Page Text
________________
२००
रायपसेणइयं
समाणा एगं महं सुवण्णागरं पासंति "" तया अहाणुपुवीए संपत्थिया। तए णं ते पुरिसा तीसे अगामियाए छिण्णावायाए दीहमद्धाए अडवीए कंचि देसं अणुप्पत्ता समाणा एगं महं रयणागरं पासंति......" तया अहाणुपुव्वीए संपत्थिया। तए णं ते पुरिसा तीसे अगामियाए छिण्णावायाए दीहमद्धाए अडवीए कंचि देसं अणुप्पत्ता समाणा एग महं वइरागरं पासंति-वइरेणं आइण्णं विच्छिण्णं सच्छड उवच्छडं फुडं अवगा गाढं पासंति, पासित्ता हट्ठतुट्ठ-चित्तमाणंदिया पीइमणा परमसोमणस्सिया हरिसवस-विसप्पमाणहियया अण्णमण्णं सद्दावेंति, सद्दावेत्ता एवं वयासी-एस णं देवाणुप्पिया ! वइरभंडे इठे कंते पिए भणुण्णे मणामे । अप्पेणं चेव बइरेणं सुवहुं रयणे लब्भति, तं सेयं खलू देवाणप्पिया ! रयणभारयं छड्डे त्ता वइरभारयं बंधित्तए त्ति कट्ट अण्णमण्णस्स अंतिए एयमठे पडिसुणेति, रयणभारं छड्डेति वइरभारं बंधति ।। तए णं से पुरिसे णो संचाएइ अयभारं छड्डेत्तए, वइरभारं बंधित्तए। तए णं ते पुरिसा तं पुरिसं एवं वयासी-एस णं देवाणुप्पिया ! वइरभंडे इठे कंते पिए मणुण्णे मणामे। अप्पेणं चेव वइरेणं सुबहुं अए लब्भति । तं छड्डेहि णं देवाणुप्पिया ! अयभारगं, वइरभारगं बंधाहि। तए णं से पुरिसे एवं वयासी-दूराहडे मे देवाणुप्पिया ! अए, चिराहडे मे देवाणुप्पिया ! आए, अइगाढबंधणबद्धे मे देवाणप्पिया ! आए, असिलिट्रबंधणबद्ध मे देवाणप्पिया! अए. धणियबंधणबद्धे मे देवाणुप्पिया ! अए-णो संचाएमि अयभारगं छड्डेत्ता वइरभारयं बंधित्तए। तए णं ते पुरिसा तं पुरिसं जाहे णो संचाएंति बहूहिं आघवणाहि य पण्णवणाहि य आघवित्तए वा पण्णवित्तए वा तया अहाणुपुव्वीए संपत्थिया । तए णं ते पुरिसा जेणेव सया जणवया जेणेव साइं-साइं नगराइं तेणेव उवागच्छंति, वइरवेयणं करेंति, सुबहुं दासी-दास-गो-महिस-गवेलगं गिण्हंति, अट्टतलमूसिय'-पासायवडेंसगे करावेंति, हाया कयबलिकम्मा उप्पि पासायवरगया फुट्टमाणेहिं मुइंगमत्थएहिं बत्तीसइबद्धएहिं नाडएहि वरतरुणीसंप उत्तेहिं उवणच्चिज्जमाणा उवगिज्जमाणा उवलालिज्जमाणा इठे सद्द-फरिस - रस-रूव-गंधे पंचविहे माणुस्सए कामभोए पच्चणुभवमाणा' विहरंति। तए णं से पुरिसे अयभारए जेणेव सए नगरे तेणेव उवागच्छइ, अयभारगं गहाय वेयणं करेति । तसि अयपुग्गलं सि निद्वियंसि झीणपरिव्वए' ते पुरिसे उप्पि पासायवरगए 'फुट्टमाणेहिं मुइंगमत्थएहिं बत्तीसइबद्धएहिं नाडएहि वरतरुणीसंपउत्तेहिं उवणच्चिज्जमाणे उवगिज्जमाणे उवलालिज्जमाणे इ8 सद्द-फरिस-रस-रूव-गंधे पंचविहे माणुस्सए कामभोए १. "मूलिय (क,ख,ग,च,छ) ।
६. सं० पा०---पासायवरगए जाव विहरमाणे; २. सं० पा०-~फरिस जाव विहरंति ।
अत्र 'पच्चणुभवमाणे पासति' इत्यनेनैवार्थ ३. पूर्व 'अयहारए' इति पाठो दृश्यते ।
संगतिर्जायते । पच्चणुभवमाणे विहरमाणे' ४. अयवेयणं (क, ख, ग, च, छ) ।
द्विरुक्तमिवाभाति, किन्तु सर्वेषु आदर्शेषु इत्थमेव ५. परिसाए (क)।
पाठो लभ्यते।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |