Page Text
________________
ओवाइयं
चंदसंठाणसंठिए, एक्कं जोयणस्यसहस्सं आयामविक्खंभेणं तिण्णि जोयणसय सहस्साई सोलससहस्साइं दोण्णि य सत्तावीसे जोयणसए तिष्णि य कोसे अट्ठावीसं च धणुस तेरस य अंगुलाई अद्धंगुलियं च किचि विसेसाहिए परिक्खेवेणं पण्णत्ते । देवे णं महिड्ढीए महज्जुतीए महब्बले महाजसे महासोक्खे महाणुभावे सविलेवणं गंधसमुग्गयं गिues, गिहित्ता तं अवदालेइ, अवदालेत्ता जाव इणामेव त्ति कट्टु केवलकप्पं जंबुद्दी व दीवं तिहि अच्छरा - णिवा एहिं तिसत्तखुत्तो अणुपरियट्टित्ता णं हव्वमा गच्छेज्जा । से णूणं गोयमा ! से केवलकप्पे जंबुद्दीवे दीवे तेहि घाणपोग्गलेहिं फुडे ? हंता फुडे । छउमत्थे णं गोयमा ! मणुस्से तेसि घाणपोग्गलाणं किंचि वण्णेणं वण्णं' 'गंधेण गंध रसेणं रसं फासेणं फासं जाणइ पासइ ? भगवं ! णो इणट्ठे समट्ठे । से तेणट्ठेणं गोयमा ! एवं वुच्चइछत्थे णं मणुस्से तेसि णिज्जरा-पोग्गलाणं णो किचि वण्णेणं वण्णं 'गंधेणं गंध रसेणं रसं फासेणं फासं° जाणइ पासइ । एसुहुमा णं ते पोग्गला पण्णत्ता समणाउसो ! सव्वलोयं पियणं ते फुसित्ता णं चिट्ठति ।
१७१. कम्हाणं भंते ! केवली समोहणंति ? कम्हा णं केवली समुग्धायं गच्छति ? गोयमा ! केवलीणं चत्तारि कम्मंसा अपलिक्खीणा' भवंति तं जहा - वेयणिज्जं आउयं णाम गतं । सव्ववहुए से वेणिज्जे कम्मे भवइ, सव्वत्थोवे से आउए कम्मे भवइ, विसमं समं करेइ, बंधणेहि ठिईहि य, विसमसमकरणयाए, बंधणेहि ठिईहि य । एवं खलु केवली समोहणंति, एवं खलु केवली समुग्घायं गच्छति ॥
१७२. सव्वे वि णं भंते ! केवली समुग्धायं गच्छति ? णो इणट्ठे समट्ठे । 'अकिया ण" समुग्धायं, अणंता केवली जिणा । जर मरणविपमुक्का, ' सिद्धिं वरगई गया ॥ १ ॥
७२
१७३. कइसमए णं भंते ! आवज्जीकरणे पण्णत्ते ? गोयमा ! असंखेज्जसमइए अंतोमुहुत्तिए पण्णत्ते ॥
१७४. केवलिसमुग्धाए णं भंते ! कइसमइए पण्णत्ते ? गोयमा ! अट्ठसमइए पण्णत्ते, तं जहा --पढमे समए दंड करेइ, बीए समए कवाडं करेइ, तइए समए मंथ करेइ, उत्थे समए लोयं पूरेइ, पंचमे समए लोयं पडिसाहरइ, छट्ठे समए मंथं पडिसाहरइ, सत्तमे समए कवाडं पडिसाहरइ, अट्ठमे समए दंडं पडिसाहरइ, पंडिसाहरित्ता सरीरत्थे भवइ ॥
१७५. से णं भंते ! तहा समुग्धायगए कि मणजोगं जुंजइ ? वयजोगं जुंजइ ? कायजोगं जुंजइ ? गोयमा ! णो मणजोगं जुंजइ, णो वयजोगं जुंजइ, कायजोगं जुंजइ ॥
१७६. कायजोगं जुंजमाणे कि ओरालियसरीरकायजोगं जुंजइ ? ओरालियमीसासरीरकायजोगं' जुंजइ ? वेउव्वियसरीरकायजोगं जुजइ ? वेउब्वियमीसासरीरकायजोगं जुंजइ ? आहारगसरीरकायजोगं जुंजइ ? आहारगमीसासरीरकायजोगं जुंजइ ? कम्मग५. जाइजरामरणविप्पमुक्का ( ख, ग ) । ६. 'मीससरीर'
( ख, ग ) ;
'मिस्ससरीर'
( क्वचित् ) ।
१, २. सं० पा० - वण्णं जाव जाणइ ।
३. 'अवेइया अनिज्जिणा' त्ति क्वचिद् दृश्यते (वृ) ।
४. अकिरिया ण (ख); अकित्ता णं ( क्वचित् ) ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |