SearchBrowseAboutContactDonate
Page Preview
Page 243
Loading...
Download File
Download File
Page Text
________________ १६६ रायसेइयं वासेहि पायरासेहिं नाइविकिट्ठेहि अंतरा वासेहि वसमाणे वसमाणे केयइ- अद्धस्स' जणवयस्स मज्झंमज्झेणं जेणेव कुणालाजणवए जेणेव सावत्थी नयरी तेणेव उवागच्छइ, सावत्थीए नयरीए मज्झमज्झेणं अणुपविसइ, जेणेव जियसत्तुस्स रण्णो गिहे जेणेव बाहिरिया उवट्ठाणसाला तेणेव उवागच्छइ, तुरए निगिण्हइ, रहं ठवेति, रहाओ पच्चो रुहइ, तं महत्थं' 'महग्घं महरिहं विउलं रायारिहं पाहुडं गिण्हइ, जेणेव अभितरिया उवट्ठाण - साला जेणेव जियसत्तू राया तेणेव उवागच्छइ, जियसत्तु रायं करयलपरिग्गहियं' 'दसणहं सिरसावत्तं मत्थए अंजलि कट्टु जएणं विजएणं वद्धावेइ, तं महत्थं महग्घं महरिहं विउलं रायारिहं पाहुडं उवणेइ || ६८४. तए णं से जियसत्तू राया चित्तस्स सारहिस्स तं महत्थं 'महग्घं महरिहं विउलं रायारिहं पाहुडं पडिच्छइ', चित्तं सारहि सक्कारेइ सम्माणेइ पडिविसज्जेइ, रायमग्गमोगाढं च से आवासं दलयइ | चित्तस्स आवास-पदं ६८५. तसे चित्ते सारही विसज्जिते समाणे जियसत्तुस्स रण्णो अंतियाओ पक्खिम, जेणेव बाहिरिया उवद्वाणसाला जेणेव 'चाउग्घंटे आस रहे" तेणेव उवागच्छइ, चाउघंटं आसरहं दुरुहइ, सार्वात्थ नगर मज्झमज्झेणं जेणेव रायमग्गमोगाढे आवासे तेणेव उवागच्छइ, तुरए निगिण्हइ, रहं ठवेइ, रहाओ पच्चोरुहइ, पहाए कयबलिकम्मे कयकोउयमंगल-पायच्छत्ते सुद्धप्पावेसाई मंगल्लाई वत्थाई पवरपरिहिते अप्पमहग्घाभरणालं किए जिमियत्तत्तरागए वि य णं समाणे पुव्वावरण्हकालसमयंसि गंधव्वेहि य णाडगेहि य उवनच्चिज्जमाणे उवगाइज्जमाणे उवलालिज्जमाणे इट्ठे सद्द-फरिस - रस- रूव-गंधे पंचविहे माणुस्सर कामभोए पच्चणुभवमाणे विहरइ || केस - आगमण-पदं ६८६. तेणं कालेणं तेणं समएणं पासावच्चिज्जे केसी नाम कुमार-समणे जातिसंपण्णे कुलसंपण्णे वलसंपण्णे रूवसंपण्णे विणयसंपण्णे नाणसंपण्णे दंसण संपण्णे चरित्तसंपण्णे लज्जासंपणे लाघवसंपणे ओयंसी तेयंसी बच्चंसी' जसंसी" जियकोहे जियमाणे जियमाए जियलोहे जियणि जितिदिए जियपरीसहे जीवियासमरणभयविप्पमुक्के तवप्पहाणे" गुणप्पहाणे करणप्पहाणे चरणप्पहाणे निगहप्पहाणे निच्छयप्पहाणे" अज्जवप्पहाणे महा लाघव पहाणे खंतिप्पहाणे गुत्तिप्पहाणे " मुत्तिप्पहाणे विज्जप्पहाणे मंतप्पहाणे बंभप्पहाणे १. अद्धाए (क, ख, ग, घ, च, छ) । २. सं० पा० - महत्थं जाव पाहुडं । ३. सं० पा० - करयलपरिग्गहियं जाव कट्टु | ४. सं० पा० - महत्थं जाव पाहुडं । ५. सं० पा० - महत्थं जाव पाहुडं । ६. पिच्छइ (क, ख, ग, घ, च, छ) । ७. X ( क, ख, ग, घ, च, छ) । Jain Education International ८. चाउघंटं आसरहं (क, ख, ग, घ, च, छ) । ६. वच्चसि सोहग्गंसि (छ) । १०. जस्संसि बासि (क, ख, ग, घ, च, छ ) 1 ११. वयप्पहाणे ( क, ख, ग, घ, च, छ) । १२. x ( क, ख, ग, घ, च, छ) । १३. x (क, ख, ग, घ, च) । For Private & Personal Use Only www.jainelibrary.org
SR No.003554
Book TitleUvangsuttani Part 04 - Ovayiam Raipaseniyam Jivajivabhigame
Original Sutra AuthorN/A
AuthorTulsi Acharya, Mahapragna Acharya
PublisherJain Vishva Bharati
Publication Year1987
Total Pages854
LanguagePrakrit
ClassificationBook_Devnagari, Agam, & Canon
File Size17 MB
Copyright © Jain Education International. All rights reserved. | Privacy Policy