________________
२४४
जीवाजीवाभिगमे
६२. देवित्थी णं भंते ! देवित्थित्ति कालओ, 'जच्चेव संचिटणा"॥
६३. इत्थीणं भंते ! केवतियं कालं अंतरं होइ ? गोयमा ! जहण्णेणं अंतोमुहुत्तं, उक्कोसेणं अणतं कालं-वणस्सइकालो॥
६४. एवं सव्वासिं तिरिक्खित्थीणं ॥
६५. मणुस्सित्थीए खेत्तं पडुच्च जहण्णेणं अंतोमुहुत्तं, उक्कोसेणं वणस्सइकालो। धम्मचरणं पडुच्च जहण्णणं ‘एवकं समयं,२ उक्कोसेणं अणंतं कालं-जाव अवड्ढपोग्गलपरियट देसूणं । एवं जाव' पुव्यविदेह-अवरविदेहियाओ॥
६६. अकम्मभूमिगमणुस्सित्थीणं भंते ! केवतियं कालं अंतरं होइ ? गोयमा ! जम्मणं पडुच्च जहण्णेणं दसवाससहस्साइं अंतोमुहुत्तमब्भहियाइं, उक्कोसेणं वणस्सइकालो। संहरणं पडुच्च जहण्णेणं अंतोमुहुत्तं, उक्कोसेणं वणस्सइकालो। एवं जाव' अंतरदीवियाओ॥
६७. देवित्थियाणं सव्वासि जहण्णेणं अंतोमुहुत्तं, उक्कोसेणं वणस्सइकालो।
६८. एयासि णं भंते ! तिरिक्खजोणित्थियाणं मणुस्सित्थियाणं 'देवित्थियाण य" कतरा कतराहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवाओ' मणुस्सित्थियाओ, तिरिक्खजोणित्थियाओ असंखेज्जगुणाओ, देवित्थियाओ असंखेज्जगुणाओ॥
६६. एयासि णं भंते ! तिरिक्खजोणित्थियाणं-जलयरीणं थलयरीणं खहयरीण य कतरा कतराहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवाओ खहयरतिरिक्खिजोणित्थियाओ, थलयरतिरिक्खजोणित्थियाओ संखेज्जगुणाओ, जलयरतिरिक्खजोणित्थियाओ संखेज्जगुणाओ॥
७०. एयासि णं भंते ! मणुस्सित्थीणं--कम्मभूमियाणं अकम्मभूमियाणं अंतरदीवियाण य कतरा कतराहिंतो अप्पा वा बहुया वा तुल्ला वा विसेसाहिया वा ? गोयमा ! १. सव्वत्थोवाओ अंतरदीवगअकम्मभूमिगमणुस्सित्थियाओ, ३. देवकुरुउत्तरकुरुअकम्मभूमिगमणुस्सित्थियाओ दोवि तुल्लाओ संखेज्जगुणाओ, ५. हरिवासरम्मगवासअकम्मभूमिगमणुस्सित्थियाओ दोवि तुल्लाओ संखेज्जगुणाओ ७. हेमवएरण्णवयअकम्मभूमिगमणुस्सित्थियाओ दोवि तुल्लाओ संखेज्जगुणाओ, ६. भरहेरवयकम्मभूमिगमणुस्सित्थियाओ दोवि तुल्लाओ संखेज्जगुणाओ, ११. पुव्वविदेहअवरविदेहकम्मभूमिगमणुस्सित्थियाओ दोवि तुल्लाओ संखेज्जगुणाओ॥
७१. एयासि णं भंते ! देवित्थियाणं-भवणवासिणीणं वाणमंतरीणं जोइसिणीणं" वेमाणिणीणं य कतरा कतराहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवाओ वेमाणियदेवित्थियाओ, २. भवणवासिदेवित्थियाओ असंखेज्ज१. 'सेव संचिट्ठणा भाणियव्वा' तदेवावस्थानं ४. जी० २।५८-६०।। __ वक्तव्यम् (मवृ)।
५. देवित्थियाणं (क, ख, ग, ट)। २. समयं (क); समओ (ख, ट)।
६. सव्वत्थोवा (क, ग)। ३. जी० २१५५ ।
७. जोइसियाणं (क, ख)।
Jain Education International
For Private & Personal Use Only
www.jainelibrary.org