Page Text
________________
पएसि-कहाणगं
१९७
जइ णं तुम पएसी! एयस्स वाउकायस्स सरूविस्स' 'सकम्मरस सरागस्स समोहस्स सवेयस्स सलेसस्स° ससरीरस्स रूवं न पाससि, तं कहं णं पएसी ! तव करयलंसि वा आमलगं जीवं [सरीराओ अभिणिवट्टिताणं?] उवदंसिस्सामि ? एवं खलु पएसी ! दसट्ठाणाई छउमत्थे मणुस्से सव्वभावेणं न जाणइ न पासइ, तं जहाधम्मत्थिकायं, अधम्मत्थिकायं, आगासत्थिकायं, जीवं असरीरबद्धं, परमाणुपोग्गलं, सइं, गंध, वायं, अयं जिणे भविस्सइ वा णो भविस्सइ, अयं सव्वदुक्खाणं अंतं करिस्सइ वा नो वा करिस्सइ । एताणि चेव उप्पण्णणाणदंसणधरे अरहा जिणे केवली सव्वभावेणं जाणइ पासइ, तं जहा-धम्मत्थिकायं', 'अधम्मत्थिकायं, आगासत्थिकायं, जीवं असरीरवद्धं, परमाणुपोग्गलं, सई, गंध, वायं, अयं जिणे भविस्सइ वा णो भविस्सइ, अयं सव्वदुक्खाणं अंतं करिस्सइ वा णो वा करिस्सइ, तं सद्दहाहि णं तुम पएसी! जहा-अण्णो जीवो' •अण्णं सरीरं, नो तज्जीवो तं सरीरं° । हत्थि-कुंथ-जीव समाणत्त-पदं
७७२. तए णं से पएसी राया केसि कुमार-समणं एवं वयासी-से गुणं भंते ! हत्थिस्स कुथुस्स य समे चेव जीवे ? हंता पएसी! हत्थिस्स य कुंथुस्स य समे चेव जीवे । से णणं भंते ! हत्थीओ कथ अप्पकम्मतराए चेव अप्पकिरियतराए चेव 'अप्पासवतराए चेव" "अप्पाहारतराए चेव अप्पनीहारतराए चेव अप्पुस्सासतराए चेव अप्पनीसासतराए चेव अप्पिड्ढितराए चेव अप्पमहतराए चेव अप्पज्जुइतराए चेव° ? कुंथुओ हत्थी महाकम्मतराए चेव महाकिरिय तराए चेव महासवतराए चेव महाहारतराए चेव महानीहारत राए चेव महाउस्सासतराए चेव महानीसासतराए चेव महिड्ढितराए चेव महामहतराए चेव महज्जुइतराए चेव ?°। हंता पएसी! हत्थीओ कुंथू अप्पकम्मतराए चेव कंथूओ वा हत्थी महाकम्मतराए चेव', 'हत्थीओ कुंथू अप्पकिरियतराए चेव कुंथूओ वा हत्थी महाकिरियतराए चेव, हत्थीओ कुंथू अप्पासवतराए चेव कुंथूओ वा हत्थी महासवतराए चेव, एवं आहार-नीहार-उस्सासनीसास-इड्ढि-महज्जुइएहिं हत्थीओ कुंथू अप्पतराए चेव कुंथूओ वा हत्थी महातराए चेव । कम्हा णं भंते ! हथिस्स य कंथुस्स य समे चेव जीवे ? पएसी ! से जहाणामए कूडागारसाला सिया-'दुहओ लित्ता गुत्ता गुत्तदुवारा णिवाया णिवाय° गंभीरा । अह णं केइ पुरिसे जोइं व दीवं व गहाय तं कूडागारसालं अंतो-अंतो अणुपविसइ, तीसे कूडागारसालाए सव्वतो समंता घण-निचिय-निरंतर-णिच्छिड्डाई दुवार-वयणाई पिहेति, तीसे कूडागारसालाए बहुमज्झदेसभाए तं पईवं पलीवेज्जा। तए णं से पईवे तं कडागारसालं अंतो-अंतो ओभासेइ उज्जोवेड तावेति पभासेइ, णो चेव णं बाहिं। १.सं० पा०-सरूविस्स जाव ससरीरस्स। इड्ढि महज्जुइ अप्पतराए चेव । २. सं० पा०-धम्मत्थिकायं जाव णो।
६. सं० पा०-महाकिरिय जाव हंता। ३. सं० पा०-जीवो तं चेव ।
७. सं० पा०--महाकम्मतराए चेव तं चेव । ४. x (क, ख, ग, घ, च, छ) ।
८. सं० पा०—सिया जाव गंभीरा । ५. सं० पा०-एवं आहार नीहार उस्सास नीसास
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |