Page Text
________________
५२
ओवाइयं
रइय-उववाय-पदं
८७. जीवे णं भंते ! असंजए' 'अविरए अप्पडिहयपच्चक्खायपावकम्मे सकिरिए असंवडे एगंतदंडे एगंतबाले° एगंतसुत्ते उस्सण्णं' तसपाणघाई कालमासे कालं किच्चा णेरइएसु उववज्जइ ? हंता उववज्जइ ।। वाणमंतर-उववाय-पदं
८८. जीवे णं भंते ! असंजए अविरए अप्पडियपच्चक्खायपावकम्मे इओ चुए पेच्च' देवे सिया ? गोयमा ! अत्थेगइया देवे सिया, अत्थेगइया णो देवे सिया ।।
८६. से केणठे भंते ! एवं वुच्चइ-अत्थेगइया देवे सिया ? अत्थेगइया णो देवे सिया ? गोयमा ! जे इमे जीवा गामागर-णयर-णिगम-गयहाणि-खेड-कब्बड-दोणमुहमडब-पट्टणासम-संबाह - सण्णिवेसेसु अकामतण्हाए अकामछुहाए अकामबंभचेरवासेणं अकामअण्हाणग-सीयायव-दंसमसग-सेय-जल्ल-मल'-पंक-परितावेणं अप्पतरो वा भुज्जतरो वा कालं अप्पाणं परिकिलेसंति, परिकिलेसित्ता कालमासे कालं किच्चा अण्णयरेसु वाणमंतरेसु देवलोएस देवत्ताए उववत्तारो भवंति। तहि तेसिं गई, तहि तेसिं ठिई, तहिं तेसिं उववाए पण्णत्ते । तेसि णं भंते ! देवाणं केवइयं कालं ठिई पण्णत्ता ? गोयमा ! दसवाससहस्साइंठिई पण्णत्ता। अत्थि णं भंते ! तेसिं देवाणं इडढीइ वा जुईइ वा 'जसेइ वा' बलेइ वा वीरिएइ वा पुरिसक्कारपरक्कमेइ वा ? हंता अत्थि । ते णं भंते ! देवा परलोगस्स आराहगा ? णो इणठे समठे ।।।
६०. से जे इमे गामागर-णयर-णिगम-रायहाणि-खेड-कब्बड-दोणमुह-मडब-पट्टणासमसंबाह-सण्णिवेसेसु मणुया भवंति, तं जहा-अंडुबद्धगा णियलबद्धगा हडिबद्धगा चारगबद्धगा हत्थछिण्णगा पायछिण्णगा कण्णछिण्णगा नक्कछिण्णगा ओट्ठछिण्णगा जिब्भछिण्णगा सीसछिण्णगा मुखछिण्णगा मज्झछिण्णगा वइकच्छछिण्णगा हियउप्पाडियगा णयणुप्पाडियगा दसणुप्पाडियगा वसणुप्पाडियगा तंदुलछिण्णगा कागणिमंसक्खावियगा ओलंबियगा लंबियगा पंसियगा घोलियगा फालियगा पीलियगा सूलाइयगा सूल भिण्णगा खारवत्तिया वज्झवत्तिया सीहपुच्छियगा दवग्गिदड्ढगा पंकोसण्णगा पंके खुत्तगा वलयमयगा वसट्टमयगा णियाणमयगा अंतोसल्लमयगा गिरिपडियगा तरुपडियगा मरुपडियगा गिरिपक्खंदोलगा तरुपक्खंदोलगा मरुपक्खंदोलगा जलपवेसी जलणपवेसी विसभक्खियगा सत्थोवाडियगा वेहाणसिया गेद्धपट्ठगा कतारमयगा दुब्भिक्खमयगा असंफिलिट्ठपरिणामा ते" कालमासे कालं किच्चा अण्णयरेसु वाणमंतरेसु देवलोएस देवत्ताए उववत्तारो भवंति । तहिं तेसिं गई, तहि तेसि ठिई, तहिं तेसिं उववाए पण्णत्ते। तेसि णं भंते ! देवाणं केवइयं कालं ठिई १. सं० पा०-असंजए जाव एगंतसुत्ते । ७. फोडियगा (ग)। २. ओसण्णं (ग)।
८. x (वृ); पीलियगा (वृपा)। ३. पेच्चा (क); पच्छा (ख)।
६. मरुपडियगा भरपडियगा (ग, वृपा)। ४. मल्ल (क, ख, ग)।
१०. ४ (क, ख)। ५. तेहिं (ख, ग, वृ)।
११. तं (ख)। ६. जसे इ वा उट्ठाणेइ वा कम्मे इ वा (वृपा) ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |