Page Text
________________
पएसि-कहाणगं
१६५
चित्ता ! तुमं सावत्थि नगरिं जियसत्तुस्स रण्णो इमं महत्थं' 'महग्घं महरिहं विउलं रायारिहं पाहुडं उवणेहि', जाई तत्थ रायकज्जाणि य रायकिच्चाणि य रायणीईओ य रायववहारा' य ताई जियसत्तुणा सद्धि सयमेव पच्चुवेक्खमाणे विहराहि त्ति कटु विसज्जिए॥
६८१. तए णं से चित्ते सारही पएसिणा रण्णा एवं वृत्ते समाणे हट्ट 'तुटु-चित्तमाणंदिए पीइमणे परमसोमणस्सिए हरिसवस-विसप्पमाणहियए करयलपरिग्गहियं दसणहं सिरसावत्तं मत्थए अंजलि कटु एवं सामी ! तहत्ति आणाए विणएणं वयणं पडिसुणेइ°, पडिसुणेत्ता तं महत्थं 'महग्धं महरिहं विउलं रायारिहं° पाहुडं गेण्हइ, गेण्हित्ता पएसिस्स रण्णो अंतियाओ पडिणिक्खमइ, पडिणिक्ख मित्ता सेयवियं नगरि मज्झमज्झेणं जेणेव सए गिहे तेणेव उवागच्छति, उवागच्छित्ता तं महत्थं महग्धं महरिहं विउलं रायारिहं° पाहुडं ठवेइ, ठवेत्ता कोडुंबियपुरिसे सद्दावेइ, सद्दावेत्ता एवं वयासी-खिप्पामेव भो! देवाणप्पिया ! सच्छत्तं 'सज्झयं सघंटे सपडागं सतोरणवरं सनंदिघोसं सखिखिणि-हेमजालपरिखित्तं हेमवय-चित्त-विचित्त-तिणिस-कणगणिज्जुत्तदारुयायं सुसंपिणद्धारकमंडलधुरागं कालायससूकयणमिजतकम्म आइण्णवरतुरगसूसंपउत्तं कुसलणरच्छेयसारहिसूसंपरिग्गहियं सरसयबत्तीसतोणपरिमंडियं सकंकडावयंसगं सचाव-सर-पहरण-आवरण-भरियजोहजुज्झसज्ज° चाउग्घंटं आसरहं जुत्तामेव उवट्ठवेह', 'उवट्ठवेत्ता एयमाणत्तियं पच्चप्पिणह ॥
६८२. तए णं ते कोडंबियपुरिसा तहेव पडिसुणित्ता खिप्पामेव सच्छत्तं जाव जुद्धसज्ज चाउग्घंटं आसरहं जुत्तामेव उवट्ठवेंति, उवट्ठवेत्ता तमाणत्तियं पच्चप्पिणंति ॥
६८३. तए णं से चित्ते सारही कोडुबियपुरिसाणं अंतिए एयम→ सोच्चा निसम्म हट्टतुट-चित्तमाणंदिए पीइमणे परमसोमणस्सिए हरिसवस-विसप्पमाण° हियए हाए कयबलिकम्मे कयकोउय-मंगलपायच्छित्ते सण्णद्ध-बद्ध-वम्मियकवए उप्पीलिय-सरासणपट्टिए पिणद्धगेविज्जविमल -वरचिंधपट्टे गहियाउहपहरणे तं महत्थं 'महग्धं महरिहं विउलं रायारिह पाहुडं गेण्हइ, गेण्हित्ता जेणेव चाउग्घंटे आसरहे तेणेव उवागच्छइ, उवागच्छित्ता चाउग्घंट आसरहं दुरुहेति, दुरुहेत्ता बहुहिं पुरिसेहि सण्णद्ध २- बद्ध-वम्मियकवए उप्पीलियसरासणपट्टिए पिणद्धगेविज्जविमल-वरचिंधपट्टे गहियाउहपहरणेहिं सद्धि संपरिवुडे सकोरेंटमल्लदामेणं छत्तेणं धरेज्जमाणेणं-धरेज्जमाणेणं महया भड-चडगर-रहपहकरविदपरिक्खित्ते साओ गिहाओ णिग्गच्छइ, सेयवियं नगरि मज्झमज्झेणं णिग्गच्छइ, सुहेहि
१. सं० पा०--महत्थं जाव पाहुडं । २. अवणेहि (क,ख,ग,घ,च,छ)। ३. ववहारा (क,ख,ग,घ,च,छ) । ४. सं० पा०-हट्ठ जाव पडिसुणेत्ता । ५. सं० पा०-महत्थं जाव पाहुडं । ६. सं० पा० ---महत्थं जाव पाहुडं । ७. सं० पा०-सच्छत्तं जाव चाउग्घंट।
८. सं० पा०-उवट्टवेह जाव पच्चप्पिणह । ६. सं० पा०-एयमझें जाव हियए । १०. सनद्धगेविज्जबद्धआबद्धविमल (क, ख, ग, घ,
च, छ)। ११. सं० पा०-महत्थं जाव पाहुडं । १२. सं० पा०--सण्णद्ध जाव गहियाउहपहरणेहिं । १३. पंडुपरि० (क, ख, ग, च, छ) ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |