Page Text
________________
ओवाइयं
[से तं जोगपडिसलीणया ?']।
से किं तं विवित्तसयणासणसेवणया ? विवित्तसयणासणसेवणया--जण्णं आरामसु उज्जाणेसु देवकुलेसु सहासु पवासु 'पणियगिहेसु पणियसालासु'' इत्थी-पसु-पंडगसंसत्तविरहिया वसहीसु फासुएसणिज्ज पीढफलगसेज्जासंथारगं उवसंपज्जित्ताणं विहरइ। [से तं विवित्तसयणासणसेवणया ?] से तं पडिसलीणया। से तं बाहिरए तवे ।
३८. से किं तं अभितरए तवे ? अभितरए तवे छविहे पण्णत्ते, तं जहा'पायच्छित्तं विणओ वेयावच्चं सज्झाओ झाणं विउस्सग्गो" ॥
३६. से किं तं पायच्छित्ते ? पायच्छित्ते दसविहे पण्णत्ते, तं जहा--आलोयणारिहे पडिक्कमणारिहे तदुभयारिहे विवेगारिहे विउस्सग्गारिहे तवारिहे छेदारिहे मूलारिहे अणवठ्ठप्पारिहे पारंचियारिहे । से तं पायच्छित्ते ॥
४०. से किं तं विणए ? विणए सत्तविहे पण्णत्ते, तं जहा–णाणविणए दंसणविणए चरित्तविणए मणविणए वइविणए कायविणए लोगोवयारविणए। __से किं तं णाणविणए ? णाणविणए पंचविहे पण्णत्ते, तं जहा-आभिणिबोहियणाणविणए सुयणाणविणए ओहिणाणविणए मणपज्जवणाणविणए केवलणाणविणए। से तं णाणवणिए।
से किं तं दंसणविणए ? दंसणविणए दुविहे पण्णत्ते, तं जहा-सुस्सूसणाविणए य अणच्चासायणाविणए य। ___ से कि तं सुस्सूसणाविणए ? सुस्सूसणाविणए अणेगविहे पण्णत्ते, तं जहा--अब्भुट्ठाणेई वा, आसणाभिग्गहेइ वा, आसणप्पयाणंति' वा, सक्कारेइ वा, सम्माणेइ वा, किइकम्मेइ वा, अंजलिप्पग्गहेइ वा, एंतस्स अभिगच्छणया, ठियस्स पज्जुवासणया, गच्छंतस्स पडिसंसाहणया । से तं सुस्सूसणाविणए।
से किं तं अणच्चासायणाविणए ? अणच्चासायणाविणए पणयालीसविहे पण्णत्ते, तं जहा-अरहताणं अणच्चासायणा अरहंतपण्णत्तस्स धम्मस्स अणच्चासायणा आयरियाणं अणच्चासायणा एवं उवज्झायाणं थेराणं कुलस्स गणस्स संघस्स किरियाणं संभोगस्स आभिणिवोहियणाणस्स सुयणाणस्स ओहिणाणस्स मणपज्जवणाणस्स केवलणाणस्स. एएसिं चेव भत्ति-बहुमाणेणं, एएसि चेव वण्णसंजलणया। से तं अणच्चासायणाविणए । से तं दंसणविणए।
१. एतन्निगमनं भगवत्या (२५१५७८)
उपलभ्यते । अत्रापि अपेक्षितमस्ति परन्तु
आदर्शेषु नोपलभ्यते । २. x (भ० २०५७६)। ३. पंडगविवज्जियासु (भ० २५५७६) । ४. पायच्छित्तं विणओ, वेयावच्चं तहेव सज्झाओ।
झाणं विउसग्गो, (क,ख)। ५. भगवत्यां (२५॥५८५) पदानां क्रमभेदो
लभ्यते--सक्कारे इ वा सम्माणे इ वा किइकम्मे इ वा अब्भट्टाणे इ वा अंजलिपग्गहे इ वा आसणाभिग्गहे इ वा आसणाणुप्पदाणे इ वा, एतस्स पच्चुग्गच्छाणया ठियस्स
पज्जुवासणया, गच्छंतस्स पडिसंसाहणया । ६. आसणप्पयाणाति (ख, ग)। ७. अणुगच्छणया (क, ख) ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |