Page Text
________________
रायपसेणइथं
पासवच्चिज्जे केसी नाम कुमार-समणे जातिसंपण्णे जाव' चउणाणोवगए 'अहोऽवहिए जीवि ॥
७३४. तए णं से पएसी राया चित्तं सारहिं एवं वयासी - 'अहोऽवहियं णं" वयासि चित्ता ! अण्णजीवियं णं वयासि चित्ता ! हंता सामी ! अहोऽवहियं णं वयामि, अण्णजीवियं णं वयामि ॥
१८२
७३५. अभिगमणिज्जेणं चित्ता ! एस पुरिसे ? हंता सामी ! अभिगमणिज्जे । अभिगच्छामो णं चित्ता ! अम्हे एवं पुरिसं ? हंता सामी ! अभिगच्छामो ॥ पएस - केसि - पदं
७३६. तए णं से पएसी राया चित्तेण सारहिणा सद्धि जेणेव केसी कुमार-समणे तेणेव उवागच्छइ, केसिस्स कुमार-समणस्स अदूरसामंते ठिच्चा एवं वयासी- तुब्भेणं भंते ! अहोऽवहिया अण्णजीविया ?
७३७. तए णं केसी कुमार-समणे पएसि रायं एवं वयासी - पएसी ! से जहाणामए अंकवाणिया इ वा संखवाणिया इ वा सुंकं भंसेउकामा णो सम्मं पंथं पुच्छति । एवामेव पसी ! तुमं विविणयं भंसेउकामो नो सम्मं पुच्छसि । से णूणं तव पएसी ! ममं पासिता अयमेयारूवे अज्झत्थिए ' 'चितिए पत्थिए मणोगए संकप्पे समुप्पज्जित्था - जड्डा खलु भो ! जडुं पज्जुवासंति" । "मुंडा खलु भो ! मुंडं पज्जुवासंति । मूढा खलु भो ! मूढं पज्जुवासंति | अपंडिया खलु भो ! अपंडियं पज्जुवासंति । निव्विण्णाणा खलु भो ! निव्विण्णाणं पज्जुवासंति से केस णं एस पुरिसे जड्डे मुंडे मूढे अपंडिए निव्विण्णाणे, सिरीए हिरीए उवगए, उत्तप्पसरीरे ? एस णं पुरिसे किमाहारमाहारेइ ? कि परिणामेइ ? कि खाइ ? कि पियइ ? कि दलयइ ? कि पयच्छइ ? जे णं एमहालियाए मणुस्सपरिसाए महया - मया सद्देणं बूया । साए वि णं उज्जाणभूमीए नो संचामि सम्मं कामं परि । सेणू पएसी ! अत्थे समत्थे ? हंता ! अस्थि ||
७३८. तए णं से पएसी राया केसि कुमार-समणं एवं वयासी - से केस णं भंते ! तुझं नाणे वा दंसणे वा, जेणं' तुब्भं मम एयारूवं अज्झत्थियं चितियं पत्थियं मणोगयं° संकप्पं समुप्पण्णं जाणह पासह ?
७३६. तए णं केसी कुमार- समणे पएसिं रायं एवं वयासी - एवं खलु पएसी ! अम्हं समणाणं निग्गंथाणं पंचविहे णाणे पण्णत्ते, तं जहा - आभिणिबोहियणाणे सुययाणे ओहिणाणे मणपज्जवणाणे केवलणाणे ||
७४०. से कि तं आभिणिवोहियणाणे ? आभिणिवोहियणाणे चउव्विहे पण्णत्ते, तं जहा - उग्गहो ईहा अवाए धारणा ||
१. राय० सू० ६८६ ।
२. अहोहिए अण्णं जीवे (क, ख, ग ) ; अहोहिए अण्णजीवी
३. अहोहि अण्णं (क, ख, ग, घ ) ।
४. अहोहि (क, ख, ग, घ ) ।
Jain Education International
५. भंजेउ' (क, ख, ग, घ, च, छ ) ।
६. सं० पा० - अज्झत्थिए जाव समुप्पज्जित्था । ७. सं० पा० - पज्जुवासंति जाव पवियरित्तए ।
८. जंणं (घ) । ६. सं० पा०
For Private & Personal Use Only
अज्झत्थियं जाव संकप्पं ।
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |