Page Text
________________
२०४
रायपसेणइयं
७८४. [कहं णं भंते ! इक्खुवाडे पुवि रमणिज्जे भवित्ता पच्छा अरमणिज्जे भवति ? पएसी! ?] जया णं इक्खुवाडे छिज्जइ भिज्जइ लुज्जइ खज्जइ पिज्जइ दिज्जइ, तया णं इक्खुवाडे रमणिज्जे भवइ । जया णं इक्खुवाडे णो छिज्जइ' •णो भिज्जइ णो लुज्जइ णो खज्जइ णो पिज्जइ णो दिज्जइ°, तया णं इक्खुवाडे अरमणिज्जे भवइ ।
७८५. [कहं णं भंते ! खलवाडे पुबि रमणिज्जे भवित्ता पच्छा अरमणिज्जे भवति ? पएसी ! ?] जया णं खलवाडे उच्छुब्भइ उडुइज्जइ मलइज्जइ पुणिज्जइ खज्जइ पिज्जइ दिज्जइ, तया णं खलवाडे रमणिज्जे भवति । जया णं खलवाडे णो उच्छुब्भइ' •णो उडुइज्जइ णो मलइज्जइ नो पुणिज्जइ नो खज्जइ णो पिज्जइ णो दिज्जइ, तया णं खलवाडे° अरमणिज्जे भवति ।
७८६. से तेणठेणं पएसी! एवं वच्चइ-मा णं तुम पएसी ! पूवि रमणिज्जे भवित्ता पच्छा अरमणिज्जे भविज्जासि, जहा-से वणसंडेइ वा •णट्टसालाइ वा, इक्खुवाडेइ वा खलवाडेइ वा।
७८७. तए णं पएसी केसि कुमार-समणं एवं वयासी–णो खलु भंते ! अहं पुट्वि रमणिज्जे भवित्ता पच्छा अरमणिज्जे भविस्सामि, जहा-से वणसंडेइ वा 'णट्टसालाइ वा, इक्खुवाडेइ वा खलवाडेइ वा,-अहं णं सेयबियापामोक्खाई सत्तगामसहस्साई चत्तारि भागे करिस्सामि-एगं भागं बलवाहणस्स दलइस्सामि, एगं भागं कोट्ठागारे छुभिस्सामि, एगं भागं अंतेउरस्स दलइस्सामि, एगेणं भागेणं महतिमहालियं कूडागारसालं करिस्सामि । तत्थ णं बहूहिं पुरिसेहिं दिण्णभइ-भत्त-वेयणेहिं विउलं असणं पाणं साइमं खाइम उवक्खडावेत्ता वहूणं समण-माहण-भिक्खुयाणं पंथिय-पहियाणं परिभाएमाणे, बहुहिं सीलव्वय-गुणव्वय-वेरमण-पच्चक्खाण-पोसहोवबासेहिं 'अप्पाणं भावेमाणे विहरिस्सामि त्ति कटु जामेव दिसि पाउब्भूए तामेव दिसि पडिगए॥ पएसिणा रज्जस्स चउभाग-करण-पदं
७८८. तए णं से पएसी राया कल्लं' पाउप्पभायाए रयणीए फुल्लुप्पल-कमलकोमलुम्मिलियम्मि अहापंडुरे पभाए रत्तासोग-पगास-किंसुय-सुयमुह-गुंजद्धरागसरिसे कमलागर-णलिणिसंडबोहए उट्ठियम्मि सूरे सहस्सरस्सिस्मि दिणयरे° तेयसा जलंते सेयवियापामोक्खाई सत्तगामसहस्साइं चत्तारिभाए करेइ-एगं भाग बलवाहणस्स दलयइ", १. सं० पा०--छिज्जइ जाव तथा णं ।
पाठः इत्थं लभ्यते-पोसहोववासेहिं अहापरि२. उड (क, घ, च)।
ग्गहिएहिं तवोकम्मेहिं अप्पाणं भावेमाणे ३. सं० पा०-उच्छुब्भइ जाव अरमणिज्जे ।
विहरइ।' सूत्रकृताङ्गे (२।२।५२) पि इत्थ४. सं० पा०-वणसंडे इ वा ।
मेव--'पोसहोववासेहि अहापरिग्गहिएहि ५. सं० पा०---वणसंडे इ वा जाव खलवाडे । तवोकम्मेहि अप्पाणं भावमाणा विहरंति ।' ६. समक्खाइं (च, छ)।
६. दिसं (क)। ७. पंथियाणं (क)।
१०. सं० पा०-कल्लं जाव तेयसा । ८. सं० पा०- पोसहोववासस्स जाव ११. सं० पा०-दलयइ जाव कूडागारसालं । विहरिस्सामि; औपपातिके (सू० १२०) अयं
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |