________________
१६४
रायपसेणइयं
६७४. से णं सुरियकते कुमारे जुवराया वि होत्था। पएसिस्स रण्णो रज्ज च रट्टं च बलं च वाहणं च 'कोसं च" कोद्वारं च पुरं च अंतेउरं च' सयमेव पच्चुवेक्खमाणेपच्चुवेक्खमाणे विहरइ॥ चित्त-सारहि-पदं
६७५. तस्स णं पएसिस्स रण्णो जेठे भाउय-वयंसए चित्ते णाम सारही होत्था - अड्ढे 'दित्ते वित्ते विच्छिण्ण-विउल-भवण-सयणासण-जाण-वाहणाइण्णे° बहुजणस्स अपरिभूए साम-दंड-भेय-उवप्पयाण-अत्थसत्थ-ईहामइविसारए, उप्पत्तियाए वेणतियाए कम्मयाए पारिणामियाए- चउव्विहाए बुद्धीए उववेए, पएसिस्स रण्णो बहुसु कज्जेसु य कारणेसु य कुडुंबेसु य मंतेसु य" 'रहस्सेसु य गुज्झेसु य सावत्थीरहस्सेसु य निच्छएसु य' ववहारेसु य आपुच्छणिज्जे पडिपुच्छणिज्जे" मेढी पमाणं आहारे आलंबणं चक्खू, मेढिभूए पमाणभूए आहारभूए आलंबणभूए चक्खुभूए, सव्वट्ठाण -सव्वभूमियासु लद्धपच्चए' विदिण्णविचारे रज्जधराचिंतए आवि होत्था । कुणाला-पदं
६७६. तेणं कालेणं तेणं समएणं कुणाला नामं जणवए होत्था-रिद्ध-स्थिमियसमिद्धे" 'पासादीए दरिसणिज्जे अभिरूवे पडिरूवे ॥ सावत्थी-पदं
६७७. तत्थ णं कुणालाए जणवए सावत्थी नामं नयरी होत्था-रिद्ध-स्थिमियसमिद्धा जाव पडिरूवा॥ कोठ्य-पदं
६८. तसे णं सावत्थीए नयरीए बहिया उत्तरपुरथिमे दिसीभाए कोढुए नामं चेइए होत्था-पोराणे" जाव" पासादीए । जियसत्तु-पदं
६७६. तत्थ णं सावत्थीए नयरीए पएसिस्स रण्णो अंतेवासी जियसत्तू नाम राया होत्था-महयाहिमवंत-महंत-मलय-मंदर-महिंदसारे जाव रज्जं पसासेमाणे विहरइ॥ पाहुड-उवणयण-पदं
६८०. तए णं से पएसी राया अण्णया कयाइ महत्थं महग्यं महरिहं विउलं रायारिहं पाहुडं सज्जावेइ, सज्जावेत्ता चित्तं सारहिं सद्दावेइ, सद्दावेत्ता एवं वयासी-गच्छ णं १. ४ (क, ख, ग, घ, च)।
६. लद्धओवलद्धपच्चए (छ)। २. कोट्ठागारं (छ)।
१०. कुणाल (क,ख,ग,घ,च)। ३. च जणवयं च (क, ख, ग, घ, च, छ) । ११. सं० पा०-- समिद्धे । ४. सं० पा०–अड्ढे जाव बहुजणस्स । १२. ओ० सू०१। ५. ४ (क, ख, ग, घ, च, छ)।
१३. अत्र 'चिराइए' स्थाने 'पोराणे' पाठः प्रतीयते । ६. गुज्झेसु य रहस्सेसु य निच्छएसु य (वृ)। १४. ओ० सू० २-७ । ७. ४ (क, ख, ग, घ, च, छ)।
१५. राय० सू० ६७१। ८. सव्वट्ठा (क, ख, ग, घ, छ)।
Jain Education International
For Private & Personal Use Only
www.jainelibrary.org
