Page Text
________________
तच्चा चउविहपडिवत्ती
२६७
वित्थडे य असंखेज्जवित्थडा य । तत्थ णं जेसे संखेज्जवित्थडे से णं एक्कं जोयणसयसहस्स' आयामविक्खंभेणं, तिण्णि जोयणसयसहस्साइं सोलस सहस्साइं दोण्णि य सत्तावीसे जोयणसए तिण्णि कोसे य अट्ठावीसं च धणुसतं तेरस य अंगुलाई अद्धंगुलयं च किंचिविसेसाधिए परिक्खेवेणं पण्णत्ते । तत्थ णं जेते असंखेज्जवित्थडा ते णं असंखेज्जाइं जोयणसहस्साई आयामविक्खंभेणं, असंखेज्जाइं जोयणसहस्साई परिक्खेवेणं पण्णत्ता ।।
८३. इमीसे णं भंते ! रयणप्पभाए पुढवीए नरया केरिसया वण्णेणं पण्णत्ता ? गोयमा ! काला कालोभासा गंभीरलोमहरिसा' भीमा उत्तासणया परमकिण्हा वण्णणं पण्णत्ता । एवं जाव अधेसत्तमाए।
८४. इमीसे णं भंते ! रयणप्पभाए पुढवीए णरका केरिसया गंधणं पण्णत्ता ? गोयमा ! से जहाणामए अहिमडेति वा गोमडेति वा सणमडेति' वा 'मज्जारमडेति वा मणुस्समडेति वा महिसमडेति वा मूसगमडेति वा आसमडेति वा हत्थिमडेति वा सीहमडेति वा वग्घमडेति वा विगमडेति वा दीवियमडेति वा मयकुहिय-विण-कुणिमवावण्णदुरभिगंधे 'असुइविलीणविगय"-बीभच्छदरिसणिज्जे किमिजालाउलसंसते॥२ भवेयारूवे सिया ? णो इणठे समठे । गोयमा ! इमीसे णं रयणप्पभाए पुढवीए णरगा एत्तो अणि?तरका चेव अकंततरका चेव" •अप्पियतरका चेव अमणुण्णतरका चेव अमणामतरका चेव गंधणं पण्णत्ता । एवं जाव अधेसत्तमाए पुढवीए॥
८५. इमीसे णं भंते ! रयणप्पभाए पुढवीए णरया केरिसया फासेणं पण्णत्ता ? गोयमा ! से जहानामए असिपत्तेइ वा खुरपत्तेइ वा कलंबचीरियापत्तेइ वा सत्तग्गेइ वा कुंतग्गेइ वा तोमरग्गेति वा नारायग्गेति वा सूलग्गेति वा लउलग्गेति वा भिडिमालग्गेति वा सूचिकलावेति वा 'विच्छुयकंटएति वा कवियच्छति वा५ इंगालेति वा जालेति वा मुम्मुरेति वा अच्चिति वा अलाएति वा सुद्धागणीइ व भवे एयारूवे सिया ? णो तिणठे समठे। गोयमा ! इमीसे णं रयणप्पभाए पुढवीए णरगा एत्तो अणि?तरका चेव जाव अमणामतरका चेव फासे णं पण्णत्ता । एवं जाव अधेसत्तमाए पूढवीए॥
८६. इमीसे णं भंते ! रयणप्पभाए पुढवीए नरका केमहालया पण्णत्ता ? गोयमा !
१. अतोग्रे 'ता' प्रतौ जंबुद्दीवपमाणे' इति पाठो- १०. दुन्भिगंधे (क, ख, ग)। स्ति ।
११. असुय (क, ग); असुईविगत (ता)। २. जोयण मयसहस्साइं (क, ग, ट); जोयणाई १२. किमियजालाउलसंसंत्ते असुइविलीणविगयवी(ता)।
भच्छदरिसणिज्जे (क, ख, ग, ट)। ३. जाव (क, ग, ट); जोयणाई (ता)। १३. सं० पा०.-अकंततरगा चेव जाव अमणामत४. कालावभासा (क, ग, ट)।
रगा। ५. हरिसणा (ता)।
१४. सत्तिअग्गेति (ता)। ६. साण (ता)।
१५. कवियच्छति वा विच्छयकंटेति वा (क,ग,ट); ७. महिसम मज्जारम (ता)।
कवियच्छति वा विच्चुयकंटेति वा (ख); ८. विगडमडेति (क, ख, ट) ।
विच्चुयडक्केति वा (ता), वृश्चिकदंशः ६. चिरविण? (क, ख, ग, ट)।
(मवृ)।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |