Page Text
________________
३४
ओवाइयं
समणे भगवं महावीरे तेणेव उवागच्छंति, उवागच्छित्ता' समणं भगवं महावीरं तिक्खुत्तो आयाहिण -पयाहिणं करेंति, करेत्ता वंदति णमंसंति, वंदित्ता णमंसित्ता णच्चासणे णारे सुस्समाणा णमंसमाणा अभिमुहा विणएणं पंजलिउडा पज्जुवासंति ॥ पवित्ति-वाउयस्स निवेदण-पदं
५३. तए णं से पवित्ति - वाउए इमीसे कहाए लद्धट्ठे समाणे हट्ठतुट्ठ' - 'चित्तमाणंदिए पीइमणे परमसोमणस्सिए हरिसवसविसप्पमाण हियए हाए 'कयबलिकम्मे कय-कोउय-मंगल-पायच्छत्ते सुद्धप्पावेसाई मंगलाई वत्थाई पवरपरिहिए अप्पमहग्घाभरणालंकियसरीरे सयाओ गिहाओ पडिणिक्खमइ, पडिणिक्खमित्ता 'चंप णयरिं", मज्झंमज्झेणं जेणेव बाहिरिया "उवट्ठाणसाला जेणेव कूणिए राया भिभसारपुत्ते तेव उवागच्छइ, उवागच्छित्ता करयलपरिग्गहियं सिरसावत्तं मत्थए अंजलि कट्टु जएणं विजएणं वद्धावेइ, वद्धावेत्ता एवं वयासी - जस्स णं देवाणुप्पिया दंसणं कखंति, जस्स णं देवापिया दंसणं पीहंति, जस्स णं देवाणुप्पिया दंसणं पत्थंति, जस्स णं देवाणुप्पिया दंसणं अभिसंति, जस्स णं देवाणुप्पिया णामगोयस्स वि सवणयाए हट्ठतुट्ठ - चित्तमाणंदिया पी मणा परमसोमणस्सिया हरिसवसविसप्पमाणहियया भवंति से णं समणे भगवं महावीरे पुव्वाणुपुव्वि चरमाणे गामाणुगामं दृइज्जमाणे चंपं णगरि पुण्णभद्दं चेइयं समोसढे । तं एवं देवाप्पिया पियट्ट्याए पियं णिवेदेमि, पिय भे भवउ ॥
विहि-मोत्यु-पदं
५४. तणं से कूणिए राया भिभसारपुत्ते तस्स पवित्ति - वाउयस्स अंतिए एयमट्ठ सोच्चा णिसम्म हट्ठतुट्ठ- चित्तमाणं दिए पीइमणे परमसोमणस्सिए हरिसवस - विसप्पमाणहियए वियसिय- वरकमल-णयण - वयणे पर्यालय- वरकडग- तुडिय केऊर-मउड- कुंडल-हारविरायंतरइयवच्छे पालंब - पलंबमाण- घोलंत भूसणधरे ससंभमं तुरियं चवलं नरिंदे सीहासणाओ
१. इतो वाचनान्तरगतं बहु लिख्यते— जाणाई मुयंति वाहणारं विसज्जेति पुप्फतंबोलाइयं आउमाइयं सचित्तालंकारं पाहणाओ य एगसाडियं उत्तरासंगं ( करेंति ? ) आयंता चोक्खा परमसुइभूया अभिगमेणं अभिगच्छंति, चक्खुफासे मणसा एगत्तीभावकरणेणं सुसमाहिपसंत साहरियपाणिपाया अंजलिमउलियहत्था एवमेयं भंते! अवितहमेयं असंदिद्धमेयं, इच्छियमेयं, पडिच्छियमेयं इच्छियपडिच्छियमेयं, सच्चेणं एसमट्ठे, माणसियाए - - तच्चित्ता तम्मणा तल्लेसा तदज्भवसिया तत्तिव्वज्भसाणा तदप्पिकरणा तयट्ठोवउत्ता तब्भावणाभाविया एगमणा अविमणा
अणण्णमणा
Jain Education International
जिणवयणधम्माणुराग रत्तमणा वियसियवरकमलनयणवयणा पज्जुवा सह समोसरणाई गवेसह आगंतारेसु वा आरामागारेसु वा आएसणेसु वा आवसहेसु वा पणियगेहेसु वा पणियसालासु वा जाणगिहेसु वा जाणसालासु वा कोट्ठागारेसु वा सुसाणेसु वा सुण्णागारेसु वा परिहिडमाणा परिघोलेमाणा ( वृ ) । २. पंजलिकडा ( ग ) ।
३. सं० पा० - हट्ठतुट्ठ जाव हियए । ४. सं० पा० - हाए जाव अप्प० । ५. चंपायर ( क ) ।
६. सं० पा० – सच्चेव हेट्टिल्ला वत्तव्वया जाव णिसीयइ |
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |