________________
ओवाइय-पयरणं
गोयम-वण्णग-पदं
८२. तेणं कालेणं तेणं समएणं समणस्स भगवओ महावीरस्स जेठे अंतेवासी इंदभूई णाम अणगारे 'गोयमे गोत्तेणं" सत्तुस्सेहे समचउरंससंठाणसंठिए वइररिसहणारायसंघयणे कणग-पलग-णिघस-पम्द्र-गोरे उगतवे दित्ततवे तत्ततवे महातवे ओराले घोरे घोरगुणे घोरतवस्सी घोरबंभचेरवासी उच्छृढसरीरे संखित्तविउलतेयलेस्से' समणस्स भगवओ महावीरस्स अदूरसामंते उड्ढेजाणू अहोसिरे झाणकोट्ठोवगए संजमेणं तवसा अप्पाणं भावेमाणे विहरइ ॥
८३. तए णं से भगवं गोयमे जायसड्ढे जायसंसए जायकोऊहल्ले, उप्पण्णसड्ढे उप्पण्णसंसए उप्पण्णकोऊहल्ले, संजायसड्ढे संजायसंसए संजायकोऊहल्ले, समुप्पण्णसड्ढे समुप्पण्णसंसए समुप्पण्णकोऊहल्ले उट्ठाए उठेइ, उठेत्ता जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो आयाहिण-पयाहिणं करेइ, करेत्ता वंदइ णमंसइ, वंदित्ता णमंसित्ता नच्चासण्णे नाइदूरे सुस्सूसमाणे णमंसमाणे अभिमुहे विणएणं पंजलिउडे पज्जुवासमाणे एवं वयासीकम्मबंध-पदं __८४. जीवे णं भंते ! असंजए' अविरए अप्पडिहयपच्चक्खायपावकम्मे सकिरिए असंवुडे एगंतदंडे एगंतवाले एगंतसुत्ते पावकम्म अण्हाइ ? हंता अण्हाइ॥
८५. जीवे णं भंते ! असंजए' 'अविरए अप्पडिहयपच्चक्खायपावकम्मे सकिरिए असंवुडे एगंतदंडे एगंतबाले एगंतसुत्ते मोहणिज्जं पावकम्म अण्हाइ ? हंता अण्हाइ॥
८६. जीवे णं भंते ! मोहणिज्ज कम्मं वेदेमाणे किं मोहणिज्ज कम्मं बंधइ ? वेयणिज्जं कम्मं बंधइ ? गोयमा ! मोहणिज्जं पि कम्मं बंधइ, वेयणिज्जं पि कम्मं बंधइ, णण्णत्थ चरिममोहणिज्जं कम्मं वेदेमाणे वेयणिज्ज कम्मं बंधइ, णो मोहणिज्जं कम्म बंधइ॥ १. गोयमसगोत्ते णं (भ० श६)।
विशेषणान्यपि दृश्यन्ते–'चोद्दसपुव्वी चउनाणो२. महातवे घोरतवे (क, ख, ग) । भगवत्यामपि वगए सव्वक्खरसन्निवाती' । (१६) एतद् विशेषणं नास्ति ।
४. अस्संजए (क)। ३. अतः परं भगवत्यां (१६) निम्ननिर्दिष्टानि ५. सं० पा०-असंजए जाव एगंतसुत्ते ।
Jain Education International
For Private & Personal Use Only
www.jainelibrary.org
