Page Text
________________
ओवाइय-पयरणं
सरीरकायजोगं' जुंजइ ? गोयमा ! ओरालियसरीरकायजोगं जुंजइ, ओरालियमीसासरीरकायजोगं पि जुंजइ, णो वे उव्वियसरीरकायजोगं जुंजइ, णो वेउव्वियमीसासरीरकायजोगं जुंजइ णो आहारगसरीरकायजोगं जुजइ, णो आहारगमीसासरीरकायजोगं जुंजइ, कम्मगसरीरकायजोगं पि जुंजइ । पढमट्ठमेसु समएस ओरालियसरीरकायजोगं जुंजइ, बिइ छ- सत्तमे समएसु ओरालिमीसासरीरकायजोगं जुजइ, तइय- चउत्थ-पंचमे हि कम्मसरीरकायजोगं जुंजइ ॥
१७७. से णं भंते ! तहा समुग्धायगए 'सिज्झइ बुज्झइ मुच्चइ परिणिब्वाइ सव्वदुक्खाणमंत करेइ ? णो इणट्ठे समट्ठे । से णं तओ पडिणियत्तइ, पडिणियत्तित्ता इहमागच्छइ, आगच्छित्ता तओ पच्छा मणजोगं पि जुंजइ, वयजोगं पि जुजइ, कायजोगं पि जुंजइ ॥
१७८. मणजोगं जुंजमाणे किं सच्चमणजोगं जुंजइ ? मोसमणजोगं जुंजइ ? सच्चामोसमणजोगं जुंजइ ? असच्चामोसमणजोगं जुंजइ ? गोयमा ! सच्चमणजोगं जुंजइ, णमो समणजोगं जुंज, णो सच्चामोसमणजोगं जुंजइ, असच्चामोसमणजोगं पि जुंजइ ॥
७३
१७९. वयजोगं जुंजमाणे कि सच्चवइजोगं जुंजइ ? मोसवइजोगं जुंजइ ? सच्चामोसवइजोगं जुजइ ? असच्चामोसवइजोगं जुजइ ? गोयमा ! सच्चवइजोगं जुंजइ, णो मोसवइजोगं, जुजइ, णो सच्चामोसवइजोगं जुजइ, असच्चामोसवइजोगं पि जुंजइ ॥
१८०. कायजोगं जुंजमाणे आगच्छेज्ज वा चिट्ठेज्ज वा णिसीएज्ज वा तुयट्टेज्ज वा उल्लंघेज्ज वा पल्लंघेज्ज वा, उक्खेवणं वा अवक्खेवणं वा तिरियक्खेवणं वा करेज्जा, पाsिहारियं वा पीढ - फलग - सेज्जा - संथारगं पच्चप्पिणेज्जा ।।
जोग निरोह-पदं
१८१. से णं भंते । तहा सजोगी सिज्झइ बुज्झइ मुच्चइ परिणिव्वाइ सव्वदुक्खाण मंत करेइ' ? णो इणट्ठे समट्ठे ॥
१८२. से णं पुव्वामेव सण्णिस्स पंचिदियस्स पज्जत्तगस्स जहण्णजोगिस्स' हेट्ठा असंखेज्जगुणपरिहीणं पढमं मणजोगं निरंभइ, तयाणंतरं च णं बिंदियस्स पज्जत्तगस्स जहण्णजोगिस्स' हेट्ठा असंखेज्जगुणपरिहीणं विइयं वइजोगं निरंभ, तयानंतरं च
मस्स पण जीवस्स' अपज्जत्तगस्स जहण्णजोगिस्स" हेट्ठा असंखेज्जगुणपरिहीणं तइयं कायजोगं णिरुंभइ । से णं 'एएणं उवाएणं" पढमं मणजोगं णिरुंभइ, णिरंभित्ता वयजोगं १. कम्मसरीर° ( क ) ; कम्मासरीर° ( ख, ग ) । (ख); जहण्ण जोगस्स २. सिज्झिहि बुज्झिहिर मुच्चिहि परिनिव्वाहिइ (क, ख, ग ) ।
६. जहण्णमणजोगिस्स
(ग) ।
७. पंचिदियस ( क, ख ) ।
८. जहण्णवयजोगस्स ( ख ) । 8. पणगस्स ( क ) ।
१०. जहण्णकायजोगस्स ( ख, ग ) । ११. पउत्तेणं उवाएणं (क)
३. पक्खेवणं ( क ) ।
४. सिज्झिहिति (क, ख, ग ); सं० पा०
भइ जावत ।
५. करिहति ( क, ख ) ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |