Page Text
________________
२६८
जीवाजीवाभिगमे
अयण्णं जंबुद्दीवे दीवे सव्वदीवसमुद्दाणं सव्वन्भंतरए सव्वखुड्डाए वट्टे तेल्लापूवसंठाणसंठिते' वट्टे रथचक्कवालसंठाणसंठिते वट्टे पुक्खरकण्णियासंठाणसंठिते वट्टे पडिपुण्णचंदसंठाणसंठिते एक्कं जोयणसतसहस्सं आयामविक्खंभेणं जाव' किंचिविसेसाहिए परिक्खेवेणं। देवे णं महिड्ढीए 'महज्जुतीए महाबले महायसे महेसक्खे° महाणुभागे जाव इणामेव-इणामेवत्तिक? इमं केवलकप्पं जंबुद्दीवं दीवं तिहिं अच्छरानिवाएहिं तिसत्तक्खुत्तो अणुपरियट्टिताणं हव्वमागच्छेज्जा। से णं देवे ताए उक्किट्ठाए तुरिताए चवलाए चंडाए सिग्घाए उद्धयाए' जइणाए' छेयाए' दिव्वाए देवगतीए वीतिवयमाणे-वीतिवयमाणे जहण्णणं एगाहं वा दुयाहं वा तियाहं वा, उक्कोसेणं छम्मासेणं वीतिवएज्जा-अत्थेगतिए वीतिवएज्जा अत्यंगतिए नो वीतिवएज्जा, एमहालता णं गोयमा ! इमीसे णं रयणप्पभाए पुढवीए णरगा पण्णत्ता । एवं जाव अधेसत्तमाए, णवरं-अधेसत्तमाए अत्थेगतियं नरगं वीतिवएज्जा, 'अत्थेगइए नरगे" नो वीतिवएज्जा ।।
८७. इमीसे गं भंते ! रयणप्पभाए पुढवीए णरगा किमया पण्णत्ता ? गोयमा ! सव्ववइरामया पण्णत्ता । तत्थ णं नरएसु बहवे जीवा य पोग्गला य अवक्कमंति विउक्कमंति चयंति उववज्जति । सासता णं ते णरगा दव्वट्ठयाए, वण्णपज्जवेहिं गंधपज्जवेहिं रसपज्जवेहिं फासपज्जवेहिं असासया । एवं जाव अहेसत्तमाए"॥
८८. इमीसे णं भंते ! रयणप्पभाए पुढवीए नेरइया कतोहितो उववज्जति-कि असण्णीहितो उववज्जति ? सरीसिवेहितो उववज्जति ? पक्खीहितो उववज्जति ? चउप्पएहिंतो उववज्जति ? उरगेहितो उववज्जति ? इत्थियाहिंतो उववज्जति ? मच्छमणुएहितो उववज्जति ? गोयमा ! असण्णीहिंतो उववज्जति जाव मच्छमणुएहितोवि उववज्जति । 'एवं एतेणं अभिलावणं इमा गाथा घोसेयव्वा"---
असण्णी खलु पढम, दोच्चं च सरीसिवा ततिय पक्खी। सीहा जंति चउत्थि, उरगा पुण पंचमि जंति ॥१॥ छट्रिं च इत्थियाओ, मच्छा मणुया य सत्तमि जंति ।
'एसो खलु उववातो, नेरइयाणं तु नातव्वो" ॥२॥ १. जंबु जाव किंचविसेसपरिक्खेणं (ता)। ७. x (क, ख, ग, ट); 'छकया' निपुणया, २. तेल्लापूत (क, ख, ग)।
वातोद्भूतस्य दिगन्तव्यापिनो रजस इव या ३. ठाणं ११२४८ ।
गति सा उद्धृता तया, अन्ये त्वाहुः-उद्धतया ४. सं० पा० --महिड्ढीए जाव महाणुभागे । अस्य दातिशयेनेति (मवृ)।
प्रतिर्मलयगिरिवृत्तेः पाठमाश्रित्य कृतास्ति । तत्र ८. अत्थेगइयं नरगं (क, ग)। 'महेसक्खे' इति पदस्य 'महासोक्खे, महासक्खे' . किंमता (क); किम्मया (ता)। इति पाठान्तरद्वयं विद्यते।
१०. अहेसत्तमा (क, ट, मवृ)। ५. x (म)।
११. सेसासु इमाए गाधाए णातव्वा (ता); सेसासु ६. अन्ये तु जितया विपक्षजेतृत्वेनेति व्याचक्षते । इमाए गाहाए अणगंतव्वा (मव।। (मवृ)।
१२. ४ (क, ख, ग, ट, मव)।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |