Page Text
________________
१८६
रायपसेणइयं
अभिगयजीवा' 'जीवा उवलद्धपुण्णपावा आसव-संवर-निज्जर-किरियाहिगरण-बंधप्पमोक्खकुसला असहिज्जा देवासुर - णाग - सुवण्ण-जक्ख-रक्खस-किण्णर-किंपुरिस-गरुल-गंधव्वमहोरगाइएहिं देवगणेहिं निग्गंथाओ पावयणाओ अणइक्कमणिज्जा, निग्गंथे पावयणे णिस्संकिया णिक्कंखिया णिन्वितिगिच्छा लट्ठा गहियट्ठा अभिगयट्ठा पुच्छियट्ठा विणिच्छियदा अद्विमिंजपेमाणुरागरत्ता अयमाउसो ! निग्गंथे पावयणे अट्ठे परमठे सेसे अणठे ऊसियफलिहा अवंगुयदुवारा चियत्तंतेउरघरप्पवेसा चाउद्दसट्टमुद्दिठ्ठपुण्णमासिणीसु पडिपुण्णं पोसहं सम्म अणुपालेमाणी, समणे णिग्गंथे फासुएसणिज्जेणं असणपाणखाइमसाइमेणं पीढ-फलग-सेज्जा-संथारेणं वत्थ-पडिग्गह-कंबल-पायपुंछणणं ओसह-भेसज्जण य पडिलाभेमाणी-पडिलाभेमाणी, बहूहि सीलव्वय-गुण-वेरमण-पच्चक्खाण-पोसहोववासेहिं° अप्पाणं भावेमाणी विहरइ। सा णं तुझं वत्तव्वयाए सुबहुं पुण्णोवचयं समज्जिणित्ता कालमासे कालं किच्चा अण्णय रेसु देवलोएसु देवत्ताए उववण्णा। तीसे णं अज्जियाए अहं नत्तए होत्था-इठे कंते' 'पिए मणुण्णे मणामे थेज्जे वेसासिए सम्मए बहुमए अणुमए रयणकरंडगसमाणे जीविउस्सविए हिययणं दिजणणे उंबरपुप्फ पिव दुल्लभे सवणयाए, किमंग पूण° पासणयाए, त जइण सा अज्जिया मम आगत एवं वएज्जा-एवं खल नत्तया! अहं तव अज्जिया होत्था, इहेव सेयवियाए नयरीए धम्मिया' 'धम्मि धम्मक्खाई धम्माणुया धम्मपलोई धम्मपलज्जणी धम्मसीलसमुयाचारा धम्मेण चेव वित्ति कप्पेमाणी समणोवासिया जाव अप्पाणं भावेमाणी विहरामि। तए णं अहं सुबहु पुण्णोवचयं समज्जिणित्ता' 'कालमासे कालं किच्चा अण्णयरेसु देवलोएसु देवत्ताए उववण्णा, तं तुमं पि णत्तुया ! भवाहि धम्मिए धम्मिठे धम्मक्खाई धम्माणुए धम्मपलोई धम्मपलज्जणे धम्मसीलसमुयाचारे धम्मेण चेव वित्ति कप्पेमाणे समणोवासए जाव अप्पाणं भावेमाणे विहराहि । तए णं तुम पि एयं चेव सुबहु पुण्णोवचयं" 'समज्जिणित्ता कालमासे कालं किच्चा अण्णयरेसु देवलोएसु देवत्ताए° उववज्जिहिसि। तं जइ णं अज्जिया मम आगंतुं एवं वएज्जा तो णं अहं सद्दहेज्जा पत्तिएज्जा रोएज्जा जहा-अण्णो जीवो अण्णं सरीरं, णो तज्जीवो तं सरीरं । जम्हा सा अज्जिया ममं आगंतु णो एवं वयासी, तम्हा सुपइट्ठिया मे पइण्णा' जहातज्जीवो तं सरीरं, नो अण्णो जीवो अण्णं सरीरं । जीव-सरीर-अण्णत्त-पदं
७५३. तए णं केसी कुमार-समणे पए सिं रायं एवं वयासी-जति णं तुम पएसी ! ण्हायं कयवलिकम्म कयकोउयमंगलपायच्छित्तं उल्लापडगं भिंगार-कडच्छयहत्थगयं देवकुलमणुपविसमाणं केइ पुरिसे वच्चघरंसि ठिच्चा एवं वदेज्जा-एह ताव सामी ! इह १. सं० पा०-अभिगयजीवा सव्वो वण्णओ जाव ५. सं० पा०-समज्जिणित्ता जाव देवलोएस । अप्पाणं।
६. सं० पा०-धम्मिए जाव विहराहि । २. सं० पा०-कते जाव पासणयाए।
७. सं० पा०--पुण्णोवचयं जाव उववज्जिहिसि । ३. सं० पा०-धम्मिया जाव वित्ति ।
८. पण्णा (क, ख, ग, घ, च, छ) । ४. सुहं (क, ख, ग, घ, च, छ) ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |