Page Text
________________
६७
सूरियाभो
त्थमेणं, एत्थ णं सूरियाभस्स देवस्स चउण्हं सामाणियसाहस्सीणं चत्तारि भद्दास साह - सीओ विउव्वइ ||
४२. तस्स णं सीहासणस्स पुरत्थिमेणं, एत्थ णं सूरियाभस्स देवस्स चउण्हं अग्गमहिसी सपरिवाराणं चत्तारि भद्दासणसाहस्सीओ विउव्वइ ॥
४३. तस्स णं सीहासणस्स दाहिणपुरत्थिमेणं, एत्थ णं सूरियाभस्स देवस्स अभितरपरिसाए अट्टहं देवसाहस्सीणं अट्ठ भद्दासणसाहस्सीओ विउव्वइ । एवं - दाहिणेणं मज्झिमपरिसाए दसहं देवसाहस्सीणं दस भद्दा सणसाहस्सीओ विउव्वति । दाहिणपच्चत्थिhi बाहिरपरिसाए बारसहं देवसाहस्सीणं वारस भद्दासणसाहस्सीओ विउव्वति । पच्चत्थिhi सत्तहं अणियाहिवतीणं सत्त भद्दासणे विउव्वति ॥
४४. तस्स णं सीहासणस्स चउदिसिं, एत्थ णं सूरियाभस्स देवस्स सोलसण्हं आयरक्खदेवसाहस्सीणं सोलस भद्दासणसाहस्सीओ विउव्वति, तं जहा - पुरत्थिमेणं चत्तारि साहसीओ, दाहिणेणं चत्तारि साहस्सीओ, पच्चत्थिमेणं चत्तारि साहस्सीओ, उत्तरेणं चत्तारि साहस्सीओ ॥
जाणविमाण- विउठवणस्स निगमण-पदं
४५. तस्स दिव्वस्स जाणविमाणस्स इमेयारूवे वण्णावासे पण्णत्ते से जहानामए - अरुग्गयस्स वा हेमंतयबालियसूरियस्स', खयरिंगालाण वा रति पज्जलियाणं, जवाकुसुमवणस्स' वा केसुयवणस्स वा पारियायवणस्स वा सव्वतो समंता संकुसुमियस्स भवे एयारूवे सिया ? णो इणट्ठे समट्ठे । तस्स णं दिव्वस्स जाणविमाणस्स एत्तो इतराए चेव" "कंततराए चेव पियतराए चेव मणुण्णतराए चेव मणामतराए चेव° वण्णे पण्णत्ते । गंध य फासो य जहा ' मणीणं ॥
४६. तए गं से आभियोगिए देवे दिव्वं जाणविमाणं विउव्वइ, विउव्वित्ता जेणेव सूरिया देवे तेणेव उवागच्छइ, उवागच्छित्ता सूरियाभं देवं करयलपरिग्गहियं" "दसणहं सिरसावत्तं मत्थए अंजलि कट्टु जएणं विजएणं वद्भावेति वद्धावेत्ता तमाणत्तियं पच्चष्पिणति || जाणविमाणारोहण-पदं
४७. तणं से सूरिया देवे आभियोगस्स देवस्स अंतिए एयमट्ठे सोच्चा निसम्म हट्ट" "तु चित्तमाणं दिए पी मणे परमसोमणस्सिए हरिसवस - विसप्पमाण° हियए दिव्वं जिणिदाभिगमणजोगं उत्तरवेउव्वियख्वं विउव्वति, विउव्वित्ता चउहिं अग्गमहिसीहि सपरिवाराहिं, दोहिं अणिएहि, तं जहा - गंधव्वाणिएण य णट्टाणिएण य सद्धि संपरिवुडे तं दिव्वं जाणविमाणं अणुपयाहिणीकरेमाणे पुरत्थिमिल्लेणं तिसोमाणपडिरूवएणं दुरुहति, १. बालसूरियस (छ) ।
२. जासुमणस्स (क, ख, ग, घ, च) ; जावसुमणस्स (छ) ।
३. इणमट्ठे (क, ख, ग, घ, च) ।
४. सं० पा० – इट्ठतराए चेव जाव वण्णे ।
Jain Education International
,
५. राय० सू० ३०,३१ ।
६. सं० पा० - करयलपरिग्गहियं जाव पच्चप्पि
णति ।
७. सं० पा० - हट्ट जाव हियए ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |