Page Text
________________
२२८
पण्णत्ता, तं जहा - वेउव्विए तेयए कम्मए ॥
६४. सिणं भंते! जीवाणं केमहालिया सरीरोगाहणा पण्णत्ता ? गोयमा ! दुविहा सरीरोगाहणा पण्णत्ता, तं जहा - भवधारणिज्जा य उत्तरवेउब्विया य । तत्थ णं जासा भवधारणिज्जा सा जहणणेणं 'अंगुलस्स असंखेज्जइभागं", उक्कोसेणं पंचधणुसयाई । तत्थ जासा उत्तरवेव्विया सा जहणणेणं 'अंगुलस्स संखेज्जइभागं” उक्कोसेणं धणुसहस्सं ॥
६५. तेसि णं भंते! जीवाणं सरीरा किसंघयणी पण्णत्ता ? गोयमा ! छण्हं संघयगाणं' असंघयणी - वट्टी णेव छिरा णेव ण्हारू व संघयणमत्थि । जे पोग्गला अणिट्ठा अकंता अप्पिया असुभा अमणुण्णा अमणामा ते तेसि संघात त्ताए ' परिणमति ॥
६६. तेसि णं भंते ! जीवाणं सरीरा किंसंठिया पण्णत्ता ? गोयमा ! दुविहा पण्णत्ता, तं जहा - भवध रणिज्जा य उत्तरवेउव्विया य । तत्थ णं जेते भवधारणिज्जा ते इंडसंठिया । तत्थ णं जेते उत्तरवे उव्विया तेवि हुंडसंठिया पण्णत्ता । चत्तारि कसाया, चत्तारि सण्णाओ, तिणि लेसाओ, पंचइंदिया, चत्तारि समुग्धाया आइल्ला, सण्णीवि, असण्णीवि, नपुंसगवेया", 'छप्पज्जत्तीओ छ अपज्जत्तीओ', ' तिविहा दिट्ठी, तिणि दंसणा णाणीवि अण्णाणीवि, जे ाणी ते नियमातिणाणी, तं जहा - आभिणिवोहियणाणी सुयणाणी ओहिनाणी । जे अण्णाणी ते अत्थेगइया दुअण्णाणी अत्थेगइया तिअण्णाणी, जे य दुअण्णाणी ते नियमा म अण्णाणी सुयअण्णाणी य, जे तिअण्णाणी ते नियमा मइअण्णाणी य सुयअण्णाणी य विभंगणाणी य, तिविहे जोगे, दुविहे उवओगे, छद्दिस आहारो, ओसण्णकारणं' पडुच्च वण्णओ कालाई जाव" सव्वप्पणयाए आहारमाहारेंति, उववाओ तिरियमणुस्सेसु", ठिती जहणेणं दसवास सहस्साई, उक्कोसेणं तेत्तीसं सागरोवमाई, दुविहा मरंति, उब्वट्टणा भाणियव्वा जओ आगया, णवरि संमुच्छिमेसु " पडिसेहो, दुगइया दुआगइया, परित्ता असंखेज्जा पण्णत्ता समणाउसो ! से तं नेरइया || तिरिक्खजोणिय-पदं
६७. से किं तं पंचेंदियतिरिक्खजोणिया ? पंचेंदियतिरिक्खजोणिया दुविहा पण्णत्ता, तं जहा - संमुच्छिम पंचेंदियतिरिक्खजोणिया य गब्भवक्कंतियपंचेंदियतिरिक्खजोणिया य ॥ ६८. से किं तं समुच्छिम पंचेंदियतिरिक्खजोगिया ? संमुच्छिमपंचेंदियतिरिक्खजोणिया तिविहा पण्णत्ता, तं जहा - जलयरा थलयरा खहयरा ॥
१. अंगुलअसंखेज्जइभागं (क, ख, ट, ता, वृ); अंगुलअसंखेज्जोभागो (ग) ।
२. अंगुलअसंखेज्जइभागं ( मवृ ) |
३. संघतणाणं ( ग ) ।
४. असंघतणी ( ख, ग, ता) ।
५. संघतणत्ताए (ता) ।
६. पंचेंदिया ( ख, ग, ट ) ।
७. वेदका (क, ख, ग ) ; वेदगा ( ट ) |
5. पर्याप्तिद्वारे पञ्चपर्याप्तयः
Jain Education International
पञ्चापर्याप्तयः
जीवाजीवाभिगमे
(मवृ) ।
8. ओसन्नं कारणं (ग, ट) ।
१०. पण्ण० २८।२० ।
११. अत्र पञ्चमी स्थाने सप्तमी । वृत्तिः - उपपातो यथा व्युत्क्रान्तिपदे प्रज्ञापनायां तथा वक्तव्यः, पर्याप्त पञ्चेन्द्रिय तिर्यग्मनुष्येभ्योऽसङ्ख्यातवर्षायुष्कवर्जेभ्यो वक्तव्यः । १२. संमुच्छितेसु ( ग ) ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |