Page Text
________________
२६०
जीवाजीवाभिगमे
बहुसमरमणिज्जे भूमिभागे पण्णत्ते । से जहाणामए-आलिंगपुक्खरेति वा', उत्तरकुरुगमो १. अतोग्रे वाचनाद्वयं लभ्यते ताडपत्रीयादर्श वृत्तिद्वये च एकोरुकवक्तव्यता अत्र संक्षिप्तास्ति उत्तर
कुरुवक्तव्यताय (प्रतिपत्ति ३३५७८-६३१) समर्पितास्ति । शेषादर्शेषु अत्र पूर्णः पाठोस्ति उत्तरकूरुप्रकरणे च संक्षिप्तः। तद्वक्तव्यता एकोरुकवक्तव्यतायै समर्पितास्ति । 'ता' प्रतेर्वत्तिद्वयस्याधारण पूर्ववतिसूत्रवत् संक्षिप्तवाचनात्र स्वीकृतास्ति । विस्तृतवाचनायां प्रस्तुतसूत्रे पाठसमर्पणमेवमस्ति-- एवं सयणिज्जे भाणितव्वे जाव पुढविसिलापट्टगंसि तत्थ णं बहवे एगोरुयदीवया मणुस्सा य मणस्सीओ य आसयंति जाव विहरति । एगोरुयदीवे णं दीवे तत्थ-तत्थ देसे तहिं २ बहवे उद्दालका मोद्दालका कोद्दालका कतमाला णट्रमाला सिंगमाला संखमाला दंतमाला सेलमालगा णाम दुमगणा पण्णत्ता समणा उसो ! कुसविकुसविसुद्धरुक्खमूला मूलमंतो कंदमंतो जाव बीयमंतो पत्तेहि य पुप्फेहि य अच्छण्ण-पडिच्छण्णा सिरीए अतीव-अतीव सोभेमाणा उवसोभेमाणा चिठ्ठति । एगोरुयदीवे णं दीवे तत्थ रुक्खा बहवे हेरुयालवणा भेरुयालवणा मेरुयालवणा सेरुयालवणा सालवणा सरलवणा सत्तपण्णवणा पूयफलिवणा खज्जूरिवणा णालिएरिवणा कुसविकुस वि जाव चिट्ठति । एगोरुयदीवे णं तत्थ बहवे तिलया लवया नग्गोहा जाव रायरुक्खा णंदिरुक्खा कुसविकुसवि जाव चिट्ठति । एगोरुयदीवे णं तत्थ बहओ पउमलयाओ नागलयाओ जाव सामलयाओ निच्चं कुसुमियाओ एवं लयावण्णओ जहा उववाइए जाव पडिरूवाओ। एगोरुयदीवे णं तत्थ बहवे सेरियागुम्मा जाव महाजातिगुम्मा । ते णं गुम्मा दसद्धवण्णं कुसुमं कुसुमेंति जेणं वायविहुयग्गसाला एगोरुयदीवस्स बहुसमरमणिज्जभूमिभागं मुक्कपुप्फपुंजोवयारकलियं करेंति । एगोरुयदीवे णं तत्थ बहूओ वणराईओ पण्णत्ताओ। ताओ णं वणराईओ किण्हाओ किण्होभासाओ जाव रम्माओ महामेहणिगुरुंबभूताओ जाव महंती गंधद्धणि मुयंताओ पासादीयाओ। एगोरुयदीवे तत्थ बहवे मत्तंगा णाम दुमगणा पण्णत्ता समणाउसो ! जहा से चंदप्पभ-मणिसिलाग-वरसीधु-पवरवारुणि-सुजातफल-पत्त-पुप्फ-चोय-णिज्जाससार-बहुदव्व जत्तीसंभार-कालसंधियआसवा महमेरग-रिट्राभ-दुद्धजाति-पसन्न-तेल्लग-सताउखजू रमुद्दियासार-कविसायण-सुपक्क खोय रसवरसुरा-वण्ण - रसगंधफरिसजुत्त-बलवीरियपरिणामा मज्जविधी य बहुप्पगारा तहेव ते मत्तंगयावि दुमगणा अणेगबहविविहवीससापरिणयाए मज्जविहीए उववेया फलेहिं पुण्णा विव विसट्टति कुसविकुसविसुद्धरुक्खमूला जाव चिठ्ठति । एगोरुयदीवे तत्थ बहवे भिगंगा णाम दुमगणा पण्णत्ता समणाउसो! जहा से वारगघडकरगकलसकक्करिपयंचाणिउल्लंकवद्धणिसुपइट्ठकविट्ठपारीचसगभिंगारकरोडिसरंगपरगपत्ता घोसगाणल्लग ववलियअवपदकगवालकाविचित्तवट्टकमणिवट्टकसिप्पिरवोरपिणया कंचणमणि रयणभत्तिविचित्ता भाजणविही बहप्पगारा तहेव ते भिगंगयावि दुमगणा अणेगबहविविहवीससापरिणताए भाजणविहीए उववेया फलेहिं पुण्णावि विसति कुसविकुस जाव चिट्ठति । एगुरुयदीवे णं तत्थ ५ बहवे तुडियंगा णाम दुमगणा पण्णत्ता समणाउसो ! जहा से आलिंगपणवपडहदद्दरकरडिडिडिमभंभातहोरंभकणियखरमुहिमुयंगसंखियपरिल्लयपव्वगापरिवायणिवंसवेणुवीणा सुघोसगविपंचिमहतिकच्छविरिकिसतकतलतालकंसालतालकसंपउत्ता आतोज्जविधी य णिउणगंधव्व
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |