Page Text
________________
पएसि-कहाणगं
१८५
ण्णगं वा' 'पायछिण्णगं वा सूलाइगं वा सूलभिण्णगं वा एगाहच्चं कूडाहच्चं जीवियाओ ववरोवेहि जाव ताव अहं मित्त-णाइ-णियग-सयण-संबंधि-परिजणं एवं वयामि-एवं खलु देवाणुप्पिया ! पावाइं कम्माइं समायरेत्ता इमेयारूवं आवई पाविज्जामि, तं मा णं देवाणप्पिया ! तुब्भे वि केइ पावाइं कम्माइं समायरह', मा णं से वि एवं चेव आवई पाविज्जिहिह', जहा णं अहं । तस्स णं तुमं पएसी ! पुरिसस्स खणमवि एयमट्ठ पडिसुणेज्जासि ? णो तिणठे समठे। कम्हा णं ? जम्हा णं भंते ! अवराही णं से पुरिसे। एवामेव पएसी! तव वि अज्जए होत्था इहेव सेयवियाए णयरीए अधम्मिए जाव णो सम्म करभरवित्ति पवत्तेइ । से णं अम्हं वत्तव्वयाए सुबहुं पावकम्मं कलिकलुसं समज्जिणित्ता कालमासे कालं किच्चा अण्णय रेसु नरएसु णेरइयत्ताए° उववण्णे । तस्स णं अज्जगस्स तुम णत्तए होत्था-इठे कंते •पिए मणुण्णे मणामे थेज्जे वेसासिए सम्मए वहुमए अणुमए रयणकरंडगसमाणे जीविउस्सविए हिययणंदिजणणे उंबरपुप्फ पिव दुल्लभे सवणयाए, किमंग पूण पासणयाए ! से णं इच्छइ माणुसं लोगं हव्वमागच्छित्तए, नो चेव णं संचाएइ [हव्वमागच्छित्तए?]। चउहिं च णं ठाणेहिं पएसी! अहुणोववण्णए नरएस नेरइए इच्छेज्ज माणुसं लोगं हव्वमागच्छित्तए, नो चेव णं संचाएइ [हव्वमागच्छित्तए ?] ।
अहुणोववण्णए नरएसु नेरइए से णं तत्थ महब्भूयं वेयणं वेदेमाणे इच्छेज्जा माणुस्सं लोगं हव्वमागच्छित्तए, णो चेव णं संचाएइ [हव्वमागच्छित्तए ?] ।
अहुणोववण्णए नरएसु नेरइए नरयपालेहिं भुज्जो-भुज्जो समहिद्विज्जमाणे इच्छइ माणुसं लोग हव्वमागच्छित्तए, नो चेव णं संचाएइ [हव्वमागच्छित्तए ?] ।
अहणोववण्णए नरएसु नेरइए निरयवेयणिज्जसि कम्मंसि अक्खीणंसि अवेइयंसि अणिज्जिण्णंसि इच्छइ माणुसं लोग हव्वमागच्छित्तए, नो चेव णं संचाएइ [हव्वमागच्छि
त्तए ?]
- अहुणोववण्णए नरएसु नेरइए निरयाउयंसि कम्मंसि अक्खीणंसि अवेइयंसि अणिज्जिण्णंसि इच्छइ माणुसं लोग हव्वमागच्छित्तए, नो चेव णं संचाएइ [हव्वमागच्छित्तए ?] ।
इच्चेएहि चउहि ठाणेहि पएसी अहुणोववण्णे नरएसु नेरइए इच्छइ माणुसं लोगं हव्वमागच्छित्तए, नो चेव णं संचाएइ [हव्वमागच्छित्तए ?] | तं सद्दहाहि णं पएसी ! जहा-अण्णो जीवो अण्णं सरीरं, नो तं जीवो तं सरीरं ॥ तज्जीव-तच्छरीर-पदं
७५२. तए णं से पएसी राया केसि कुमार-समणं एवं वयासी-अत्थि णं भंते ! एस पण्णओ उवमा, इमेण पुण कारणेणं नो उवागच्छइएवं खलु भंते ! मम अज्जिया होत्था, इहेव सेयवियाए नगरीए धम्मिया" 'धम्मिट्ठा धम्मक्खाई धम्माणया धम्मपलोई धम्मपलज्जणी धम्मसीलसमुयाचारा धम्मेण चेव वित्ति कप्पेमाणी समणोवासिया १. सं० पा०-हत्थच्छिण्णगं वा जाव जीवियाओ। ५. सं० पा०-सुबहं जाव उववण्णे । २. समायरउ (क, ख, ग, घ)।
६. सं० पा०-कते जाव पासणयाए। ३. पाविज्जिहिइ (घ, च)।
७. सं० पा०-धम्मिया जाव वित्ति । ४. राय० सू० ६७१ ।
८. माणा (घ)।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |