Page Text
________________
पएसि-कहाणगं
१६६
अणुप्पत्ता समाणा एगमहं अयागरं पासंति-अएणं सव्वतो समंता आइण्णं विच्छिण्णं' सच्छड उवच्छडं फुडं अवगाढं गाढं पासंति, पासित्ता हट्टतुट्ठ चित्तमाणंदिया पीइमणा परमसोमणस्सिया हरिसवस-विसप्पमाण-हियया अण्णमण्णं सहावेंति, सद्दावेत्ता एवं वयासी-एस णं देवाणुप्पिया ! अयभंडे इठे कते 'पिए मणुणे मणामे, तं सेयं खलु देवाणुप्पिया! अम्हं अयभारयं बंधित्तए त्ति कटु अण्णमण्णस्स अंतिए एयमझें पडिसुणेति, अयभारं बंधंति, बंधित्ता अहाणपुवीए संपत्थिया। तए णं ते पुरिसा तीसे अगामियाए 'छिण्णावायाए दीहमद्धाए° अडवीए कंचि देसं अणुप्पत्ता समाणा एगं महं तउआगरं पासंति--तउएणं आइण्णं" •विच्छिण्णं सच्छडं उवच्छडं फुडं अवगाढं गाढं पासंति, पासित्ता हट्टतुट्ठ-चित्तमाणं दिया पीइमणा परमसोमणस्सिया हरिसवस-विसप्पमाणहियया अण्णमण्णं सद्दावेंति , सद्दावेत्ता एवं वयासी-एस णं देवाणुप्पिया ! तउयभंडे 'इठे कंते पिए मणुण्णे मणामे। अप्पेणं चेव तउएणं सुबह अए लब्भति, तं सेयं खलु देवाणुप्पिया ! अयभारयं छड्डेत्ता तउयभारयं बंधित्तए त्ति कट्ट अण्णमण्णस्स अंतिए एयमढं पडिसुणेति, अयभारं छड्डेंति तउयभारं बंधंति। तत्थ णं एगे पुरिसे णो संचाएइ अयभारं छड्डेत्तए, तउयभारं बंधित्तए। तए णं ते पुरिसा तं पुरिसं एवं वयासी-एस णं देवाणु प्पिया ! तउयभंडे 'इठे कंते पिए मणुण्णे मणामे । अप्पेणं चेव तउएणं° सुबहुं अए लब्भति। तं छड्डेहि णं देवाणुप्पिया ! अयभारगं, तउयभारगं बंधाहि। तए णं से पुरिसे एवं वयासी- दूराहडे मे देवाणुप्पिया ! अए, चिराहडे मे देवाणुप्पिया ! अए, अइगाढबंधणबद्धे मे देवाणुप्पिया ! अए, असिलिट्ठबंधणबद्धे मे देवाणु प्पिया ! अए, धणियबंधणवद्धे मे देवाणुप्पिया ! अए-- णो संचाएमि अयभारगं छड्डेत्ता तउयभारगं बंधित्तए। तए णं ते पुरिसा तं पुरिसं जाहे णो संचाएंति बहूहिं आघवणाहि य पण्णवणाहि य आघवित्तए वा पण्णवित्तए" वा तया अहाणुपुव्वीए संपत्थिया। •तए णं ते पुरिसा तीसे अगामियाए छिण्णावायाए दीहमद्धाए अडवीए कंचि देसं अणुप्पत्ता समाणा एगं महं तंबागरं पासंति-......"तया अहाणुपुव्वीए संपत्थिया। तए णं ते पुरिसा तीसे अगामियाए छिण्णावायाए दीहमद्धाए अडवीए कंचि देसं अणुप्पत्ता समाणा एगं महं रुप्पागरं पासंति--......"तया अहाणुपूवीए संपत्थिया। तए णं ते पुरिसा तीसे अगामियाए छिण्णावायाए दीहमद्धाए अडवीए कंचि देसं अणुप्पत्ता
१. विणिच्छिण्ण (क,च); विणिकिण्णं (घ);
विण्णिच्छिण्णं (छ)। २. सच्छड्डं (क,ख,ग); सघडं (घ); संत्थडं
(च); सच्छण्णं (छ)। ३. उवत्थडं (च,छ)। ४. सं० पा०-हतु? जाव हियया । ५. सं० पा०-कते जाव मणामे ।
६. सं० पा०-अगामियाए जाव अडवाए। ७. सं० पा०–आइण्णं तं चेव जाव सदावेत्ता। ८. सं० पा०–तउयभंडे जाव मणामे । ६. सं० पा०-तउयभंडे जाव सुबहुं । १०. विण्णवित्तए (क,ख,ग,घ,छ)। ११. सं० पा०-एवं तंबागरं रुप्पागरं सुवण्णागरं
रयणागरं वइरागरं।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |