Page Text
________________
पएसि-कहाणगं
२०१
पच्चणभवमाणे विहरमाणे पासति, पासित्ता एवं वयासी-अहो णं अहं अधण्णे अपुण्णे अकयत्थे अकयलक्खणे हिरिसिरिवज्जिए' हीणपुण्ण-चाउद्दसे दुरंतपंतलक्खणे । जति णं अहं मित्ताण वा णाईण वा नियगाण वा सुणतओ तो णं अहं पि एवं चेव उप्पि पासायवरगए' 'फुट्टमाणेहिं मुइंगमत्थएहिं बत्तीसइबद्धएहिं नाडएहिं वरतरुणीसंपउत्तेहिं उवणच्चिज्जमाणे उवगिज्जमाणे उवलालिज्जमाणे इठे सद्द-फरिस-रस-रूव-गंधे पंचविहे माणुस्सए कामभोए पच्चणुभवमाणे विहरतो। से तेणठेणं पएसी ! एवं वुच्चइ-मा णं तुमं पएसी ! पच्छाणुताविए भवेज्जासि, जहा व से पुरिसे अयभारए॥ पएसिस्स गिहिधम्म-पडिवज्जण पदं
७७५. एत्थ णं से पएसी राया संबुद्धे केसि कुमार-समणं वंदइ' 'नमसइ, वंदित्ता नमंसित्ता एवं वयासी~णो खलु भंते ! अहं पच्छाणुताविए भविस्सामि, जहा व से पूरिसे अयभारए, तं इच्छामि णं देवाणुप्पियाणं अंतिए केवलिपण्णत्तं धम्म निसामित्तए । अहासूह देवाणुप्पिया ! मा पडिबंध करेहि । धम्मकहा जहा चित्तस्स गिहिधम्म पडिवज्जइ, जेणेव सेयविया नगरी तेणेव पहारेत्थ गमणाए॥ आयरिय-विणयपडिवत्ति-पदं
७७६. तए णं केसी कुमार-समणे पएर्सि रायं एवं वयासी-जाणासि णं तुमं पएसी! कइ आयरिया पण्णत्ता ? हंता जाणामि, तओ आयरिआ पण्णत्ता, तंजहा-कलायरिए, सिप्पायरिए, धम्मायरिए। जाणासि णं तुमं पएसी ! तेसिं तिण्हं आयरियाणं कस्स का विणयपडिवत्ती पउंजियव्वा ? हंता जाणामि-कलायरियस्स सिप्पायरियस्स उवलेवणं संमज्जणं वा करेज्जा, पुप्फाणि वा आणवेज्जा, मज्जावेज्जा, मंडावेज्जा', भोयावेज्जा वा, विउलं जीवियारिहं पीइदाणं दलएज्जा, पुत्ताणुपुत्तियं वित्ति कप्पेज्जा। जत्थेव धम्मायरियं पासिज्जा तत्थेव वंदेज्जा णमंसेज्जा सक्कारेज्जा सम्माणेज्जा, कल्लाणं मंगलं देवयं चेइयं पज्जुवासेज्जा, फासुएसणिज्जेणं असणपाणखाइमसाइमेणं पडिलाभेज्जा, पाडिहारिएणं पीढ-फलग-सेज्जा-संथारएणं उवणिमंतेज्जा। एवं च ताव तमं पएसी! एवं जाणासि तहावि णं तुम मम वामं वामेणं 'दंडं दंडेणं पडिकलं पडिकूलेणं पडिलोमं पडिलोमेणं विवच्चासं विवच्चासेणं वट्टित्ता ममं एयमट्ठ अक्खामित्ता जेणेव सेयविया नगरी तेणेव पहारेत्थ गमणाए । पएसिस्स अत्त-निवेदण-पदं
___७७७. तए णं से पएसी राया केसि कुमार-समणं एवं वयासी-एवं खलु भंते ! मम एयारूवे अज्झथिए 'चितिए पत्थिए मणोगए संकप्प° समुप्पज्जित्था--एवं खलु अहं १. परिवज्जिए (क, ख, ग, च, छ)।
५. उलेवणं (क, च, छ)। २. सं० पा०-पासायवरगए जाव विहरतो । ६. मुंडावेज्जा (क, छ)। ३. सं० पा०-वंदइ जाव एवं ।
७. सं० पा०-वामेणं जाव वट्टित्ता। ४. राय० सू० ६६३ ।
८. सं० पा०-अज्झथिए जाव समुप्पज्जित्था।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |