Page Text
________________
सि-कहाण
१८३
७४१. से किं तं उग्गहे ? उग्गहे दुविहे पण्णत्ते, जहा नंदीए जाव' से तं धारणा । तं आभिणिबोहियाणे ||
७४२. से किं तं सुयणाणं ? सुयणाणं दुविहं पण्णत्तं तं जहा - अंगपविट्ठ च अंगबाहिरगं च सव्वं भाणियव्वं जाव' दिट्टिवाओ ।।
७४३. से किं तं ओहिणाणं ? ओहिणाणं दुविहं पण्णत्तं तं जहा - भवपच्चइयं च, खओवसमियं च जहा नंदीए ॥
७४४. " से किं तं मणपज्जवणाणे ? मणपज्जवणाणे दुविहे पण्णत्ते, तं जहाउज्जुमईयविउलमई य' ॥
७४५. " से किं तं केवलणाणं ? केवलणाणं दुविहं पण्णत्तं तं जहा - भवत्थकेवलगाणं च सिद्ध केवलणाणं च ।
७४६. तत्थ णं जेसे आभिणिबोहियणाणे, से णं ममं अस्थि । तत्थ णं जेसे सुयणाणे, सेविय ममं अस्थि । तत्थ णं जेसे ओहिणाणे, से वि य ममं अस्थि । तत्थ णं जेसे मणपज्जवणाणे, सेवि य ममं अस्थि । तत्थ णं जेसे केवलणाणे, से णं ममं नत्थि, से णं अरहंताणं भगवंताणं । इच्चेएणं पएसी ! अहं तव चउव्विहेणं छाउमत्थि एणं णाणेणं इमेयारूवं अज्झत्थियं' चितियं पत्थियं मणोगयं संकप्पं समुप्पण्णं जाणामि पासामि ||
७४७. तणं से एसी राया केसि कुमार - समणं एवं वयासी - अह णं भंते ! इहं उवविसामि ? पएसी ! साए उज्जाणभूमीए तुमं सि चेव जाणए ।
जीव- सरीर अण्णत्त-पदं
७४८. तए णं से पएसी राया चित्तेणं सारहिणा सद्धि केसिस्स कुमार-समणस्स अदूरसामंते उवविसइ, केसि कुमार-समणं एवं वयासी - तुब्भं णं भंते ! समणाणं णिग्गंथाणं एस" सण्णा एस पइण्णा" एस दिट्ठी एस रुई एस हेऊ एस उवएसे एस संकप्पे एस तुला एस माणे 'एस पमाणे एस समोसरणे, जहा - अण्णो जीवो अण्णं सरीरं, णो तं जीवो तं सरीरं ? ॥
११२
७४६. तए णं केसी कुमार-समणे पएस रायं एवं वयासी - पएसी ! अम्हं समणाणं णिग्गंथाणं एस सण्णा" एस पइण्णा एस दिट्ठी एस रुई एस हेऊ एस उवएसे एस संक एस तुला एस माणे एस पमाणे एस समोसरणे, जहा - अण्णो जीवो अण्णं सरीरं, णो 'तं जीवो" तं सरीरं ॥
१. नंदी सू० ४०-४६ ।
२. नंदी सू० ७३-१२६ ।
३. सं० पा०-- ओहिणाणं भवपच्चइयं खओवस
मियं ।
४. नंदी सू० ७-२२ ।
५. सं० पा० - मणपज्जवणाणे ।
६. नंदी सू० २३-२५ ।
७. सं० पा० तहेव केवलणाणं सव्वं भाणियव्वं ।
Jain Education International
८. नंदी सू० २७-३३ ।
६. सं० पा० – अज्झत्थियं जाव समुप्पण्णं । १०. एसा (छ) ।
११. पण्णा (क, ख, ग, घ, च, छ) ।
१२. x ( क, ख, ग, घ, च) ।
१३. सं० पा० - एस सण्णा जाव एस समोसरणे ।
१४. तज्जीवो (क, ख, ग, घ, च) ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |