Page Text
________________
जीवाजीवाभिगमे
७. इमीसे णं भंते ! रयणप्पभाए पुढवीए खरकंडे कतिविधे पण्णत्ते ? गोयमा ! सोलसविधे पण्णत्ते, तं जहा - १. रयणे २. वइरे ३. वेरु लिए ४. लोहितक्खे ५. मसारगल्ले ६. हंसगब्भे ७. पुलए ८. सोयंधिए ६. जोतिरसे १०. अंजणे ११. अंजणपुलए १२. रयते १३. जातरूवे १४. अंके १५. फलिहे १६. रिट्ठे कंडे ।।
२५८
८. इमीसे णं भंते! रयणप्पभाए पुढवीए रयणकंडे कतिविधे पण्णत्ते ? गोयमा ! गागारे पत्ते । एवं जाव रिट्ठे ।।
६. इमीसे णं भंते ! रयणप्पभाए पुढवीए पंकबहुले कंडे कतिविधे पण्णत्ते ? गोयमा ! गागारे पण्णत्ते ||
१०. एवं आवबहुले कंडे कतिविधे पण्णत्ते ? गोयमा ! एगागारे पण्णत्ते ॥
११. सक्करप्पभाणं भंते! पुढवी कतिविधा पण्णत्ता ? गोयमा ! एगागारा पण्णत्ता । एवं जाव असत्तमा ।
१२. इमीसे णं भंते ! रयणप्पभाए पुढवीए केवतिया निरयावाससयसहस्सा पण्णत्ता ? गोमा ! तीसं णिरयावाससय सहस्सा' पण्णत्ता । एवं एतेणं अभिलावेणं सव्वासि पुच्छा, इमा गाहा अगुगंतव्वा -
तीसा य पणवीसा, पण्णरस दसेव तिण्णि य हवंति । पंचूणसय सहस्सं, पंचेव अणुत्तरा परगा ॥१॥ जाव असत्तमाए पंच अणुत्तरा महतिमहालया महाणरगा पण्णत्ता, तं महाकाले रोरुए महारोरुए अपतिट्ठाणे |
१३. अत्थि णं भंते ! इमी से रयणप्पभाए पुढवीए अहे घणोदधीति वा घणवातेति वा तणुवाति वा ओवासंतरेति वा ? हंता अत्थि । एवं जाव अहेसत्तमाए ॥
१४. इमीसे णं भंते ! रयणप्पभाए पुढवीए खरकंडे केवतियं बाहल्लेणं पण्णत्ते ? गोयमा ! सोलसजोयणसहस्साइं बाहल्लेणं पण्णत्ते ॥
१५. इमी से णं भंते ! रयणप्पभाए पुढवीए रयणकंडे केवतियं बाहल्लेणं पण्णत्ते ? गोयमा ! एक्कं जोयणसहस्सं बाहल्लेणं पण्णत्ते । एवं जाव रिट्ठे ||
१६. इमीसे णं भंते ! रयणप्पभाए पुढवीए पंकबहुले कंडे केवतियं बाहल्लेणं पण्णत्ते ? गोयमा ! चउरासीतिजोयणसहस्साइं बाहल्लेणं पण्णत्ते ॥
१७. इमीसे णं भंते ! रयणप्पभाए पुढवीए आवबहुले कंडे केवतियं बाहल्लेणं पण्णत्ते ? गोयमा ! असीतिजोयणसहस्साइं बाहल्लेणं पण्णत्ते ॥
१८. इमी से णं भंते ! रयणप्पभाए पुढवीए घणोदही केवतियं बाहल्लेणं पण्णत्ते ?
१. रतणकंडे (क, ग ); रयणकंडे (ख, ट ) ; रणाम कंडे (ता) ।
२. अतोग्रे 'ता' प्रती भिन्नः पाठोस्ति
तीसा य पण्णवीसा पण्णवीसा पण्णरस दसेव
जहा - काले
सतसहस्साइं ।
तिण्णेगं पंचूर्ण पंचेव अणत्तरा णरता ॥
Jain Education International
जावसत्तमाए णं भंते केवति णिरयावाससतस गो पंचदिसि पंच अणुत्तरा महमहालया महाणिरया पं तं काले महाकाले रोरुए महारोरुए अप्पतिट्ठाणे णाम पंचमे ।
३. आउबहुले (ख, ट, ता ) ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |