाइ वा अच्छिवेयणाइ वा कण्णवेयणाइ वा नक्खवेयणाइ वा णक्कवेयणाइ वा दंतवेयणाइ वा कासाइ वा सासाइ वा सोसाइ वा जराइ वा दाहाइ वा कच्छूइ वा कुटाइ वा दगोवराइ वा अरिसाइ वा अजीरगाइ वा भगंदलाइ
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |