Page Text
________________
पएसि-कहाणगं
१८७
मुहत्तागं' आसयह वा चिट्ठह वा निसीयह वा तुयट्टह वा। तस्स णं तुमं पएसी ! पुरिसस्स खणमवि एयमट्ठ पडिसुणिज्जासि ? णो तिणठे समठे। कम्हा णं ? जम्हाणं भंते ! असुई असुइ-सामंतो । एवामेव पएसी ! तव वि अज्जिया होत्था, इहेव सेयवियाए णयरीए धम्मिया जाव' अप्पाणं भावेमाणी विहरति । सा णं अम्हं वत्तव्वयाए सुबहुं' 'पुण्णोवचयं समज्जिणित्ता कालमासे कालं किच्चा अण्णयरेसु देवलोएसु देवत्ताए उववण्णा। तीसे णं अज्जियाए तुम णत्तुए होत्था-इठे •कते पिए मणुणे मणामे थेज्जे वेसासिए सम्मए बहुमए अणुमए रयणकरंडगसमाणे जीविउस्सविए हिययणंदिजणणे उंबरपुप्फ पिव दुल्लभे सवणयाए', किमंग पुण पासणयाए ? सा णं इच्छइ माणुसं लोग हव्वमागच्छित्तए, णो चेव णं संचाएइ हव्वमागच्छित्तए। चउहि ठाणेहिं पएसी ! अहुणोववण्णए देवे देवलोएसु इच्छेज्जा माणुसं लोगं हव्वमागच्छित्तए, णो चेव णं संचाएइ हव्वमागच्छित्तएअहुणोववण्णे देवे देवलोएसु दिव्वेहिं कामभोगेहिं मुच्छिए गिद्धे गढिए अज्झोववण्णे, से णं माणुसे भोगे नो आढाति नो परिजाणाति । से णं इच्छेज्ज माणुसं लोगं हव्वमागच्छित्तए, नो चेव णं संचाएति हव्वमागच्छित्तए। अहुणोववण्णे देवे देवलोएसु दिव्वेहिं कामभोगेहिं मुच्छिए" 'गिद्धे गढिए° अज्झोववण्णे, तस्स णं माणुस्से पेम्मे वोच्छिण्णए भवति, दिव्वे पेम्मे संकते भवति । से णं इच्छेज्जा माणसं लोगं हव्वमागच्छित्तए, णो चेव णं संचाएइ हव्वमागच्छित्तए । अहुणोववण्णे देवे देवलोएसु दिव्वेहि कामभोगेहिं मुच्छिए' •गिद्धे गढिए अज्झोववण्णे, तस्स णं एवं भवइ--इयाणि गच्छं मुहुत्ते गच्छं जाव इह अप्पाउया णरा कालधम्मुणा संजुत्ता भवंति, से णं इच्छेज्जा माणुस्सं लोगं हव्वमागच्छित्तए, नो चेव णं संचाएइ हव्वमागच्छित्तए। अहुणोववण्णे देवे देवलोएसु दिव्वेहिं 'कामभोगेहिं मुच्छिए गिद्धे गढिए° अज्झोववण्णे, तस्स माणुस्सए उराले दुग्गंधे पडिकूले पडिलोमे भवइ, उड्ढं पि य णं चत्तारि पंचजोअणसए असुभे माणुस्सए गंधे अभिसमागच्छति । से णं इच्छेज्जा माणुस्सं लोग हव्वमागच्छित्तए, णो चेव णं संचाएइ हव्वमागच्छित्तए । इच्चेएहिं चउहिं ठाणेहि पएसी ! अहुणोववण्णे देवे देवलोएसु इच्छेज्ज माणुसं लोगं हव्वमागच्छित्तए, णो चेव णं संचाएइ हव्वमागच्छित्तए। तं सद्दहाहि णं तुम पएसी ! जहा-अण्णो जीवो अण्णं सरीरं, नो तज्जीवो तं सरीरं.। तज्जीव-तच्छरीर-पदं
७५४. तए णं से पएसी राया केसि कुमार-समणं एवं वयासी-अत्थि णं भंते ! एस
१. मुहुत्तगं (क, छ) । २. राय० सू० ७५२ । ३. सं० पा०-सुबहुं जाव उववण्णा । ४. सं० पा०-इठे किमंग ।
५. सं० पा०-मुच्छिए जाव अज्झोववण्णे । ६. सं० पा०-मुच्छिए जाव अज्झोववण्णे । ७. सं० पा०—दिब्वेहिं जाव अज्झोववण्णे । ८. हवइ (व)।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |