Page Text
________________
तच्चा चउव्विहपडिवत्ती
२६९
'जाव अधेसत्तमाए" पुढवीए नेरइया णो असण्णीहितो उववज्जंति जाव णो इत्थियाहिंतो उववज्जंति, मच्छमणुस्सेहितो उववज्जति ।।
८६. इमीसे णं भंते ! रयणप्पभाए पुढवीए रइया एक्कसमएणं केवतिया उववज्जति ? गोयमा ! जहण्णणं एक्को वा दो वा तिण्णि वा, उक्कोसेणं संखेज्जा वा असंखिज्जा वा उववज्जति । एवं जाव अधेसत्तमाए ।
६०. इमीसे णं भंते ! रयणप्पभाए पुढवीए रइया समए-समए अवहीरमाणा-अवहीरमाणा केवतिकालेणं' अवहिता सिता ? गोयमा ! ते णं असंखेज्जा समए-समए अवहीरमाणा-अवहीरमाणा असंखेज्जाहिं उस्सप्पिणी-ओसप्पिणीहिं अवहीरंति, नो चेव णं अवहिता सिता जाव अधेसत्तमा॥
६१. इमीसे णं भंते ! रयणप्पभाए पुढवीए णेरइयाणं केमहालिया सरीरोगाहणा पण्णत्ता ? गोयमा ! दुविहा सरीरोगाहणा पण्णत्ता, तं जहा-भवधारणिज्जा य उत्तरवेउव्विया य । तत्थ णं जासा भवधारणिज्जा सा जहण्णेणं अंगुलस्स असंखेज्जतिभागं, उक्कोसेणं सत्त धणुइं तिण्णि य रयणीओ छच्च अंगुलाई। तत्थ णं जासा उत्तरवेउव्विया सा जहण्णेणं अंगुलस्स संखेज्जतिभागं, उक्कोसेणं पण्णरस धणूई अड्ढाइज्जाओ रयणीओ। दोच्चाए भवधारणिज्जे जहण्णओ अंगुलासंखेज्जभागं, उक्कोसेणं पण्णरस धणूई अड्ढाइज्जातो रयणीओ, उत्तरवेउव्विया जहण्णेणं अंगुलस्स संखेज्जभागं, उक्कोसेणं एक्कतीसं धणूई एक्का रयणी । तच्चाए भवधारणिज्जे एक्कतीसं धणूई एक्का रयणी, उत्तरवेउव्विया बावट्टि धणूइं दोण्णि रयणीओ। चउत्थीए भवधारणिज्जे बावट्ठि धणूई दोण्णि य रयणीओ, उत्तरवेउब्विया पणवीसं धणुसयं । पंचमीए भवधारणिज्जे पणवीसं धणुसयं, उत्तरवेउव्विया अड्ढाइज्जाई धणुसयाई। छट्ठाए भवधारणिज्जा अड्ढाइज्जाइं धणुसयाई, उत्तरवेउव्विया पंचधणुसयाइं। सत्तमाए भवधारणिज्जा पंचधणुसयाई, उत्तरवेउन्विए धणुसहस्सं ॥
६२. इमीसे णं भंते ! रयणप्पभाए पुढवीए रइयाणं सरीरया किंसंघयणी पण्णत्ता ? गोयमा! छण्हं संघयणाणं असंघयणी-णेवट्ठी व छिरा णवि ण्हारू। जे पोग्गला अणिट्ठा 'अकंता अप्पिया असुहा अमणुण्णा अमणामा, ते तेसि सरीरसंघायत्ताए परिणमंति । एवं जाव अधेसत्तमाए।
६३. इमीसे णं भंते ! रयणप्पभाए पुढवीए नेरइयाणं सरीरा किंसंठिता पण्णत्ता ? गोयमा ! दुविहा पण्णत्ता, तं जहा- भवधारणिज्जा य उत्तरवेउव्विया य। तत्थ णं जेते भवधारणिज्जा ते इंडसंठिया पण्णत्ता, तत्थ णं जेते उत्तरवेउव्विया तेवि हुंडसंठिता पण्णत्ता।
१. संक्षेपार्थ सङग्रहगाथया सूचितोसो विषयः।
अन्यथा सप्त आलापका अत्र भवन्ति । मलय- गिरिवृत्ती द्वयोरालापकयोनिर्देशोपि लभ्यते। तेनैव कारणेन 'जाव अधेसत्तमाए' इत्यादि पाठात्र दृश्यते । नत्वत्र द्विरुक्तेः कल्पना कार्या। २. केवतिया केवतिकालेणं। (ता)
३. 'ता' प्रती अतः पाठसंक्षेपोस्ति, यथा- उत्तरवे
दुगुणं एवं दुगुणा दुगुणं जावधेस भवधा पंच
धणुसया उत्तरवे धणुसहस्सं । ४. छट्ठीए (ख, ग, ट)। ५. हारू णेव संघयणमत्थि (क, ख, ग, ट)। ६. सं० पा०-अणिट्ठा जाव अमणामा।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |