________________
ओवाइयं
माणा विवेगं आइक्खह, विवेगं आइक्खमाणा वेरमणं आइक्खह, वेरमणं आइक्खमाणा अकरणं पावाणं कम्माणं आइक्खह। णत्थि णं अण्णे केइ समणे वा माहणे वा जे एरिसं धम्ममाइक्खित्तए', किमंग पुण एत्तो उत्तरतरं ? एवं वदित्ता जामेव दिसं पाउब्भूए तामेव दिसं पडिगए॥ देवी-पडिगमण-पदं
८१. तए णं ताओ सुभद्दापमुहाओ देवीओ समणस्स भगवओ महावीरस्स अंतिए धम्म सोच्चा णिसम्म हतुट्ठ'- 'चित्तमाणंदियाओ पीइमणाओ परमसोमणस्सियाओ हरिसवस-विसप्पमाण °हिययाओ उट्ठाए उठेति, उठेत्ता समणं भगवं महावीरं तिक्खुत्तो आयाहिण-पयाहिणं करेंति, करेत्ता वंदंति णमंसंति, वंदित्ता णमंसित्ता एवं वयासीसुयक्खाए ते भंते ! निग्गंथे पावयणे, सुपण्णत्ते ते भंते ! निग्गंथे पावयणे, सुभासिए ते भंते ! निग्गंथे पावयणे, सुविणीए ते भंते ! निग्गंथे पावयणे, सुभाविए ते भंते ! निग्गंथे पावयणे, अणुत्तरे ते भंते ! निग्गथे पावयणे । धम्म णं आइक्खमाणा उवसमं आइक्खह, उवसमं आइक्खमाणा विवेगं आइक्खह, विवेगं आइक्खमाणा वेरमणं आइक्खह, वेरमणं आइक्खमाणा अकरण पावाण कम्माण आइक्खह । णत्थि ण अण्ण केइ समण वा माहणं वा जे एरिसं धम्ममाइक्खित्तए, किमंग पुण एत्तो उत्तरतरं? एवं वदित्ता जामेव दिसं पाउन्भूयाओ तामेव दिसं पडिगयाओ॥
१. सं० पा०-हदतट जाव द्रियए।
२. सं० पा०-पावयणे जाव किमंग ।
Jain Education International
For Private & Personal Use Only
www.jainelibrary.org
