Page Text
________________
समोस रण-पयरणं
अणत्थदंडवेरमणं" । चत्तारि सिक्खावयाई, तं जहा - सामाइयं, देसावयासियं, पोसहोववासे, अतिहिसंविभागे । अपच्छिमा मारणंतिया संलेहणाझूसणाराहणा' । अयमाउसो ! अगारसामाइ धम्मे पण्णत्ते । एयस्स धम्मस्स सिक्खाए उवट्ठिए समणोवासए वा समणोवासिया वा विहरमाणे आणाए आराहए भवइ ॥
धम्मपडिवत्ति-पदं
७८. तणं सा महतिमहालिया मणूसपरिसा समणस्स भगवओ महावीरस्स अंतिए धम्मं सोचा णिसम्म हट्ठतुट्ठ- चित्तमाणंदिया पीइमणा परमसोमणस्सिया हरिसवसविसप्पमाण हियया उट्ठाए उट्ठेइ, उट्ठेत्ता समणं भगवं महावीरं तिक्खुत्तो आयाहिण'पयाहिणं करेइ, करेत्ता वंदइ णमंसइ, वंदित्ता णमंसित्ता अत्थेगइया मुंडे भवित्ता अगाराओ अणगारयं पव्वइया, अत्येगइया पंचाणुव्वइयं सत्तसिक्खावइयं दुवालसविहं गिहिधम्मं पडवण्णा ॥
परिसा पडिगमण-पदं
७६. अवसेसा णं परिसा समणं भगवं महावीरं वंदइ णमंसइ, वंदित्ता णमंसित्ता एवं वयासी - सुअक्खाए ते भंते! निग्गंथे पावयणे, "सुपण्णत्ते ते भंते! निग्गंथे पावयणे, सुभासिए ते भंते! निग्गंथे पावयणे, सुविणीए ते भंते! निग्गंथे पावयणे, सुभाविए ते भंते ! निग्गंथे पावयणे, अणुत्तरे ते भंते! निग्गंथे पावयणे । धम्मं णं आइक्खमाणा उवसमं आइक्खह, उवसमं आइक्खमाणा विवेगं आइक्खह, विवेगं आइक्खमाणा वेरमणं आइक्खह, वेरमणं आइक्खमाणा अकरणं पावाणं कम्माणं आइक्खह । णत्थि णं अण्णे इ समणे वा माहणे वा जे एरिसं धम्ममाइक्खित्तए, किमंग पुण एत्तो उत्तरतरं ? एवं वदित्ता' जामेव दिसं पाया तामेव दिसं पडिगया ||
कूणिए पडिगमण-पदं
८०. तणं से कूणिए राया भिभसारपुत्ते समणस्स भगवओ महावीरस्स अंतिए धम्मं सोच्चा णिसम्म हट्ठतुट्ठ'- 'चित्तमाणं दिए पी मणे परमसोमणस्सिए हरिसवसविसप्पमाण° हियए उट्ठाए उट्ठेइ, उट्ठेत्ता समणं भगवं महावीरं तिक्खुत्तो आयाहिणपयाहिणं करेइ, करेत्ता वंदइ णमंसइ, वंदित्ता णमंसित्ता एवं वयासी - सुयक्खाए ते भंते ! निग्गंथे पावयणे", "सुपण्णत्ते ते भंते! निग्गंथे पावयणे, सुभासिए ते भंते! निग्गंथे पावणे, सुविणीए ते भंते! निग्गंथे पावयणे, सुभाविए ते भंते ! निग्गंथे पावयणे, अणुत्तरे ते भंते! निग्गंथे पावयणे । धम्मं णं आइक्खमाणा उवसमं आइक्खह, उवसमं आइक्ख
१. अणत्थदंडवेरमणं दिसिव्वयं उवभोगपरिभोग
परिमाणं (क, ग ) ।
२. जूसणा ( क ) ।
३. महच्चपरिसा (ग, वृ ) ।
४. सं० पा० - हट्ठतुट्ठ जाव हियया । ५. आयाहिणं ( ख ) ।
૪૨
Jain Education International
६. सं० पा० – एवं सुपण्णत्ते सुभासिए सुविणीए
सुभाविए ।
७. धम्मे (क, ख, ग ) ।
८. वंदित्ता ( क ग ) ।
६. सं० पा० - हट्ठट्ठ जाव हियए ।
१०. सं० पा० - पावयणे जाव किमंग ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |