Page Text
________________
१८४
रायपसेणइयं
तज्जीव-तच्छरीर-पदं
७५०. तए णं से पएसी राया केसि कुमार-समणं एवं वयासी-जति णं भंते ! तुम्भं समणाणं णिग्गंथाणं एस सण्णा' 'एस पइण्णा एस दिट्ठी एस रुई एस हेऊ एस उवएसे एस संकप्पे एस तुला एस माणे एस पमाणे एस' समोसरणे, जहा -- अण्णो जीवो अण्णं सरीरं, णो 'तं जीवो" तं सरीरं- एवं खलु ममं अज्जए होत्था, इहेव सेयवियाए णगरीए अधम्मिए जाव' सयस्स वि य णं जणवयस्स नो सम्मं करभरवित्ति पवत्तेति से णं तब्भं वत्तव्वयाए सुबहं पावकम्म कलिकलूसं समज्जिणित्ता कालमासे कालं किच्चा अण्णय रेसु नरएस णेरइयत्ताए उववण्णे । तस्स णं अज्जगस्स अहं णत्तुए होत्था-इठे कंते पिए मणुण्णे मणामे थेज्जे वेसासिए सम्मए बहुमए अणुमए रयणकरंडगसमाणे जीविउस्सविए हिययणंदिजणणे उंबरपुप्फ पिव दुल्लभे सवणयाए, किमंग पुण पासणयाए ? तं जति णं से अज्जए ममं आगंतुं वएज्जा-एवं खलु नत्तुया ! अहं तव अज्जए होत्था, इहेव सेयवियाए नयरीए अधम्मिए जाव नो सम्मं करभरवित्ति पवत्तेमि । तए णं अहं सुबहुं पावकम्मं कलिकलुसं समज्जिणित्ता [कालमासे कालं किच्चा अण्णय रेसु ?] नरएसु [णेरइयत्ताए ?] उववण्णे तं मा णं नत्तुया ! तुम पि भवाहि अधम्मिए जाव नो सम्म करभरवित्ति पवत्तेहि । मा णं तुमं पि एवं चेव सुबहुं पावकम्मं 'कलिकलुसं समज्जिणित्ता कालमासे कालं किच्चा अण्णय रेसु नरएसु णेरइयत्ताए° उववज्जिहिसि । तं जइ णं से अज्जए ममं आगंतुं वएज्जा तो णं अहं सद्दहेज्जा पत्तिएज्जा रोएज्जा' जहा अण्णो जीवो अण्णं सरीरं, णो तं जीवो तं सरीरं।
जम्हा णं से अज्जए ममं आगंतुं नो एवं वयासी, तम्हा सुपइट्ठिया मम पइण्णा' समणाउसो ! जहा तज्जीवो तं सरीरं ।। जीव-सरीर-अण्णत्त-पदं
७५१. तए णं से केसी कुमार-समणे पएसि रायं एवं वयासी-अत्थि णं पएसी ! तव सूरियकता णामं देवी ? हंता अस्थि । जइ णं तुम पएसी तं सूरियकंतं देविं हायं कयबलिकम्म कयकोउयमंगलपायच्छित्तं सव्वालंकारभूसियं केणइ पुरिसेणं ण्हाएणं 'कयबलिकम्मेणं कयकोउयमंगलपायच्छित्तेणं सव्वालंकारभूसिएणं सद्धि इठे सद्द-फरिस-रस-रूवगंधे पंच विहे माणुस्सते कामभोगे पच्चणुब्भवमाणि पासिज्जासि, तस्स णं तुमं पएसी ! पुरिसस्स क डडं निव्वत्तेज्जासि ? अहं णं भंते ! तं पुरिसं हत्थच्छिण्णगं वा पायच्छिण्णगं वा सूलाइगं वा सूलभिण्णगं वा एगाहच्चं कूडाहच्चं जीवियाओ ववरोवएज्जा। ___'अह णं"पएसी से पुरिसे तुम एवं वदेज्जा—मा ताव मे सामी! मुहुत्तागं" हत्थच्छि१. सं० पा०--एस सण्णा जाव समोसरणे । ६. पन्ना (क, ख, ग, घ, च)। २. तज्जीवो (क, ख, ग, घ, च) ।
७. विभूसियं (छ)। ३. राय० सू० ६७१।
८. सं० पा०-हाएणं जाव सव्वालंकारभूसिएणं । ४. सं० पा०-पावकम्मं जाव उववज्जिहिसि । ६. अहण्णं (क, ख, ग, घ, च, छ) । ५. रोवएज्जा (क, ख, ग, घ, च, छ)। १०. मुहत्तगं (छ)।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |