Page Text
________________
पएसि-कहाणगं
१९५ समाणा आयंता चोक्खा परमसुईभूया तं पुरिसं एवं वयासी--अहो ! णं तुम देवाणुप्पिया ! जड्डे मूढे अपंडिए णिव्विण्णाणे अणुवएसलद्धे जे णं तुम इच्छसि कळंसि दुहा फालियंसि वा तिहा फालियंसि वा चउहा फालियंसि वा संखेज्जहा फालियंसि वा जोतिं पासित्तए। से एएणठेणं पएसी ! एवं वुच्चइ मूढतराए णं तुमं पएसी ! ताओ तुच्छत राओ॥ अक्कोसं पइ पएसिस्स वितक्कणा-पदं
७६६. तए णं पएसी राया केसि कुमार-समणं एवं वयासी-जुत्तए णं भंते ! तुब्भं इय छयाणं दक्खाणं पत्तद्वाणं कुसलाणं महामईणं विणीयाणं विण्णाणपत्ताणं उवएसलद्धाणं अहं इमीसे' महालियाए महच्चपरिसाए मज्झे उच्चावएहिं आओसेहिं आओसित्तए, उच्चावयाहिं उद्धंसणाहिं उद्धंसित्तए, उच्चावयाहिं निब्भंछणाहिं निब्भंछित्तए, उच्चावयाहिं निच्छोडणाहिं निच्छोडित्तए ?॥ केसिस्स समाधाण-पदं
७६७. तए णं केसी कुमार-समणे पएसि रायं एवं वयासी-जाणासि णं तुम पएसी ! कति परिसाओ पण्णत्ताओ? भंते ! जाणामि चत्तारि परिसाओ पण्णत्ताओ, तं जहाखत्तियपरिसा, गाहावइपरिसा, माहणपरिसा, इसिपरिसा। जाणासि णं तुम पएसी! एयासिं चउण्हं परिसाणं कस्स का दंड-णीई पण्णता ? हंता! जाणामि-जे णं खत्तियपरिसाए अवरज्झइ, से णं हत्थच्छिण्णए वा पायच्छिण्णए वा सीसच्छिण्णए वा सूलाइए वा एगाहच्चे कूडाहच्चे जीवियाओ ववरोविज्जइ। जे णं गाहावइपरिसाए अवरज्झइ, से णं तणेण वा वेढेण वा पलालेण वा वेढित्ता अगणिकाएणं झामिज्जइ। जे णं माहणपरिसाए अवरज्झइ, से णं अणिट्ठाहिं अकंताहिं 'अप्पियाहिं अमणुण्णाहि° अमणामाहि वग्गूहि उवालभित्ता कुंडियालंछणए वा सूणगलंछणए वा कीरइ, निव्विसए वा आणविज्जइ। जे णं इसिपरिसाए अवरज्झइ, से णं णाइअणिवाहि' •णाइअकंताहिं णाइअप्पियाहिं णाइअमणुण्णाहि° णाइअमणामाहिं वग्गूहि उवालब्भइ। एवं च ताव पएसी ! तुम जाणासि तहावि णं तुम ममं वामं वामेणं दंडं दंडेणं पडिकलं पडिकूलेणं पडिलोमं पडिलोमेणं विवच्चासं विवच्चासेणं वट्टसि ।। पएसिस्स पडिकूल-वट्टण-हेउ-पदं
७६८. तए णं पएसी राया केसि कुमार-समणं एवं वयासी-एवं खलु अहं देवाणुप्पिएहि पढमिल्लएणं चेव वागरणेणं संलद्धे, तए णं मम इमेयारूवे अज्झथिए' 'चितिए पत्थिए मणोगए° संकप्पे समुपज्जित्था जहा-जहा णं एयस्स पुरिसस्स वामं वामेणं" १. सं० पा० दुहाफालियंसि वा जोति ।
७. सं० पा.-णाइअणिट्राहि जाव णाइअमणा२. पट्ठाणं (क, ख, ग, घ, च, छ)।
माहिं। ३. इमाए (क); इमीसेए (ख, ग, घ, च, छ)। ८. संलत्ते (क्वचित)। ४. वेटेण (क); वेढेण (ख,ग); X (घ)। ६. सं० पा०-अज्झथिए जाव संकप्पे । ५. झाविज्जइ (घ)।
१०. सं० पा०-वामेणं जाव विवच्चासं । ६. सं० पा०-अकंताहिं जाव अमणामाहि ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |