Page Text
________________
१६६
रायपसेणाइयं
'दंडं दंडेणं पडिकूलं पडिकूलेणं पडिलोमं पडिलोमेणं विवच्चासं विवच्चासेणं वट्रिस्सामि, तहा-तहा णं अहं नाणं च नाणोवलंभं च, दंसणं च दंसणोवलंभं च, जीवं च जीवोवलंभं च उवलभिस्सामि । तं एएणं कारणणं अहं देवाणुप्पियाणं वामं वामेणं' दंडं दंडेणं पडिकूलं पडिकूलेणं पडिलोमं पडिलोमेणं विवच्चासं विवच्चासेणं वट्टिए । ववहारग-पदं
७६६. तए णं केसी कुमार-समणे पएसि रायं एवं वयासी-जाणासि णं तुम पएसी ! कइ ववहारगा पण्णत्ता? हंता जाणामि, चत्तारि ववहारगा पण्णत्ता-देइ नामेगे णो सण्णवेइ । सण्णवेइ नामेगे नो देइ । एगे देइ वि सण्णवेइ वि । एगे णो देइ णो सण्णवेइ । जाणासि णं तुमं पएसी! एएसि चउण्हं पुरिसाणं के ववहारी ? के अव्ववहारी ? हंता जाणामि-तत्थ णं जेसे पुरिसे देइ णो सण्णवेइ, से णं पुरिसे ववहारी। तत्थ णं जेसे पुरिसे णो देइ सण्णवेइ, से णं पुरिसे ववहारी। तत्थ णं जेसे पुरिसे देइ वि सण्णवेइ वि, से पुरिसे ववहारी। तत्थ णं जेसे पुरिसे णो देइ णो सण्णवेइ, से णं अववहारी। 'एवामेव तुमं पि ववहारी, णो चेव णं तुम पएसी ! अववहारी ॥ जीवोवदंसणळं-निवेदण-पदं __७७०. तए णं पएसी राया केसि कुमार-समणं एवं वयासी-तुब्भे णं भंते ! 'इय छेया" दक्खा पत्तट्ठा कुसला महामई विणीया विण्णाणपत्ता° उवएसलद्धा, समत्था णं भंते ! ममं करयलंसि वा आमलयं जीवं सरीराओ अभिणिवट्टित्ताणं उवदंसित्तए ? ॥ केसिस्स समाधाण-पदं
७७१. तेणं कालेणं तेणं समएणं पएसिस्स रण्णो अदूरसामंते वाउयाए संवृत्ते । तणवणस्सइकाए एयइ वेयइ चलइ फंदइ घट्टई उदीरइ, तं तं भावं परिणमइ। तए णं केसी कुमार-समणे पएसि रायं एवं वयासी-पाससि णं तुमं पएसी राया ! एयं तणवणस्सइकायं एयंतं वेयंतं चलंतं फंदंतं घट्टतं उदीरतं तं तं भावं परिणमंतं ? हंता पासामि । जाणासि णं तुमं पएसी ! एयं तणवणस्सइकायं किं देवो चालेइ ? असुरो वा चालेइ ? णागो वा चालेइ ? किण्णरो वा चालेइ? किंपरिसो वा चालेइ ? महोरगो वा चालेइ ? गंधव्वो वा चालेइ ? हंता जाणामि-णो देवो चालेई', 'णो असुरो चालेइ, णो णागो चालेइ, णो किण्णरो चालेइ, णो किंपुरिसो चालेइ, णो महोरगो चालेइ° णो गंधव्वो चालेइ, वाउयाए चालेइ। पास सि णं तुमं पएसी ! एयस्स वाउकायस्स सरूविस्स सकम्मस्स सरागस्स समोहस्स सवेयस्स सलेसस्स ससरीरस्स रूवं? णो तिणठे समझें। १.सं० पा०- वामेणं जाव विवच्चासं। ५. व्वा (क)। २. एवामेव णो चेव णं तुमं पएसी अववहारी ६. संजुत्ते (क, ख, ग, घ, च, छ)। __ववहारी (क, ख, ग, घ, च)।
७. x (क, ख, ग, घ, च, छ) ।। ३. अइछेया (क)।
८. सं० पा०-एयंतं जाव तं तं । ४. सं० पा०-दक्खा जाव उवएसलद्धा।
६. सं० पा०-चालेइ जाव णो गंधवो।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |