Page Text
________________
४८
ओवाइयं
तिरिक्खजोणिएसु उववज्जति तं जहा॰—माइल्लयाए अलियवयणेण उक्कंचणयाए वंचणयाए।
• एवं खलु चउहि ठाणेहिं जीवा मणुस्सत्ताए कम्मं पकरेंति, पकरेत्ता मणुस्सेसु उववज्जति, तं जहा-पगइभट्टयाए पगइविणीययाए साणक्कोसयाए अमच्छरिययाए।
•एवं खलु चउहि ठाणेहिं जीवा देवत्ताए कम्मं पकरेंति, पकरेत्ता देवेसु उववज्जंति, तं जहा -सरागसंजमेणं संजमासंजमेणं अकामणिज्ज राए बालतवोकम्मेणं ।। ७४. तमाइक्खइ
जह णरगा गम्मती, जे णरगा जा य वेयणा णरए। सारीरमाणसाइं', दुक्खाई तिरिक्खजोणीए ॥१।। माणुस्सं च अणिच्चं, वाहि-जरा-मरण-वेयणा-पउरं। देवे य देवलोए, देविढि देवसोक्खाई ॥२।। णरगं तिरिक्खजोणि, माणुसभावं च देवलोगं च। सिद्धे य सिद्धवसहिं, छज्जीवणियं परिकहेइ ॥३॥ जह जीवा बझंती, मुच्चती जह य संकिलिस्संति । जह दुक्खाणं अंतं, करेंति केई अपडिबद्धा ॥४॥ 'अट्टा अट्टियचित्ता", जह जीवा दुक्खसागरमुवेति । जह वेरग्गमुवगया, कम्मसमुग्गं विहाडेति ॥५।। जह रागण कडाणं, कम्माणं पावगो फल विवागो।
जह य परिहीणकम्मा, सिद्धा सिद्धालयमुवेति ॥६।। ७५. तमेव धम्म दुविहं आइक्खइ, तं जहा–अगारधम्म अणगारधम्मं च ॥
७६. अणगारधम्मो ताव-इह खलु सव्वओ सव्वत्ताए मुंडे भवित्ता अगाराओ अणगारियं पव्वइयस्स सव्वाओ पाणाइवायाओ वेरमणं मुसावाय-अदत्तादाण-महण-परिग्गहराईभोयणाओ वेरमण । अयमाउसो ! अणगारसामाइए धम्मे पण्णत्ते । एयस्स धम्मस्स सिक्खाए उवट्ठिए णिग्गंथे वा णिग्गंथी वा विहरमाणे आणाए आराहए भवति ।
७७. अगारधम्म दुवालसविहं आइवखइ, तं जहा-पंच अणुव्वयाइं, तिण्णि गुणव्वयाई, चत्तारि सिक्खावयाइं। पंच अणुव्वयाई, तं जहा-थूलाओ पाणाइवायाओ वेरमणं, थूलाओ मुसावायाओ वेरमणं, थूलाओ अदिण्णादाणाओ वेरमणं, सदारसंतोसे, इच्छापरिमाणे । तिण्णि गुणव्वयाइं, तं जहा–'दिसिव्वयं, उवभोगपरिभोगपरिमाणं, १. सं० पा०-मणुस्सेसु ।
च एवं खलु जीवा निस्सीलेत्याद्यधीयते-एवं २. सं० पा०-देवेसु।
खलु जीवा निस्सीला णिव्वया णिग्गुणा णिम्मेरा ३. सारीरमाणुसाइं (क, ख, ग)।
निप्पच्चक्खाणपोसहोववासा अक्कोहा णिक्कोहा ४. देवभोगाई (ख)।
छीणक्कोहा' एवं मानाद्यभिलापका अपि अणु५. अट्टदुहट्टियचित्ता (क, ख, वृपा); अट्टणिय- पुवेणं अणमिच्छमीससम्ममित्यादिना क्रमेण ट्टियचित्ता (वपा) ।
(वृ)। ६. वाचनान्तरे गाथाः क्रमान्तरेणाधीयन्ते तदन्ते ७. आगारधम्म (क, ग)।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |