Page Text
________________
ओवाइय-पयरणं
पण्णता ? गोयमा ! वारसवाससहस्साइं ठिई पण्णत्ता। अत्थि णं भंते ! तेसि देवाणं इड्ढीइ वा जुईइ वा जसेइ वा बलेइ वा वीरिएइ वा पुरिसक्कारपरक्कमेइ वा ? हंता अत्थि । ते णं भंते ! देवा परलोगस्स आराहगा ? णो इणठे समझें ।।।
६१. से जे इमे गामागर'-'णयर-णिगम-रायहाणि-खेड-कब्बड-दोणमुह-मडंब-पट्टणासम-संवाह-सण्णिवेसेसु मणुया भवंति, तं जहा-पगइभद्दगा पगइउवसंता' पगइपतणुकोहमाणमायालोहा मिउमद्दवसंपण्णा अल्लीणा' विणीया अम्मापिउसुस्सूसगा' अम्मापिऊणं अणइक्कमणिज्जवयणा अप्पिच्छा अप्पारंभा अप्पपरिग्गहा अप्पेणं आरंभेणं अप्पेणं समारंभेण अप्पेणं आरंभसमारंभेणं वित्ति कप्पेमाणा बहूई वासाइं आउयं पालेंति, पालित्ता कालमासे कालं किच्चा अण्णयरेसु वाणमंतरेसु "देवलोएसु देवत्ताए उववत्तारो भवंति । तहिं तेसिं गई, तहिं तेसिं ठिई, तहि तेसिं उववाए पण्णत्ते । तेसि णं भंते ! देवाणं केवइयं कालं ठिई पण्णत्ता ? गोयमा ! चउद्दसवाससहस्साई ठिई पण्णत्ता । अत्थि णं भंते ! तेसिं देवाणं इड्ढीइ वा जुईइ वा जसेइ वा बलेइ वा वीरिएइ वा पुरिसक्कारपरक्कमेइ वा ? हंता अत्थि । ते णं भंते ! देवा परलोगस्स आराहगा ? णो इणठे समठे ॥
२. से जाओ इमाओ गामागर'-•णयर-णिगम-रायहाणि-खेड-कब्बड-दोणमुह-मडंबपट्टणासम-संबाह-सण्णिवेसेसु इत्थियाओ भवंति, तं जहा-अंतोअंतेउरियाओ गयपइयाओ मयपइयाओ बालविहवाओ छड्डियल्लियाओ माइरक्खियाओ पियरक्खियाओ भायरक्खियाओ" पइरक्खियाओ कुलघररक्खियाओ ससुरकुलरक्खियाओ" परूढणह-केस-कक्खरोमाओ२ ववगयपुप्फगंधमल्लालंकाराओ अण्हाणग-सेय-जल्ल-मल-पंक-परितावियाओ ववगग्र-खीर-दहि-णवणीय-सप्पि-तेल्ल-गुल-लोण-महु-मज्ज-मस-परिचत्तकयाहाराओ अप्पिच्छाओ अप्पारंभाओ अप्पपरिग्गहाओ अप्पेणं आरंभेणं अप्पेणं समारंभेणं अप्पेणं आरंभसमारंभेणं वित्ति कप्पेमाणीओ अकामबंभचेरवासेणं तामेव पइसेज्जं णाइक्कमति । ताओ णं इत्थियाओ एयारूवेणं विहारेणं विहरमाणीओ बहई वासाइं . आउयं पालेंति पालित्ता कालमासे कालं किच्चा अण्णयरेसु वाणमंतरेसु देवलोएसु देवत्ताए उववत्तारो भवंति । तहिं तेसिं गई, तहिं तेसि ठिई, तहिं तेसिं उववाए पण्णत्ते । तेसि णं भंते ! देवाणं केवइयं कालं ठिई पण्णता ? गोयमा ! चउसट्ठिवाससहस्साइं ठिई पण्णत्ता। अत्थि णं भंते ! तेसि देवाणं इड्ढीइ वा जुईइ वा जसेइ वा वलेइ वा वीरिएइ वा पुरिसक्कारपरक्कमेइ वा ? हंता अत्थि । ते णं भंते ! देवा परलोगस्स आराहगा ? णो इणठे समठे॥ १. सं० पा०-गामागर जाव सण्णिवेसेसु ।
वाससहस्साई। २. °उवसंतक्का (ग)।
६. सं० पा०-गामागर जाव सण्णिवेसेसु । ३. पगइतणु (क, ग)।
१०. भातिरक्खियाओ (क)। ४. आलीणा (वृ); भद्दगा (वृपा) ।
११. 'मित्तनाइनिययसंबंधिरक्खियाओ' त्ति क्वचित ५. अम्मापिउण' (ख); अम्मापिऊण" (ग)। ६. अम्मापिईणं (क, ख, ग)।
१२. मंसुरोमाओ (वृपा)। ७. बहु (क)।
१३. सं० पा०--सेसं तं चेव जाव चउसट्ठिवास८.सं० पा०-तं चेव सव्वं णवरं चउद्दस- सहस्साई ठिई पण्णत्ता।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |